1 Chamué 4:21 - Tupanaarü Ore

^21-22 Rü Icabúgu inaxüéga ga yema ngĩne rü ngĩgürügü: —Tupana rü marü tüxna nixũgachi erü marü nataxuma i ngẽma baú i Tupanaarü mugüchixü̃ i nua Iraéanewa —ngĩgürügü. Rü yema ngĩgürügü yerü marü nanapugü ga Tupanaarü mugüchixü̃ rü marü nayue ga ngĩ̱xtü rü ngĩte.

1 Chamué 4:21 Referans Kwoze

Wiyaegü 26:8

Pa Corix, choma nüxü̃ changechaü̃ ya yima cupata, rü nüxü̃ changechaü̃ i ngẽma nachica i nawa nangẽxmaxü̃ ya curü üüne.

Wiyaegü 78:61

Rü nanayexrü nax yema Iraéanecüã̱xgüarü uanügü yangegüxü̃ca̱x ga yema baú ga norü mugü nawa yexmaxü̃.

Wiyaegü 78:64

Rü yema norü chacherdótegü rü taramaxã nanadai. Rü naxma̱xgü rü taxucürüwa tümateca̱x taxauxe.

Ochéa 9:12

Rü woo ngẽxguma yaxãxacügügu, rü choma rü tá nüxna chanayaxu i norü maxü̃ rü tá nayue. Rü ngẽxguma nüxna chixũgachigu i ngẽma Iraéanecüã̱xgü rü naxca̱x rü tá wüxi i taxü̃ i ngechaü̃ nixĩ.

1 Chamué 4:11

Rü yexgumarüxü̃ ta nanapugü ga yema baú ga Tupanaarü mugü nawa yexmaxü̃, rü nanadai ga Oní rü Fineéx ga yema taxre ga Erí nanegü.

Wiyaegü 106:20

Rü yemaacü Tupana ya Üünecüxü̃ naxüchicüxügü namaxã ga wüxi ga woca i maxẽ i ngṍxü̃chicüna̱xã.

1 Chamué 14:3

Rü yema chacherdóte ga Tupanaarü Efóxarü ngeruxü̃ nixĩ ga Aíax ga Aitúx nane. Rü nüma ga Aitúx rü Icabú naenexẽ nixĩ. Rü Icabú rü Fineéx nane nixĩ. Rü Fineéarü papa ga Erí nixĩ ga Tupanaarü chacherdóte ga ĩane ga Chilówa. Natürü ga duü̃xü̃gü rü tama nüxü̃ nacua̱xgü nax Yonatáü̃ rü marü inaxũãchixü̃.

1 Chamué 2:34

Rü wüxi i curü cua̱xruxü̃ tá nixĩ i ngẽma taxre i cune i Oní rü Fineéxü̃ ngupetüxü̃, erü ngẽma taxre rü ngẽmatama i ngunexü̃gu tá nayue.

1 Chamué 3:12

Rü ngẽma ngunexü̃gu rü taxũtáma chanangupetüxẽxẽ i guxü̃ma ga yema Erímaxã nüxü̃ chixuxü̃ ga nanegüchiga.

Auxexü̃chiga 2:1

Cori ya Tupana rü poraãcü Yerucharéü̃maxã nanu, rü yemaca̱x ẽanexü̃ naétügu nanguxẽxẽ ga guma ĩane ga noxri mexẽchine. Rü yima Iraéanearü ĩane ga guxü̃nema ga Yudáanearü ĩanegüétüwa üchiréne rü Cori ya Tupana rü dauxü̃wa ne nanamu nax nagu napogüxü̃. Rü woo ga napata ga Chióü̃wa yexmane rü tama nüxna nacua̱xãchi.