1 Chamué 4:17 - Tupanaarü Ore

¹⁷ Rü nüma ga yema churara rü nanangãxü̃ rü ñanagürü: —Nüma i Iraéanecüã̱xgü rü Firitéutanüxü̃cha̱xwa nibuxmü rü ñu̱xũchi muxẽma ya tatanüxü̃ tüxü̃ nadai. Rü ngẽmatanügu nayue ya yimá taxre ya cune ya Oní rü Fineéx, rü ngẽma baú i Tupanaarü mugü nawa ngẽxmaxü̃ rü Firitéugü nanapugü —ñanagürü.

1 Chamué 4:17 Referans Kwoze

1 Chamué 3:11

Rü nüma ga Cori ya Tupana rü ñanagürü nüxü̃: —Ñu̱xma rü Iraéanecüã̱xgütanüwa tá chanaxü i ta̱xacü i guxãtáma nüxü̃ ĩnüexü̃ rü tá namaxã tangu̱xmachi̱xẽ.

1 Chamué 2:34

Rü wüxi i curü cua̱xruxü̃ tá nixĩ i ngẽma taxre i cune i Oní rü Fineéxü̃ ngupetüxü̃, erü ngẽma taxre rü ngẽmatama i ngunexü̃gu tá nayue.

1 Chamué 4:16

Rü nüma ga churara rü ñanagürü: —Ñu̱xmatama íchangu i ngẽma togü ítada̱i̱xü̃wa nax ne chañaxü̃. Rü ñu̱xmatama chiña i nawa i ngẽma dai —ñanagürü. Rü nüma ga Erí rü nüxna naca rü ñanagürü: —¿Ta̱xacü nangupetü, Pa Chaunex? —ñanagürü.

1 Chamué 4:18

Rü yexguma yema orearü ngeruxü̃ nüxü̃ ixuxgu nax napuxü̃ ga yema baú ga Tupanaarü mugüchixü̃, rü nüma ga Erí rü norü tochicaxü̃wa ínawa̱x rü ĩã̱xü̃tagu nangu. Rü yema nax nayaxüchixü̃ rü yangü̱xü̃, rü yemaca̱x nibüyenaxã ga yexguma nanguxgu, rü yexma nayu. Rü nüma ga Erí rü 40 ga taunecü nixĩ ga Iraéanecüã̱xgümaxã inacuáxü̃.

Wiyaegü 78:61

Rü nanayexrü nax yema Iraéanecüã̱xgüarü uanügü yangegüxü̃ca̱x ga yema baú ga norü mugü nawa yexmaxü̃.

Wiyaegü 78:64

Rü yema norü chacherdótegü rü taramaxã nanadai. Rü naxma̱xgü rü taxucürüwa tümateca̱x taxauxe.

1 Chamué 3:12

Rü ngẽma ngunexü̃gu rü taxũtáma chanangupetüxẽxẽ i guxü̃ma ga yema Erímaxã nüxü̃ chixuxü̃ ga nanegüchiga.