1 Chamué 5:2 - Tupanaarü Ore

² Rü ñu̱xũchi norü tupana ga Dagóü̃patagu nayaxǘcuchigü. Rü Dagóü̃chicüna̱xãxü̃tagu nanaxǘgü.

1 Chamué 5:2 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 16:23

Rü nümagü ga Firitéugüarü ãẽ̱xgacügü rü nataãẽgü rü nanaxüchíügü ga Chanchóü̃xü̃ nax yayauxgüxü̃. Rü norü tupana ga Dagóü̃ca̱x naxü̃na nadai rü ñu̱xũchi naxca̱x ínanagu. Rü ñaãcü nawiyaegü: —Tórü tupana rü taxme̱xgu nananguxẽxẽ i tórü uanü i Chanchóü̃ —ñanagürügü.

Danié 5:23

Dücax, Pa Ãẽ̱xgacüx, cuma rü Cori ya Tupana ya dauxü̃wa ngẽxmacügu quidauxcüraxü̃. Erü curü duü̃xü̃güxü̃ cuyanuxü̃xẽxẽ i ngẽma naxpáü̃gü ga Tupanapata ya taxü̃nearü ixĩxü̃. Rü ngẽma nüxna cuxuxü̃maxã wüxigu ngẽma naxpáü̃güwa peyaxaxü ga bínu, rü nüxü̃ picua̱xüü̃gü i ngẽma perü tupanachicüna̱xãgü i úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x i ngearü maxü̃ã́xü̃, rü tama tüxü̃ dauxü̃, rü tama tüxü̃ ĩnüxü̃ rü taxuxü̃ma cuáxü̃. Natürü tama nüxü̃ quicua̱xüxü̃ ya yimá Tupana ya naxme̱xwa nangẽxmacü i curü maxü̃ rü namaxã icuácü i guxü̃ma i ta̱xacü icuxüxü̃.

Danié 5:2

Rü yema bínumaxã nax nangãxü̃xü̃ ga ãẽ̱xgacü ga Berchachá rü norü duü̃xü̃güxü̃ namu nax yanuxü̃ãxü̃ca̱x ga yema naxpáü̃gü ga úirunaxca̱x rü diẽrumünaxca̱x ga nanatü ga Nabucudonochó Yerucharéü̃wa yexmane ga Tupanapata ga taxü̃newa ne naxü̃. Rü nayanuxũ ga yema naxpáü̃gü ga üünexü̃ rü nawa naxaxegü ga ãẽ̱xgacü rü naxma̱xgü rü naxma̱xabagü rü guxü̃ma ga yema chibüwa yéma ĩxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:10

Rü ñu̱xũchi ga guma naxnegü, rü nüma ga Firitéugü rü norü tupanagüchicüna̱xãpataxü̃gu nayanu. Rü yema naeru rü norü tupana ga Dagóü̃arü tupaucaarü ĩxtapü̱xgu nayacho.

Abacú 1:16

Rü ngẽmaca̱x i ngẽma choxniexü̃ rü norü püchaxü̃ rü norü poxwaxü̃ nicua̱xüxü̃ rü ãmaregü rü pumarate̱xe naxca̱x ínagu. Rü moxẽ nüxna naxã ya norü poxwa rü norü pücha, erü ngẽma poxwagagu rü püchagagu nixĩ i mexü̃ i õna nangṍxü̃ rü taguma nangewemüxü̃.

Abacú 1:11

Rü ngexta ínachopetüxü̃wa rü ñoma buanecü ya poraemacü rü íxã̱ũ̱xẽmacürüxü̃ nixĩgü. Rü nümagü rü norü poragutama nayaxõgü, rü taxuxü̃ma i ta̱xacürü tomaxã natupanaã̱xgü —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:8

Rü yexguma nügü nadaixgu wenaxarü moxü̃ãcü rü nüma ga Firitéugü rü yema nügü ínada̱i̱xü̃wa naxĩ nax tüxü̃ yadexenegüxü̃ca̱x ga guxema yuexe. Rü yexma Chaúxü̃ rü nanegüxü̃ nayangaugü ga yexma yuexü̃ nagu ga guma ma̱xpǘne ga Guibóa.