1 Chamué 30:8 - Tupanaarü Ore

⁸ Rü yexguma nüma ga Dabí rü Cori ya Tupanana naca rü ñanagürü: —¿Namexü̃ nax nawe changexü̃ i ngẽma ngĩ́ta̱xagüxü̃? ¿Rü nüxü̃ tá chayangauxü̃? —ñanagürü. Rü yexguma nüma ga Cori ya Tupana rü Dabíxü̃ nangãxü̃ rü ñanagürü: —¡Nawe nangẽ rü tá nüxü̃ cuyangau, rü tá tüxü̃ cupuxü̃ ya yíxema tüxü̃ yagagüxe! —ñanagürü.

1 Chamué 30:8 Referans Kwoze

1 Chamué 30:18

Rü yemawena ga Dabí rü wenaxarü nanade ga guxü̃ma ga yema yemaxü̃gü ga Amaréxtanüxü̃ naxca̱x ngĩ̱xgüxü̃. Rü yexgumarüxü̃ ta tüxü̃ nigagü ga guxema taxre ga naxma̱x.

2 Chamué 5:19

Rü yemaca̱x nüma ga Dabí rü Tupanana naca rü ñanagürü: —¿Namexü̃ nax chanadaixü̃ i Firitéugü? ¿Rü nüxü̃ chi choxü̃ curüporamaexẽxẽxü̃? —ñanagürü. Rü nüma ga Cori ya Tupana rü Dabíxü̃ nangãxü̃ rü ñanagürü: —¡Ẽcü nadai! Rü choma rü tá nüxü̃ cuxü̃ charüporamaexẽxẽ —ñanagürü.

2 Chamué 5:23

Rü yemaca̱x nüma ga Dabí rü wenaxarü Cori ya Tupanana naca. Rü nüma ga Tupana rü Dabíxü̃ nangãxü̃ rü ñanagürü: —¡Taxṹ i nape̱xewaama naxca̱x ípeyaxüãchixü̃! ¡Rü nüxü̃ ípechoegu rü naweama tá naxca̱x ípeyaxüãchi i ngẽxguma ngẽma bálsamunecüwa pengugügu!

1 Chamué 23:4

Rü yexguma ga nüma ga Dabí rü wena Cori ya Tupanana naca. Rü nüma ya Cori ya Tupana rü nanangãxü̃ rü ñanagürü: —¡Inaxũãchi rü nawa naxũ ya ĩane ya Queirá! Erü choma rü tá cuxme̱xgu chanayixẽxẽ i ngẽma Firitéugü —ñanagürü.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Iraétanüxü̃arü muxchiga 27:21

Natürü nüma i Yochué rü nanaxwa̱xe nax chacherdóte ya Ereacháxü̃tawa naxũxü̃. Rü nüma i Ereachá rü tá Uríü̃wa choxna naca nax ta̱xacü tá naxüxü̃ i Yochué. Rü nüma i Yochué tá nixĩ i ngẽma Iraétanüxü̃xü̃ namuxü̃ rü namaxã inacuáxü̃ i guxü̃ma i naxügüxü̃wa —ñanagürü.

Ãẽ̱xgacügü ga guxchaxü̃güarü mexẽxẽruü̃gü 20:18

Rü yexguma nüma ga Iraétanüxü̃ rü Betéwa naxĩ rü yéma Tupanamaxã nidexagü nax yemaacü nüxü̃ nacua̱xgüxü̃ca̱x nax texétücumüxíra tá yixĩxü̃ i Bẽyamíü̃tanüxü̃maxã nügü daixü̃. Rü nümax ga Cori ya Tupana nanangãxü̃ rü ñanagürü: —Ngẽma inaxügüxü̃ nax namaxã nügü nada̱i̱xü̃ rü Yudátanüxü̃xíra tá nixĩ —ñanagürü.

1 Chamué 14:37

Rü yexguma ga Chaú rü Tupanana naca rü ñanagürü: —¿Name nax nawe changẽxü̃ i Firitéugü? ¿Rü Iraétanüxü̃me̱xẽgu tá cunayixẽẽxü̃? —ñanagürü. Natürü nüma ga Cori ya Tupana rü yema ngunexü̃gu rü tama Chaúxü̃ nangãxü̃.

Naanearü ügüchiga 14:16

Rü nüxna nanapuxü̃ ga guxü̃ma ga yema yanaxü̃. Rü yemaacü ga Abráü̃ rü namágü ga Loxü̃ nayapu wüxigu namaxã ga guxü̃ma ga norü yemaxü̃gü. Rü yexgumarüxü̃ ta tüxü̃ napuxü̃ ga guxema ngexegü rü yema togü ga duü̃xü̃gü.

Ínachoxü̃xü̃chiga 15:9

Rü ngẽma uanü rü norü ĩnüwa rü ñanagürü: “Nawe tá change ñu̱xmatáta nüxü̃ ichayangau. Rü ngẽxguma nüxü̃ ichayangauxgu rü tá chanayaxu i chorü tara rü chorü poramaxã tá chayama̱x. Rü nüxna tá chanapuxü̃ i guxü̃ma i norü ngẽmaxü̃gü i chanaxwa̱xexü̃. Rü tá ichayanu i ngẽma nüxna chapuxü̃xü̃”, ñaxü̃gu narüxĩnü.

1 Chamué 30:19

Rü guxü̃ma ga yema Amaréxtanüxü̃ naxca̱x ngĩ́xü̃tanüwa rü woo ga yemaxü̃gü ga íxraxü̃ rü taxuxü̃ma natauxchica. Rü yexgumarüxü̃ ta ga buxegü, rü yaxegü rü taxúxema tatauxchica. Rü yemaacü ga Dabí rü wenaxarü guxü̃ma nina rü guxãxü̃ma nigagü.

Ãẽ̱xgacügü ga guxchaxü̃güarü mexẽxẽruü̃gü 8:4

Rü nüma ga Yedeóü̃ rü norü 300 ga churaragümaxã natü ga Yudáü̃wa nangugü. Rü nichoü̃ama woo poraxãcüxüchima nipae yerü norü uanügüwe nangẽgü.

1 Chamué 10:22

Rü yemaca̱x wenaxarü Cori ya Tupanana nacagüe ga nüxü̃ nax nacua̱xgüxü̃ca̱x rü aixcüma nayexma ga Chaú. Rü nüma ga Cori ya Tupana rü nüxü̃ nixu ga yéma nax nayexmaxü̃, rü Iraéanecüã̱xgüarü yemaxü̃tanügu nax yacúxü̃.