1 Chamué 4:1 - Tupanaarü Ore

¹ Rü nüma ga Chamué rü guxü̃ma ga Iraéanecüã̱xgümaxã nüxü̃ nixu ga yema Tupanaarü ore. Rü yexgumaü̃cüxü rü nüma ga Firitéugü rü nügü nanutaque̱xe nax Iraéanecüã̱xgümaxã nügü nada̱i̱xü̃ca̱x. Rü yemaca̱x ga nüma ga Iraéanecüã̱xgüarü churaragü rü naxca̱x nichoxü̃ nax nügü namaxã nada̱i̱xü̃ca̱x. Rü ĩane ga Ebéü̃-échexü̃tawa nangugü, rü yexma nügü ninu. Rü nüma ga Firitéugüarü churaragü rü ĩane ga Aféxwa nayexmagü.

1 Chamué 4:1 Referans Kwoze

1 Chamué 29:1

Rü nüma ga Firitéugüarü churaragüerugü rü Aféxgu nanangutaque̱xexẽxẽ ga guxü̃ma ga norü churaragü. Rü yoxni ga nüma ga Iraétanüxü̃ rü yema natüxacü ga ĩane ga Yereéwa yexmaxü̃gu nügü nanutaque̱xe.

1 Chamué 7:12

Yemawena ga Chamué rü wüxi ga nuta nayaxu, rü ĩane ga Mispá rü ĩane ga Chéü̃arü ngãxü̃gu nanaxǘ ga gumá nuta. Rü Ebéü̃-échegu nanaxüéga. Rü ñu̱xũchi ñanagürü: —Nüma ya Cori ya Tupana rü ñu̱xmarüta taguma nüxü̃ narüchau nax tüxü̃ nangü̃xẽẽxü̃ —ñanagürü.

1 Chamué 5:1

Rü yexguma marü yapugüãgu ga yema baú ga Tupanaarü mugüchixü̃, rü nüma ga Firitéugü rü ĩane ga Ebéü̃-échewa nanayauxgü rü norü ĩane ga Adúxwa nanangegü.

Nüxíraxü̃xü̃ ga popera ga ãẽ̱xgacügüchiga 20:30

Rü yema íyaxügüxü̃ ga Chíriaanearü churaragü rü ĩane ga Aféxwa nabuxmü. Natürü guma ĩanearü poxeguxü̃ rü naétüwa nawa̱x ga yema 27,000 ga churaragü ga ibuxmüxü̃. Rü nüma ga Ben-adáxü̃ rü niña rü wüxi ga ĩpata ga guma ĩanewa yexmanearü ucapugügu nicúchigü.

1 Chamué 3:11

Rü nüma ga Cori ya Tupana rü ñanagürü nüxü̃: —Ñu̱xma rü Iraéanecüã̱xgütanüwa tá chanaxü i ta̱xacü i guxãtáma nüxü̃ ĩnüexü̃ rü tá namaxã tangu̱xmachi̱xẽ.

Yochué 12:18

Aféxarü ãẽ̱xgacü, rü Charóü̃arü ãẽ̱xgacü, rü

Yochué 13:4

Rü súrwaama nangẽxma ta i Cananéugüarü naane i íyaxüxü̃ nax penapuxü̃xü̃ca̱x. Rü Chidóü̃tanüxü̃arü ĩane ga Mexárawa inaxügü rü nida ñu̱xmata Aféxwa nangu i Amoréutanüxü̃arü üyeanewa.

1 Chamué 4:2

Rü nüma ga Firitéugü rü nügü ninu nax Iraéanecüã̱xgümaxã nügü nada̱i̱xü̃ca̱x. Rü yexguma nügü nadaixgu, rü nüma ga Firitéugü rü Iraéanecüã̱xgüxü̃ narüporamaegü. Rü yema nügü ínadaixü̃wa nanadai ga 4,000 ga norü churaragü.

Wenaxarü naxümatü ga Tupanaarü mugü 29:10

Rü ñu̱xma i guxãma i pema, rü nua Cori ya perü Tupanape̱xegu pengutaque̱xegü namaxã i wüxichigü i natücumüarü ãẽ̱xgacügü, rü perü ãẽ̱xgacügü i yaxguã̱xgü, rü togü i yatügü i pemaxã icua̱xgüxü̃, rü guxü̃ma i yatügü i Iraétanüxü̃, wüxigu namaxã i buxü̃gü, rü ngexü̃gü, rü duü̃xü̃gü i to i nachixü̃anecüã̱xgü i petanüwa ngẽxmagüxü̃, rü woo duü̃xü̃ i perü üxüarü yauxruü̃gü rü duü̃xü̃ i perü dexáarü yauxruü̃gü.

1 Chamué 10:19

Natürü i ñu̱xma i pemax rü nüxü̃ pexo ya yimá perü Tupana ga guxü̃ma ga perü guxchaxü̃güwa rü perü ĩ̱xãchiãẽgüwa pexü̃ ínguxü̃xẽẽcü. Rü ñu̱xma nax nüxü̃ pexoxü̃ ya perü Tupana, rü ngẽmaca̱x wüxi i perü ãẽ̱xgacü i réica̱x ípeca nax pemaxã inacuáxü̃ca̱x. Rü ngẽmaca̱x i ñu̱xma rü chanaxwa̱xe i Cori ya Tupanape̱xewa ípengugü ya wüxitücumüchigü rü tügütanüxü̃chigü —ñanagürü ga Chamué.

Nüxíraxü̃xü̃ ga popera ga ãẽ̱xgacügüchiga 20:26

Rü wüxi ga taunecüwena rü nüma ga Ben-adáxü̃ rü nananutaque̱xe ga Chíriaanearü churaragü. Rü Aféxwa namaxã naxũ nax wena Iraégümaxã nügü nada̱i̱xü̃ca̱x.