1 Chamué 6:3 - Tupanaarü Ore

³ Rü nüma ga yema chacherdótegü rü yuüxü̃gü rü nanangãxü̃gü, rü ñanagürügü: —Ngẽxguma penatáeguxẽẽgu i ngẽma baú i Iraéanecüã̱xgüarü Tupanaarü mugüchixü̃, rü ¡taxũtáma ngẽmaãcümare penatáeguxẽxẽ! Rü name nixĩ nax nüxna penaxãxü̃ i wüxi i ãmare nax ngẽmaãcü Iraéanecüã̱xgüarü Tupanaxü̃ namaxã perüngüxmüxẽẽxü̃. Rü ngẽxguma i pema rü tá pexca̱x nitaanegü, rü tá nüxü̃ picua̱xãchitanü nax ngẽmagagu yixĩxü̃ ya Tupana i pexü̃ yada̱xaweexẽẽxü̃ —ñanagürügü.

1 Chamué 6:3 Referans Kwoze

1 Chamué 6:9

Rü pema rü mea tá penangugü rü ngextáama naxĩ i ngẽma wocagü namaxã i ngẽma baú. Rü ngẽxguma Iraéanecüã̱xgüarü naanewaama naxĩxgu i Bex-cheméwaama, rü ngẽmawa tá nüxü̃ tacua̱x nax yimá Iraéanecüã̱xgüarü Tupana yixĩxü̃ i taxca̱x ínanguxẽẽxü̃ i ngẽma da̱xaweane. Natürü ngẽxguma tama ngémaama naxĩxgu rü ngẽmawa tá nüxü̃ tacua̱x nax tama Iraéanecüã̱xgüarü Tupana yixĩxü̃ ga tüxü̃ poxcucü rü woetama ngẽma taxca̱x ínangumare —ñanagürügü.

Wenaxarü naxümatü ga Tupanaarü mugü 16:16

Rü guxü̃ma i yatüxü̃gü rü wüxichigü ya taunecügu rü name nax tomaepü̱xcüna Cori ya perü Tupanape̱xewa naxĩxü̃ nawa i ngẽma nachica i nüma nüxü̃ naxunetaxü̃. Rü ñaagü nixĩ i ngẽma petagü i nagu Tupanape̱xewa naxĩxü̃: Paũ i Ngearü Pu̱xẽẽruü̃ã́xü̃, rü Nanetüarü Buxgüchiga, rü Düxenügüchiga. Rü ngẽma petachigagügu rü tama name nax texé ngẽãcume̱xẽãcüma Cori ya Tupanape̱xewa taxuxü̃.

Ínachoxü̃xü̃chiga 23:15

¡Naxüchiga i Üpetüchigaarü peta i nagu paũ i ngearü pu̱xẽẽruxü̃ã́xü̃ pengõ̱xgüxü̃! Rü ngẽma cumaxã nüxü̃ chixuxü̃ãcü tá nixĩ i cunaxüxü̃. Rü ngẽxguma cunaxüchigagu rü 7 i ngunexü̃ tá nixĩ i paũ i ngearü pu̱xẽẽruxü̃ã́xü̃ pengṍxü̃. Rü ngẽma ngunexü̃ i nagu tá cunaxüxü̃ i ngẽma peta rü meatáma tauemacü ya Abígu tá nixĩ, yerü guma tauemacügu nixĩ ga ípenguxü̃xü̃ ga Equítuanewa. Rü ngẽma ngunexü̃gu rü taxúetama ngeãcume̱xẽx nua choxü̃ tayarücua̱xüxü̃.

Ínachoxü̃xü̃chiga 34:20

Natürü ngẽxguma wüxi i búru rü nayatügu i ngẽma nüxíraxü̃xü̃ i naxacü rü tá wüxi i carnéruxacü rüe̱xna wüxi i cabraxacü nachicüü choxna pemu. Natürü ngẽxguma tama ngẽma búruchicüxü choxna penamuxchaü̃gu i wüxi i carnéruxacü rüe̱xna wüxi i cabraxacü rü name i noxtacüma peyabüyenaxã rü peyama̱x i ngẽma búruxacü. Rü ngẽxgumarüxü̃ ta nachicüü ya yima nüxíraü̃cü ya pene rü tá choxna penamu i wüxi i ãmare. Rü taxucürüwa texé chope̱xewa tangu ega tama tümaarü ãmare cha̱u̱xca̱x ngéma tagaxgu.

