1 Chamué 6:21 - Tupanaarü Ore

²¹ Rü yemaca̱x ĩane ga Quiriáx-yearíü̃arü duü̃xü̃güca̱x yéma namugagü rü ñanagürügü: —Ngẽma Firitéugü rü marü nanatáeguxẽẽgü i ngẽma baú i Cori ya Tupanaarü mugüchixü̃. Rü ngẽmaca̱x name i nua pexĩ rü peyayaxu —ñanagürügü.

1 Chamué 6:21 Referans Kwoze

Yochué 18:14

Rü yéma rü guma ma̱xpǘnecüwaarü oéstegu ínadaegu. Rü súrwaama nada ñu̱xmata Quiriáx-baá ga to ga naéga nixĩ ga Quiriáx-yearíü̃wa nangu. Rü guma ĩane rü Yudátücumüna naxǘ. Rü yema nixĩ ga norü üyeane ga oéstecüwawaama.

Yochué 9:17

Rü yexguma ga ñuxre ga Iraétanüxü̃arü churaragü rü inaxĩãchi nax yema Gabaóü̃cüã̱xgüarü ĩanegüca̱x yadaugüxü̃ca̱x. Rü tomaepü̱x ga ngunexü̃gu norü ĩanegüwa nangugü. Rü gumá norü ĩanegü rü Gabaóü̃ nixĩ, rü Quefirá nixĩ, rü Beerúx nixĩ rü Quiriáx-yearíü̃ nixĩ.

Yeremía 7:14

Rü ngẽmaca̱x guma chopata ga Chilówa yexmanemaxã chaxüxü̃ tátama namaxã chaxü ya daa chopata ga pexna chaxãxü̃ne rü nũxcümaü̃güxü̃ ga perü o̱xigüna chaxãxü̃ne. Rü ñu̱xma i pema rü daa chopatamaxã pegü íperüporae nax pexü̃ ínapoxü̃xü̃ca̱x.

Yeremía 7:12

Rü dücax, ípeyadau i nachica ga guma chopata ga Chilówa yexmane. Rü yema nixĩ ga nachica ga nüxíra nüxü̃ chaxunetaxü̃ nax yéma chayexmaxü̃ca̱x. ¡Rü dücax, nüxü̃ peda̱u̱x ga yema namaxã chaxüxü̃ ga yema nachica nagagu ga yema chixexü̃ ga chorü duü̃xü̃gü ga Iraétanüxü̃ ügüxü̃!

Wiyaegü 78:60

Rü nüxna nixũ ga guma napata ga naxchirunaxca̱x ga duü̃xü̃gütanüwa yexmane ga Chilówa.

Ãẽ̱xgacügü ga guxchaxü̃güarü mexẽxẽruü̃gü 18:12

Rü Yudáanewa nangugü. Rü yexma napegü ga Quiriáx-yearíü̃arü oésteguama. Rü yema nachica rü ñu̱xma rü ta Dáü̃arü pegüchicagu naxãéga.

Yochué 15:60

Rü nai ga ĩane ga nayauxgüne nixĩ ga daagü: Quiriáx-baá ga to ga naéga nixĩ ga Quiriáx-yearíü̃, rü Rabá rü naétü ga norü ĩanexacügü.

Yochué 15:9

Rü guma ma̱xpǘneétügu ínayapo rü nida ñu̱xmata natüacü ga Netóawa nangu. Rü yéma nadapetü ñu̱xmata nawa nangu ga guma ĩanegü ga ma̱xpǘne ga Efróü̃wa yexmagüne. Rü ĩane ga Baaráwa nadapetü. Rü to ga naéga rü Quiriáx-yearíü̃ nixĩ.

Yeremía 26:20

Rü nayexma ga to ga Tupanaarü orearü uruxü̃ ga Uría ga Chemaía nane ixĩcü. Rü nüma rü ĩane ga Quiriáx-yearíü̃cüã̱x nixĩ. Rü nüma ga Uría rü Yeremíarüxü̃ Tupanaégagu Yerucharéü̃chiga rü Yudáanechiga nidexa rü nüxü̃ nixu nax guxchaxü̃ tá naxca̱x íngugüxü̃

2 Chamué 6:2

Rü guxü̃ma ga yema churaragümaxã Yudáanewa yexmane ga ĩane ga Baaráwa naxĩ nax Yerucharéü̃wa nangegüãxü̃ca̱x ga yema baú ga Tupanaarü mugü nawa yexmaxü̃. Rü yema baúxü̃tawa nixĩ ga namaxã yadexagüxü̃ ga Cori ya Tupana ya Guxü̃étüwa Nangexmacü ya querubíü̃güarü ngãxü̃tanüwa rütocü.