1 Chamué 6:19 - Tupanaarü Ore

¹⁹ Natürü nüma ga Cori ya Tupana rü nanadai ga ñuxre ga duü̃xü̃gü ga Bex-chemécüã̱xgü yerü yema Tupanaarü mugüchixü̃ ga baúgu nadaucu. Rü 70 ga yatügü nixĩ ga yuexü̃. Rü nüma ga yema ĩanecüã̱xgü rü poraãcüxüchima naxauxe naxca̱x ga yema duü̃xü̃gü ga Cori ya Tupana natanüwa daixü̃.

1 Chamué 6:19 Referans Kwoze

Iraétanüxü̃arü muxchiga 4:20

Rü ngẽmaãcü i nüma i Queáxtanüxü̃ rü taxũtáma nüxü̃ nadaugü i ngẽma ngẽmaxü̃gü i üünegüxü̃ rü ngẽmaãcü taxũtáma nayue —ñanagürü.

Ínachoxü̃xü̃chiga 19:21

Rü Cori ya Tupana rü ñanagürü nüxü̃: —¡Ẽcü írüxĩ rü namaxã nüxü̃ ixu i duü̃xü̃gü nax tama nawa nachopetüxü̃ca̱x i ngẽma cua̱xruxü̃ i pexüxü̃! Rü tama chanaxwa̱xe nax nagu naxĩnüexü̃ nax choxü̃ nadaugüxü̃, erü ngẽxguma choxü̃ nadaugügu rü tá nayue.

2 Chamué 6:7

Rü yemaca̱x ga Cori ya Tupana rü Uchámaxã nanu yerü nüxü̃ ningõgü ga yema baú ga Cori ya Tupanaarü mugü nawa yexmaxü̃. Rü yemaca̱x yexmatama baúxü̃tagu yumaxã nayangu.

Iraétanüxü̃arü muxchiga 4:15

Rü ngẽxguma Aróü̃ rü nanegü marü nüxü̃́ nagu̱xgu nax yanáixpüü̃güãxü̃ i guxü̃ma i ngẽma Tupanapataarü ngẽmaxü̃gü i üünegüxü̃, rü ngẽxguma marü inaxĩãchichaü̃gu, rü nüma i Queáxtanüxü̃ rü ngéma tá naxĩ nax yanaxãxü̃ca̱x i guxü̃ma i ngẽma ngẽmaxü̃gü. Natürü taxũtáma nüxü̃ ningõgügü i ngẽma ngẽmaxü̃gü i üünegüxü̃ nax tama nayuexü̃ca̱x. Rü guxü̃ma i ngẽma Tupanapataarü ngẽmaxü̃gü rü Queáxtanüxü̃ tá nixĩ i yanaxü̃.

Colosenses 2:18

¡Rü taxṹ i naga pexĩnüexü̃ i ngẽma duü̃xü̃gü i pepe̱xewa nügü írüxíxragüxü̃ rü daxũcüã̱x i orearü ngeruü̃güxü̃ icua̱xüü̃güxü̃! Nümagü rü nügü nixugüe nax yango̱xetügüxü̃, rü ngẽmaãcü noxrütama ĩnügümaxã nügü nicua̱xüü̃gü.

Nüxíraxü̃xü̃ ga popera ga Pedru ümatüxü̃ 4:17

Rü ñu̱xma rü marü nawa nangu nax Tupana tüxna ca̱xaxü̃ i yixema nax naxacügü ixĩgüxü̃. Rü ngẽxguma tawa inaxügüãgu, rü ¿ñuxãcü tá nüxü̃ naxüpetü i ngẽma duü̃xü̃gü i tama naga ĩnüexü̃ i Tupanaarü ore i mexü̃?

Wenaxarü naxümatü ga Tupanaarü mugü 29:29

Rü nangẽxma i ta̱xacü i tama nüxü̃ icuáxü̃ i yixema, rü Cori ya Tupanaxicatama nixĩ ya nüxü̃ cuácü. Natürü nangẽxma i ta̱xacü marü tüxü̃ rü taxacügüxü̃ nüxü̃ nacua̱xẽẽxü̃ nax guxü̃gutáma nagu imaxẽxü̃ca̱x i guxü̃ma i ngẽma ucu̱xẽgü i ñaa mugüwa ngẽxmagüxü̃ —ñanagürü ga Moiché.

Ínachoxü̃xü̃chiga 33:4

Rü yexguma yema dexaxü̃ naxĩnüegu ga yema duü̃xü̃gü rü poraãcü narümaachitanü rü taxuxü̃ma nügü nanga̱xãẽgüchaü̃ norü ngã̱xãẽruü̃gümaxã.

Iraétanüxü̃arü muxchiga 1:51

Rü ngẽxguma tóxnamana pexĩxgu, rü nüma i Lebítanüxü̃ tá nixĩ i íyawẽgüxü̃ ya yima chopata. Rü ngexta ípengugüxü̃wa rü nüma i Lebítanüxü̃ tá nixĩ i wena inachitaü̃xẽẽgüxü̃ ya yima chopata. Rü texé ya tama Lebítanüxü̃ ixĩxẽ i nüxna ngaicamaxe ya chopata rü tá tayu.

Iraétanüxü̃arü muxchiga 4:18

—Rü tama chanaxwa̱xe nax naxoxü̃ i ngẽma Queáxtanüxü̃ natanüwa i Lebítanüxü̃.

Norü taxre ga to ga popera ga ãẽ̱xgacügüchiga ümatüxü̃ 25:21

Rü yexguma ga Yoá rü norü churaragümaxã inaxũãchi nax Yudáanearü ĩane ga Bex-chemégu Amachíamaxã nügü nada̱i̱xü̃ca̱x.