1 Chamué 30:7 - Tupanaarü Ore

⁷ Rü yemaca̱x chacherdóte ga Abiatá ga Aimérex nanexü̃ ñanagürü: —¡Nua nange i Tupanaarü efóx! —ñanagürü. Rü yexguma nüma ga Abiatá rü Dabíxü̃tawa nanange ga yema efóx.

1 Chamué 30:7 Referans Kwoze

Nüxíraxü̃xü̃ ga popera ga ãẽ̱xgacügüchiga 2:26

Rü yemawena nüma ga ãẽ̱xgacü rü chacherdóte ga Abiatáxü̃ ñanagürü: —¡Cuchixü̃ane i Anatówa naxũ! Cuma rü ta cunaxwa̱xe chi nax cuyuxü̃, natürü i ñu̱xmax rü taxũtáma cuxü̃ chima̱x erü cuyangetaü̃ ga yema baú ga Tupanaarü mugüchixü̃ ga yexguma chaunatü ga Dabí Yerucharéü̃wa nangexgu. Rü ñu̱xũchi cunaxümücü ga chaunatü ga yexguma guxchaxü̃wa nayexmagu —ñanagürü ga Charomóü̃.

Ore i mexü̃ ga Márcu ümatüxü̃ 2:26

Rü yexguma chacherdótegüarü ãẽ̱xgacü yixĩxgu ga Abiatáru, rü Dabí rü Tupanapatagu naxücu. Rü nanangõ̱x ga yema paũ ga üünexü̃ ga chacherdótegüca̱xicatama ixĩxü̃. Rü nüma ga Dabí rü natanüxü̃maxã rü ta nangau ga yema paũ —ñanagürü.

1 Chamué 14:18

Rü yema ngunexü̃gu rü Tupanaarü efóx rü Iraétanüwa nayexma. Rü yemaca̱x ga Chaú rü chacherdóte ga Aíaxü̃ ñanagürü: —¡Nua nange i Tupanaarü efóx! —ñanagürü.

Ínachoxü̃xü̃chiga 28:6

Rü ngẽma efóx rü úiruwa rü carnéruta̱xa ya waxranütanewa, rü yauxnütanewa, rü daunütanewa, rü línuarü tü i mexẽchixü̃wa tá nanaxügü. Rü úirumaxã tá nananga̱xãẽpechinügü. Rü tá nüxü̃́ nangẽxma i taxre i natü̱xügü nax naatüwa nachopetüxü̃ca̱x.

1 Chamué 10:22

Rü yemaca̱x wenaxarü Cori ya Tupanana nacagüe ga nüxü̃ nax nacua̱xgüxü̃ca̱x rü aixcüma nayexma ga Chaú. Rü nüma ga Cori ya Tupana rü nüxü̃ nixu ga yéma nax nayexmaxü̃, rü Iraéanecüã̱xgüarü yemaxü̃tanügu nax yacúxü̃.

1 Chamué 14:19

Natürü yoxni nax Chaú rü chacherdótemaxã íyadexayane rü nüma ga Firitéugüarü churaragü rü yema ínayexmagüxü̃wa rü yexeraãcü nanaxi̱xãchiãẽgü. Rü yemaca̱x ga Chaú rü chacherdótexü̃ ñanagürü: —¡Ngexrüma nax nua cungexü̃ i ngẽma efóx! —ñanagürü.