1 Chamué 4:5 - Tupanaarü Ore

⁵ Rü yexguma yema Iraéanearü churaragü ípegüxü̃wa nanguxgu ga yema baú ga Tupanaarü mugüchixü̃, rü nüma ga Iraétanüxü̃ rü taãẽmaxã poraãcü aita naxüe ñu̱xmata waixü̃mügu yaxũgagü.

1 Chamué 4:5 Referans Kwoze

Yochué 6:5

Rü ngẽxguma nüxü̃ pexĩnüegu nax poraãcü yacuegüãxü̃ ya carnéruchatacu̱xregü rü tá tagaãcü aita pexüe. Rü ngẽxguma i norü poxeguxü̃ ya yima ĩane rü tá nangĩãchi. Rü ngẽxgumayane rü wüxichigü i pemax rü tá nagu pichocu ya yima ĩane —ñanagürü ga Tupana.

Amúx 6:3

Pema rü tama nagu perüxĩnüe i ngẽma ngunexü̃ i nagu tá poxcu pexca̱x ínguxü̃. Natürü ngẽma perü chixexü̃gü rü nayangaicaxẽxẽ i ngẽma ngunexü̃ i nagu tá pexü̃ nada̱i̱xü̃ i perü uanügü.

Yeremía 7:4

¡Rü taxṹ i nüxü̃́ peyaxõgüxü̃ i ngẽma duü̃xü̃gü i pexü̃ womüxẽẽgüxü̃ rü ñagüxü̃: Nua Yerucharéü̃wa nangẽxma ya yima Cori ya Tupanapata ya taxü̃ne rü ngẽmaca̱x Tupana taxũtáma nanapoxcu ya daa ĩane woo chixexü̃ íxügügu, ñagüxü̃!

Ãẽ̱xgacügü ga guxchaxü̃güarü mexẽxẽruü̃gü 15:14

Rü yexguma Leíwa nangugügu ga yema Chanchóü̃xü̃ iyauxgüxü̃, rü nüma ga Firitéugü rü taãẽmaxã aita naxüe. Natürü Cori ya Tupanaãxẽ rü Chanchóü̃maxã inacua̱x, rü yema napana̱xã ga namaxã yana̱i̱xgüãxü̃ rü ñoma tünütarüxü̃ inacaũgü rü napü̱xme̱xẽwa ínayi.

Yochué 6:20

Rü yexguma ga nüma ga yema duü̃xü̃gü rü aita naxüe rü ga carnéruchatacu̱xregü rü naxãgatanüãchi. Rü yexguma guma carnéruchatacu̱xregügaxü̃ naxĩnüegu ga nüma ga Iraétanüxü̃ rü inanaxügüe nax poraãcü aita naxüexü̃. Rü yexguma ga guma ĩanearü poxeguxü̃ rü niwa̱xtapü̱x. Rü yexguma ga nüma ga Iraétanüxü̃ rü yexma nachocu rü namaxã inacua̱xgü.

Miquéa 2:11

Rü ngẽxguma chi ínanguxgu i wüxi i orearü uruü̃neta i doraxü̃mare ixuxü̃, rü ñaxgu: “Rü ñu̱xma rü choma rü chanaxunagü rü marü name i peyaxaxüxü̃ i bínu rü tooma i axchixügü”, ñaxgu, rü pexca̱x rü ngẽma nixĩ i wüxi i mexü̃ma i orearü uruxü̃ ixĩxü̃ —ñanagürü ya Tupana.

1 Chamué 4:6

Rü yexguma yemaxü̃ naxĩnüegu ga Firitéugü rü nügüna nacagüe rü ñanagürügü: —¿Ta̱xacüca̱x ínicuxcu i ngẽma Iraétanüxü̃ i ínapegüxü̃wa? —ñanagürügü. Natürü yexguma yema Firitéugü nüxü̃ cua̱xgügu nax yema Iraétanüxü̃ ínapegüxü̃wa nangegüãxü̃ ga yema baú ga Tupanaarü mugü nagu nuxü̃ rü namuü̃e. Rü ñanagürügü: —Tupana rü ngẽma Iraétanüxü̃ ínapegüxü̃wa nangu. ¿Rü ta̱xacü tá tüxü̃ nangupetü i ñu̱xmax erü tagumachire̱x ngẽmaãcü nangupetü?

2 Chamué 15:24

Rü yexgumarüxü̃ ta ga chacherdóte ga Chadóx rü guxü̃ma ga Lebítanüxü̃maxã ãẽ̱xgacüwe narüxĩ. Rü nayangegü ga yema baú ga Tupanaarü mugüchixü̃. Rü yema baú rü Abiatáxü̃tagu nanaxǘgü, rü nüma rü Tupanaca̱x ãmare nigu ñu̱xmata ínachoxü̃ ga guxü̃ma ga duü̃xü̃gü nawa ga guma ĩane.

Nüxíraxü̃xü̃ ga popera ga ãẽ̱xgacügüchiga 1:40

Yemawena rü guxü̃ma ga yema duü̃xü̃gü rü Charomóü̃we narüxĩ. Rü wowerugu nicuegü, rü poraãcüxüchi nataãẽgü. Rü yema nax natagaxüchixü̃ rü naane nidu̱xru.