1 Chamué 31:3 - Tupanaarü Ore

^3-4 Rü yemawena rü nüma ga Firitéugü rü Chaúarü ma̱xguxicatama narüxĩnüe. Rü yema würatanüxü̃ rü Chaúmaxã namexchinügü, rü poraãcü nanapi̱xẽẽgü. Rü yemaca̱x ga Chaú rü poraãcü namuü̃, rü norü poxü̃ruü̃xü̃ ñanagürü: —¡Curü taramaxã choxü̃ ima̱x naxü̃pa nax choxü̃ yayauxgüxü̃ rü ngúxü̃ choxü̃ yangexẽẽgüxü̃, rü choxü̃ yama̱xgüxü̃ i ñaa Firitéugü i tama Tupanaxü̃ cua̱xgüxü̃! —ñanagürü. Natürü nüma ga yema norü poxü̃ruxü̃ rü tama nayamáxchaü̃, yerü nüxü̃́ naxãũcüma. Rü yemaca̱x ga nüma ga Chaú rü norü tara nayaxu rü yemamagugu nügü naña rü yemaacü nitoxpetü rü nayu.

1 Chamué 31:3 Referans Kwoze

2 Chamué 1:6

Yema yatü ga namaxã nüxü̃ ixuxü̃ nanangãxü̃ rü ñanagürü: —Yerü choma rü guma ma̱xpǘne ga Guibóawa chayexmayane rü nüxü̃ chadau ga Chaú nax norü wocaemaxã nügü nacaxcuxü̃. Rü ñu̱xũchi norü uanügüarü carugü rü yema uanügü ga cowarutagu ĩxü̃ nax marü nüxü̃ iyangaugüchaü̃xü̃.

Amúx 2:14

Rü woo yíxema ibuxmüxẽ rü taxuacüma ngẽma poxcucha̱xwa tibuxmü. Rü yíxema rüporamaechiréxe rü tá tangearü poraã̱x rü taxúetama tügü ítapoxü̃ woo ya yíxema tama muü̃xe.

Nüxíraxü̃xü̃ ga popera ga ãẽ̱xgacügüchiga 22:34

Natürü wüxi ga Chíriaanearü churara rü Iraétanüxü̃arü churaratanügu nanama̱xmare ga norü würa. Rü meama Iraéanearü ãẽ̱xgacüca̱x niña rü norü daixchirucuchitamaxã namexchinü, rü poraãcü nanapi̱x. Rü yemaca̱x ga nüma ga Acáx rü naweü̃arü ũxẽẽruü̃xü̃ namu, rü ñanagürü: —¡Chomaxã nataegu rü ñaa daiwa choxü̃ ínagaxüchi erü marü poraãcü chanapi̱x! —ñanagürü.

2 Chamué 1:4

Rü nüma ga Dabí rü nüxna naca, rü ñanagürü: —¿Ta̱xacü nangupetü? ¡Chomaxã nüxü̃ ixu! —ñanagürü. Rü nüma ga yema duü̃xü̃ nanangãxü̃ rü ñanagürü: —Ngẽma Iraéanecüã̱xgüarü churaragü rü nibuxmü i ngẽma nügü ínadaixü̃wa, rü muxü̃ma ngẽxma nayue. Rü ngẽxma ta nayu i Chaú rü nane i Yonatáü̃ —ñanagürü.

Naanearü ügüchiga 49:23

Rü ngẽma naxchi aiexü̃ i würamaxã ixãxnexü̃ rü guxü̃guma nanachixeãẽgü yerü nayamaxcaxü̃negü.