1 Chamué 6:2 - Tupanaarü Ore

² Rü nüma ga Firitéugü rü nanangutaque̱xexẽxẽ ga norü chacherdótegü rü yuüxü̃gü nax yemagüna nacagüexü̃ca̱x, rü ñanagürügü: —¿Ta̱xacü tá namaxã taxüxü̃ i ngẽma Iraéanecüã̱xgüarü Tupanaarü mugüchixü̃? ¡Tomaxã nüxü̃ pixu nax ñuxãcü tá wena nachixü̃aneca̱x tanatáeguxẽẽxü̃! —ñanagürügü.

1 Chamué 6:2 Referans Kwoze

Ínachoxü̃xü̃chiga 7:11

Rü nüma ga Faraóü̃, rü norü duü̃xü̃gü ga nüxü̃ icua̱xüchixü̃ca̱x rü norü yuüxü̃güca̱x nangema. Rü nümagü ga yema norü duü̃xü̃gü rü norü yuüxü̃gümaxã nanaxügüama ta ga yema Aróü̃ üxü̃.

Naanearü ügüchiga 41:8

Rü moxü̃ãcü ga pa̱xmama rü poraãcü naxoegaãxẽ naxca̱x ga yema nanegü. Rü naxca̱x nangema ga guxü̃ma ga yema iyuüxü̃ rü duü̃xü̃gü ga nüxü̃ cua̱xüchigüxü̃ ga Equítuanecüã̱x. Rü nüma ga Faraóü̃ rü namaxã nüxü̃ nixu ga nanegü. Natürü taxuxü̃ma ga yema yuüexü̃ nüxü̃ nacua̱x nax ta̱xacüchiga yixĩxü̃ ga yema nanegü.

Danié 5:7

Rü ñu̱xũchi tagaãcü aita naxü ga ãẽ̱xgacü ga Berchachá, rü naxca̱x nangema ga yema norü ucu̱xẽruü̃gü ga ẽxü̃guxü̃xü̃ cua̱xgüxü̃, rü yema cua̱x nüxü̃́ yexmaxü̃, rü yema Babiróniaanecüã̱x ga woramacuriwa ngúexü̃. Rü ñanagürü nüxü̃: —Yíxema nüxü̃ daumatüxe i ngẽma ngẽxma ümatüxü̃ rü nüxü̃ ixuxe nax ta̱xacüchiga yixĩxü̃, rü naxchiru i dauxracharaxü̃gu tá tüxü̃ chicu̱xẽxẽ, rü úirunaxca̱x ya cadénamaxã tá tüxü̃ chaxüchagü, rü tüma tá tixĩ i choweama i norü tomaepü̱xwa taxüxü̃ nax ãẽ̱xgacü tixĩxü̃ —ñanagürü.

Danié 2:2

Rü yemaca̱x naxca̱x nangema ga norü ucu̱xẽruü̃gü ga iyuüxü̃ rü yema ẽxü̃guxü̃xü̃ cua̱xgüxü̃ rü nape̱xexü̃ cua̱xgüxü̃ rü yema cua̱x nüxü̃́ yexmagüxü̃. Rü nüma ga yema iyuüxü̃ rü ãẽ̱xgacüxü̃tawa naxĩ. Rü nüma ga ãẽ̱xgacü rü yemagüna naca nax nüxü̃ yaxugüexü̃ca̱x nax ta̱xacüchiga yixĩxü̃ ga yema nagu naxãnegüxü̃.

Ore i mexü̃ ga Matéu ümatüxü̃ 2:4

Rü yexguma ga ãẽ̱xgacü ga Eróde rü naxca̱x nangema ga guxü̃ma ga chacherdótegüarü ãẽ̱xgacügü rü yema ngúexẽẽruü̃gü ga Tupanaarü mugüwa ngu̱xẽẽtaegüxü̃. Rü nüxna naca, rü ñanagürü: —¿Ngexta tá nixĩ i nabuégaxü̃ ya Cristu? —ñanagürü.

Ichaía 2:6

Ichaía rü yumüxẽwa ñanagürü: —Pa Corix, marü nüxna quixũgachi i curü duü̃xü̃gü i Acóbutanüxü̃. Rü natanüwa nangugü rü ngéma namu i duü̃xü̃gü i ẽxü̃guxü̃xü̃ icuáxü̃ i éstewa ne ĩxü̃, rü duü̃xü̃gü i yuüxü̃ ñoma Firitéugütanüwarüxü̃. Rü curü duü̃xü̃gü rü togü i nachixü̃anecüã̱x i tama Tupanaxü̃ cua̱xgüxü̃maxã nügümaxã nanamexẽxẽ nax nügüarü ngẽmaxü̃ca̱x nataxegüxü̃ca̱x.

1 Chamué 6:1

Rü yema baú ga Tupanaarü mugüchixü̃ rü 7 ga tauemacü Firitéugüarü naanewa nayexma.

1 Chamué 5:8

Rü yemaca̱x ga yema Asdóxcüã̱x rü guxü̃ma ga Firitéugüarü ãẽ̱xgacügüca̱x nangema nax namaxã nangutaque̱xegüxü̃ca̱x. Rü nüxna nacagüe rü ñanagürügü: —¿Ta̱xacü tá namaxã ixügüxü̃ i ngẽma baú i ngẽma Iraéanecüã̱xgüarü Tupanaarü mugüchixü̃? —ñanagürügü. Rü yema ãẽ̱xgacügü rü nanangãxü̃ rü ñanagürügü: —¡Ẽcü ĩane ya Gáxwa penangegü! —ñaxü̃maxã nanangãxü̃gü. Rü nüma ga yema Firitéugü rü guma ĩanewa nanangegü.