1 Chamué 4:8 - Tupanaarü Ore

⁸ Rü ñu̱xmax rü poraãcüxüchi ãũcümaxü̃wa tangexmagü. ¿Rü texé tá naxme̱xwa tüxü̃ ítapoxü̃ ya yimá Tupana ya poraxüchicü? Yerü gumátama Tupana nixĩ ga ínachianexü̃wa Equítucüã̱xgüxü̃ poxcucü namaxã ga naguxü̃raü̃xü̃ ga guxchaxü̃gü.

1 Chamué 4:8 Referans Kwoze

Ínachoxü̃xü̃chiga 9:14

Rü ñu̱xmax rü tá cuxca̱x rü curü ngü̃xẽẽruü̃güca̱x, rü guxü̃ma i Equítuanecüã̱xgüca̱x tá nua chanamu i naguxü̃raü̃xü̃ i chorü poxcu nax ngẽmaãcü nüxü̃ cucuáxü̃ca̱x nax ñoma i naanewa rü nataxuxü̃ma i to ya Tupana i chauxrüxü̃ ixĩxü̃.

Ínachoxü̃xü̃chiga 7:5

Rü ngẽxguma Equítuanecüã̱xgüxü̃ chanawe̱xgu i chorü pora rü marü íchanagaxü̃gu i Iraétanüxü̃, rü ñu̱xũchi nüma i Equítuanecüã̱xgü rü tá nüxü̃ nicua̱xãchitanü nax aixcüma choma yixĩxü̃ ya Cori ya Tupana —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:6

Rü ngẽma taxre i orearü uruü̃gü rü nüxü̃́ nangẽxma i pora nax íyachaxãchixü̃ca̱x ya pucü nax tama napuxü̃ca̱x i guxü̃ma i ngẽma 1,260 i ngunexü̃gü i nagu Tupanaarü orexü̃ yaxugüxü̃. Rü ngẽxgumarüxü̃ ta nüxü̃́ nangẽxma i pora nax nagüxü̃ yaxĩxẽẽgüãxü̃ca̱x i dexá. Rü ngẽxgumarüxü̃ ta nüxü̃́ nangẽxma i pora nax ñoma i naanewa namugüãxü̃ca̱x i naguxü̃raü̃xü̃ i guxchaxü̃gü nax ngẽmaãcü ngúxü̃ duü̃xü̃güxü̃ yangexẽẽgüxü̃ca̱x i ngẽxguma ngẽma taxre naxwa̱xegügu.

1 Chamué 4:9

Pa Firitéugüarü Churaragüx, ¡taxṹ ipemuü̃exü̃ rü perümaãchitanüxü̃! ¡Rü guxü̃ i perü poramaxã namaxã pegü pedai i ngẽma Iraétanüxü̃ nax ngẽmaãcü tama norü puracütanüxü̃xü̃ pexü̃ yaxĩgüxẽxẽxü̃ca̱x yema nümagü rü tórü puracütanüxü̃ yaxĩgügurüxü̃! —ñanagürügü.

Ínachoxü̃xü̃chiga 15:14

Rü ngẽxguma tá ngẽmaxü̃ nacuáchigagügu i ngẽma nachixü̃anegü rü tá muü̃maxã nidu̱xrue. Rü ngẽma Firitéugü rü tá poraãcü namuü̃e.

1 Chamué 5:7

Rü yemaxü̃ nadaugügu ga yema duü̃xü̃gü ga Adúxcüã̱x rü ñanagürügü: —Ngẽma baú ya Iraéanecüã̱xgüarü Tupanaarü ixĩxü̃ rü tama tanaxwa̱xe i tatanüwa nax nangẽxmaxü̃ erü ngẽmagagu nixĩ i ngẽma Tupana rü taxca̱x rü tórü tupana i Dagóü̃ca̱x rü poraãcü guxchaxü̃ ínanguxẽẽxü̃ —ñanagürügü.