1 Chamué 4:19 - Tupanaarü Ore

¹⁹ Rü yexguma ga guxema Erí naneã̱x ga Fineéx naxma̱x rü ixãxãcü rü marü ngĩrü ngunexü̃wa nanguxchaü̃ ga nax naxíxraxacüxü̃. Natürü yexguma nüxü̃ naxĩnügu nax Firitéugü napugüxü̃ ga yema baú ga Tupanaarü mugüchixü̃, rü ngĩ̱xtü ga Erí rü ngĩte ga Fineéx rü marü nayuexü̃, rü yemaarü ngechaü̃maxã yexeraãcü poraãcü inguxneca rü ixíraxacü.

1 Chamué 4:19 Referans Kwoze

1 Chamué 4:18

Rü yexguma yema orearü ngeruxü̃ nüxü̃ ixuxgu nax napuxü̃ ga yema baú ga Tupanaarü mugüchixü̃, rü nüma ga Erí rü norü tochicaxü̃wa ínawa̱x rü ĩã̱xü̃tagu nangu. Rü yema nax nayaxüchixü̃ rü yangü̱xü̃, rü yemaca̱x nibüyenaxã ga yexguma nanguxgu, rü yexma nayu. Rü nüma ga Erí rü 40 ga taunecü nixĩ ga Iraéanecüã̱xgümaxã inacuáxü̃.

1 Chamué 4:20

Rü yexguma yema ngĩxü̃ rüngü̃xẽẽgüxü̃ ngĩxü̃ daugügu ga nax nayuégaxü̃, rü ñanagürügü ngĩxü̃: —¡Taxṹ i cumuü̃xü̃! Erü marü naxíxra i wüxi i cune —ñanagürügü. Natürü ga ngĩma rü tama inangãxü̃ rü tama naga ixĩnü.

Naanearü ügüchiga 3:16

Rü yexguma ga Tupana rü yema ngexü̃ ñanagürü: —Tá chanayexeraguxẽxẽ nax cuxü̃́ nangúxü̃ i ngẽxguma cuxãxãcügux. Rü cuxü̃́ nangúãcü tá cuxíxraxacü. Natürü taxũtáma nüxü̃ curüxo nax cute cuxü̃́ ngúchaü̃xü̃. Rü nüma rü tá cumaxã inacua̱x —ñanagürü.

Naanearü ügüchiga 35:17

Rü yexguma tama paxa yéma naxíraxacügu rü düxwa ngĩma ga yema ngĩrü dauruxü̃ rü ngĩxü̃ ngĩgürügü: —¡Yáxna naxĩnü erü to i yatüxü̃ i cuxacü cuxü̃ naxíra! —ngĩgürügü.

Nüxíraxü̃xü̃ ga popera ga ãẽ̱xgacügüchiga 14:1

Yexgumaü̃cüxü rü Yeruboáü̃ nane ga Abía rü nida̱xawe.

Wiyaegü 78:64

Rü yema norü chacherdótegü rü taramaxã nanadai. Rü naxma̱xgü rü taxucürüwa tümateca̱x taxauxe.