1 Chamué 4:18 - Tupanaarü Ore

¹⁸ Rü yexguma yema orearü ngeruxü̃ nüxü̃ ixuxgu nax napuxü̃ ga yema baú ga Tupanaarü mugüchixü̃, rü nüma ga Erí rü norü tochicaxü̃wa ínawa̱x rü ĩã̱xü̃tagu nangu. Rü yema nax nayaxüchixü̃ rü yangü̱xü̃, rü yemaca̱x nibüyenaxã ga yexguma nanguxgu, rü yexma nayu. Rü nüma ga Erí rü 40 ga taunecü nixĩ ga Iraéanecüã̱xgümaxã inacuáxü̃.

1 Chamué 4:18 Referans Kwoze

Wiyaegü 69:9

Rü choma rü poraãcü chayanuxũ ya cupata. Rü chauxchama chanangenagü i norü guxchigagü i ngẽma cumaxã rüxuanügüxü̃.

Wiyaegü 42:10

Rü woo ya chauxchina̱xãgü rü ta nangúe nagagu i ngẽma chorü uanügü i guxü̃guma choxü̃ cugüexü̃ rü ñagüxü̃: —¿Ngexcü nixĩ ya curü Tupana? —ñagüxü̃.

Wiyaegü 42:3

Ngunecü rü chütacü rü chaxaxu nax norü ngü̃xẽẽca̱x íchaca̱xaxü̃ca̱x. Rü yoxni i chorü uanügü rü choxü̃ nacugüe rü ñanagürügü: —¿Ngexcü nixĩ ya curü Tupana? —ñanagürügü.

Wiyaegü 26:8

Pa Corix, choma nüxü̃ changechaü̃ ya yima cupata, rü nüxü̃ changechaü̃ i ngẽma nachica i nawa nangẽxmaxü̃ ya curü üüne.

1 Chamué 4:13

Rü yexguma yéma nanguxgu ga yema churara rü nüma ga Erí rü ĩã̱xü̃tawa narüto nawa ga yema norü tochicaxü̃. Rü namagu ínadawenü yerü naxca̱x naxoegaãẽ ga yema baú ga Tupanaarü mugü nawa yexmaxü̃. Rü yema yatü rü guma ĩanegu naxücu rü nüxü̃ nixu ga yema ngupetüxü̃. Rü yexgumatama ga guxü̃ma ga duü̃xü̃gü rü inanaxügüe ga poraãcü nax naxauxexü̃.

Lebítanüxü̃arü puracüchiga 10:3

Rü nüma ga Moiché rü Aróü̃xü̃ ñanagürü: —Ñaachiga nixĩ ga yema Cori ya Tupana nüxü̃ ixuxü̃ ga yexguma ñaxgux: “Rü yíxema choxna ngaicamachaü̃xe rü choma rü tá tüxü̃ chanawe̱x nax aixcüma chaxüünexü̃. Rü guxü̃ma i Iraétanüxü̃pe̱xewa tá ichanawe̱x i chorü pora”, ñaxgu —ñanagürü ga Moiché. Rü nüma ga Aróü̃ rü yéma nangea̱xmare.

1 Chamué 4:17

Rü nüma ga yema churara rü nanangãxü̃ rü ñanagürü: —Nüma i Iraéanecüã̱xgü rü Firitéutanüxü̃cha̱xwa nibuxmü rü ñu̱xũchi muxẽma ya tatanüxü̃ tüxü̃ nadai. Rü ngẽmatanügu nayue ya yimá taxre ya cune ya Oní rü Fineéx, rü ngẽma baú i Tupanaarü mugü nawa ngẽxmaxü̃ rü Firitéugü nanapugü —ñanagürü.

1 Chamué 4:19

Rü yexguma ga guxema Erí naneã̱x ga Fineéx naxma̱x rü ixãxãcü rü marü ngĩrü ngunexü̃wa nanguxchaü̃ ga nax naxíxraxacüxü̃. Natürü yexguma nüxü̃ naxĩnügu nax Firitéugü napugüxü̃ ga yema baú ga Tupanaarü mugüchixü̃, rü ngĩ̱xtü ga Erí rü ngĩte ga Fineéx rü marü nayuexü̃, rü yemaarü ngechaü̃maxã yexeraãcü poraãcü inguxneca rü ixíraxacü.

Ãẽ̱xgacügü ga guxchaxü̃güarü mexẽxẽruü̃gü 15:20

Rü nüma ga Chanchóü̃ rü 20 ga taunecü Iraétanüxü̃maxã inacua̱x. Rü yexgumaü̃cüxü rü Firitéugü nixĩ ga rüporamaegüxü̃ ga yema naanewa.