Yox 10:2

¡Pa Tupanax, rü taxṹ i cuyachoguãchixẽxẽxü̃! ¡Rü chomaxã nüxü̃ ixu ega ta̱xacürü chixexü̃ cupe̱xewa chaxüxgu!

1 Chamué 5:11

Rü guma ĩanewa rü guxü̃ma ga duü̃xü̃gü rü nanaxĩ̱xãchiãẽgü, yerü Tupana rü poraãcü nanapoxcue. Rü yemaca̱x ga yema ĩanecüã̱xgü rü guxü̃ma ga Firitéugüarü ãẽ̱xgacügüca̱x nangema rü ñanagürügü nüxü̃: —¡Nua torü ĩanewa ípenangexechi i ngẽma baú i Iraéanecüã̱xgüarü Tupanaarü mugüchixü̃, rü nachixü̃aneca̱xtama penataeguxẽxẽ nax tama toxü̃ nada̱i̱xü̃ca̱x i guxãma i tomax! —ñanagürügü.

1 Chamué 5:9

Natürü yexguma marü yéma nangegüãguwena, rü nüma ga Cori ya Tupana rü yema ĩanecüã̱xgüxü̃ nayaxĩ̱xãchiãẽxẽẽgü yerü taixnamaxã nayada̱xaweexẽxẽ ga guxü̃ma ga duü̃xü̃gü ga ibuxü̃ rü iyaxü̃.

1 Chamué 5:7

Rü yemaxü̃ nadaugügu ga yema duü̃xü̃gü ga Adúxcüã̱x rü ñanagürügü: —Ngẽma baú ya Iraéanecüã̱xgüarü Tupanaarü ixĩxü̃ rü tama tanaxwa̱xe i tatanüwa nax nangẽxmaxü̃ erü ngẽmagagu nixĩ i ngẽma Tupana rü taxca̱x rü tórü tupana i Dagóü̃ca̱x rü poraãcü guxchaxü̃ ínanguxẽẽxü̃ —ñanagürügü.

Lebítanüxü̃arü puracüchiga 6:6

Rü ngẽma tümaxü̃na i cha̱u̱xca̱x timáxü̃ rü name i wüxi i carnéru i taxuwama chixexü̃ nax yixĩxü̃. Rü cumax, Pa Moichéx, rü cuma tá nixĩ i cunangugütanüxü̃ nax ñuxregu naxãtanüxü̃ i ngẽma carnéru rü aixcüma ngẽma carnéru i tümaxü̃natanüwa tayaxuxü̃ rü marü namaxã yangutanü i tümaarü pecadu. Rü ñu̱xũchi chacherdótexü̃tawa tá tanaga nax ngẽxma tayamáxü̃ca̱x tümaarü pecadutanü.

Lebítanüxü̃arü puracüchiga 5:6

Rü yíxema duü̃xẽ rü tümaarü pecaduarü ütanüruxü̃ tá Cori ya Tupanaca̱x tayama̱x i wüxi i chíbuxacü i ngexü̃ rüe̱xna wüxi i carnéruxacü i ngexü̃ i tümaxü̃naxüchitama ixĩxü̃. Rü nüma ya chacherdóte rü tá Tupanaca̱x nayagu i ngẽma tümaarü ãmare nax ngẽmaãcü Tupana tüxü̃́ nüxü̃ iyarüngü̃maxü̃ca̱x i tümaarü pecadu ya yíxema duü̃xẽ.

1 Chamué 6:8

¡Rü ñu̱xũchi yimá peweü̃gu peyaxǘe i ngẽma baú i Cori ya Tupanaarü mugü nawa ngẽxmaxü̃! ¡Rü ngẽma baúcüwagu peyaxüechiü̃ i ngẽma naxchicüna̱xãgü i úirunaxca̱x ixĩgüxü̃ i norü Tupanaarü ngüxmüxẽxẽruxü̃ ixĩxü̃! ¡Rü ngẽmawena rü peyange̱xgü i ngẽma wocagü nax nüma ínanaxwa̱xexü̃wa naxĩxü̃ca̱x namaxã i ngẽma baú!

Ínachoxü̃xü̃chiga 8:15

Natürü yexguma yema guxchaxü̃güwa ínanguxuchigu ga Faraóü̃, rü yema Cori ya Tupana nüxü̃ ixuxü̃rüxü̃ rü wenaxarü nanuama ga Faraóü̃, rü tama Moiché rü Aróü̃ga naxĩnüchaü̃.