1 Chamué 4:13 - Tupanaarü Ore

¹³ Rü yexguma yéma nanguxgu ga yema churara rü nüma ga Erí rü ĩã̱xü̃tawa narüto nawa ga yema norü tochicaxü̃. Rü namagu ínadawenü yerü naxca̱x naxoegaãẽ ga yema baú ga Tupanaarü mugü nawa yexmaxü̃. Rü yema yatü rü guma ĩanegu naxücu rü nüxü̃ nixu ga yema ngupetüxü̃. Rü yexgumatama ga guxü̃ma ga duü̃xü̃gü rü inanaxügüe ga poraãcü nax naxauxexü̃.

1 Chamué 4:13 Referans Kwoze

1 Chamué 1:9

Rü yexguma ĩane ga Chilówa nayexmagügu, rü wüxi ga yáuanecü ga chibüwena rü ngĩma ga Ána rü Tupanapatawa ixũ. Rü nüma ga chacherdóte ga Erí rü norü tochicaxü̃ ga nawa natooxü̃wa narüto ga Cori ya Tupanapataarü ĩã̱xarü ngaicamana.

1 Chamué 4:18

Rü yexguma yema orearü ngeruxü̃ nüxü̃ ixuxgu nax napuxü̃ ga yema baú ga Tupanaarü mugüchixü̃, rü nüma ga Erí rü norü tochicaxü̃wa ínawa̱x rü ĩã̱xü̃tagu nangu. Rü yema nax nayaxüchixü̃ rü yangü̱xü̃, rü yemaca̱x nibüyenaxã ga yexguma nanguxgu, rü yexma nayu. Rü nüma ga Erí rü 40 ga taunecü nixĩ ga Iraéanecüã̱xgümaxã inacuáxü̃.

Wiyaegü 26:8

Pa Corix, choma nüxü̃ changechaü̃ ya yima cupata, rü nüxü̃ changechaü̃ i ngẽma nachica i nawa nangẽxmaxü̃ ya curü üüne.

Yochué 7:9

Rü nüma i Canaáü̃tanüxü̃ rü guxü̃ma i duü̃xü̃gü i ñaa naanegu pegüxü̃ rü tá nüxü̃ nacuáchigagü i ngẽma toxü̃ ngupetüxü̃. Rü nüma rü tá wüxigu toxca̱x ínayaxüãchi nax toxü̃ nada̱i̱xü̃ca̱x, rü taxúetama ítayaxǘ i totanüwa. ¿Rü texé tá cuxü̃ ticua̱xüxü̃ rü cuxü̃ tataxẽxẽ i ngẽxguma? —ñanagürü ga Yochué.

1 Chamué 4:14

Rü yemaxü̃ naxĩnügu ga Erí rü ínaca rü ñanagürü: —¿Ta̱xacüchiga nixĩ i ngẽma nax íyacuxcuxü̃? —ñanagürü. Rü nüma ga yema churara rü nañu̱xãẽ ga Erímaxã nüxü̃ nax yanaxuxü̃ ga yema ngupetüxü̃.

Yeremía 48:19

Rü pemax, Pa Duü̃xü̃gü ya Ĩane ya Aroéwa Maxẽxex, ¡rü namacüwagu peyachigü rü nüxna peca i ngẽma ibuxmüxü̃ i yatüxü̃ rü ngexü̃gü rü ñapegürügü: “¿Ta̱xacü nixĩ i pexü̃ ngupetüxü̃?” ñaperügügü!