1 Chamué 4:20 - Tupanaarü Ore

²⁰ Rü yexguma yema ngĩxü̃ rüngü̃xẽẽgüxü̃ ngĩxü̃ daugügu ga nax nayuégaxü̃, rü ñanagürügü ngĩxü̃: —¡Taxṹ i cumuü̃xü̃! Erü marü naxíxra i wüxi i cune —ñanagürügü. Natürü ga ngĩma rü tama inangãxü̃ rü tama naga ixĩnü.

1 Chamué 4:20 Referans Kwoze

Ore i mexü̃ ga Cuáü̃ ümatüxü̃ 16:21

Ngẽxguma wüxi i nge íxraxacüchaü̃gu rü inaxĩ̱xãchiãẽ, erü inguxneca. Natürü ngẽxguma marü nabuxgu ya ngĩxacü, rü nüxü̃ iyarüngüma nax poraãcü ngĩxü̃́ nax nangu̱xchiréxü̃ i noxrix, erü tümamaxã itaãxẽ ya ngĩxacü.

Wiyaegü 77:2

Rü ngẽma ngunexü̃ i guxchaxü̃wa changexmagu rü Tupanaca̱x chadau. Rü taguma nüxü̃ charüchau nax chaxunagüme̱xẽãcüma chütacü chayumüxẽxü̃. Natürü woo ngẽmaãcü chayumüxẽgu rü taguma chataãxẽ.

Naanearü ügüchiga 35:16

Rü yemawena rü Betéwa inaxĩãchi nax ĩane ga Efrátawa naxĩxü̃ca̱x. Natürü yexguma Efrátaxü̃ yangaicagügu rü ga Raqué rü ixíraxacüama. Rü poraãcü guxchaãcü ixíraxacü.

1 Chamué 4:19

Rü yexguma ga guxema Erí naneã̱x ga Fineéx naxma̱x rü ixãxãcü rü marü ngĩrü ngunexü̃wa nanguxchaü̃ ga nax naxíxraxacüxü̃. Natürü yexguma nüxü̃ naxĩnügu nax Firitéugü napugüxü̃ ga yema baú ga Tupanaarü mugüchixü̃, rü ngĩ̱xtü ga Erí rü ngĩte ga Fineéx rü marü nayuexü̃, rü yemaarü ngechaü̃maxã yexeraãcü poraãcü inguxneca rü ixíraxacü.