1 Chamué 30:16 - Tupanaarü Ore

¹⁶ Rü nüma ga gumá yatü rü yema Amaréxtanüxü̃ íyexmagüxü̃wa Dabíxü̃ naga. Rü yexguma natanüwa nanguxgu, rü nüma ga Amaréxtanüxü̃ rü nügü yema naanegu ninu. Rü ínachibüe rü ínaxaxegü rü ínapetaegü namaxã ga yema Firitéugüanewa rü Yudáanewa naxca̱x nangĩ̱xgüxü̃ ga yemaxü̃gü.

1 Chamué 30:16 Referans Kwoze

1 Tesalonicenses 5:3

Rü ngẽxguma duü̃xü̃gü nagu írüxĩnüegu nax guxü̃ma mexü̃ rü taxuxü̃ma nüxü̃ üpetüxü̃, rü ngẽma ngunexü̃gu rü ngürüãchi tá ínangu i taxü̃ i guxchaxü̃gü. Rü ñoma wüxi i ngecü i ãxacücü rü ngürüãchi ngĩxacümaxã ngu̱xnecacürüxü̃ tá nixĩ nax taxúema naxcha̱xwa iñaxü̃ i ngẽma.

Ichaía 22:13

Natürü pemax rü taãẽgu, rü petagu iperücho. Rü wocagü rü carnérugü pedai, rü namachiarü ngṍxü̃ rü bínuarü axüxü̃ iperücho. Rü ñaperügügü: —Ngĩxã tachibüe rü taxaxegü erü moxü̃ rü tá marü tayue —ñaperügügü.

2 Chamué 13:28

Rü nüma ga Acharóü̃ rü marü norü duü̃xü̃güxü̃ naxuxcu̱xẽ rü ñanagürü nüxü̃: —¡Peyangugü i Anóü̃, rü ngẽxguma marü bínumaxã nangãxü̱̃xgu, rü choma rü tá pemaxã nüxü̃ chixu nax peyamáxü̃ca̱x, rü peyamá! ¡Rü taxṹ i pemuü̃exü̃! Erü choma nixĩ i pexü̃ chamuxü̃. ¡Rü pegü peporaexẽxẽ rü taxṹ i pemuü̃exü̃! —ñanagürü.

1 Chamué 30:14

Natürü naxü̃pa ga nax chida̱xawexü̃ rü Queretéugüarü naane i súrwaama ngẽxmaxü̃wa taxĩ rü tanadeãcu. Rü yexgumarüxü̃ ta tanadeãcu ga Yudátanüxü̃arü naanewa rü Caréxtanüxü̃arü naanewa. Rü ñu̱xũchi tayagu ya yima ĩane ya Chicáx —ñanagürü.

Ínachoxü̃xü̃chiga 32:6

Rü moxü̃ãcü ga pa̱xmama rü ínarüdagü rü nanadai rü ínanagu ga carnérugü nax yemaacü nügü yamexẽẽgüxü̃ca̱x. Rü yemawena ga duü̃xü̃gü rü ínarütogü nax nachibüexü̃ca̱x rü naxaxegüxü̃ca̱x, rü ñu̱xũchi inachigü nax nataãẽgüxü̃ca̱x.

Yochué 22:8

Rü ñu̱xũchi ñanagürü nüxü̃: —Pema i ñu̱xma rü perü naanegüca̱x pewoegu namaxã i muxü̃ma i ngẽmaxü̃gü, rü muxü̃ma i naxü̃nagü, rü úirugü, rü diẽrugü, rü bróũchegü, rü fierugü, rü muxü̃ma i naxchirugü. ¡Rü peenexẽgümaxã penga̱u̱x i ñaa ngẽmaxü̃gü i perü uanügüna pepuxü̃xü̃! —ñanagürü.

1 Chamué 30:15

Rü yexguma ga Dabí rü nüxna naca rü ñanagürü: —¿Cunaxwa̱xexü̃ nax ngẽma ngĩ́ta̱xa̱xgüxü̃ íngẽxmagüxü̃wa choxü̃ cugaxü̃? —ñanagürü. Rü yexguma ga nüma ga Equítuanecüã̱x rü Dabíxü̃ nangãxü̃ rü ñanagürü: —Ngẽxguma Tupanaégagu chomaxã nüxü̃ quixuxgu nax taxũtáma choxü̃ quimáxü̃, rü taxũtáma nüxna choxü̃ cumuxü̃ i chorü cori, rü ngẽma ínangexmagüxü̃wa tá cumaxã chaxũ —ñanagürü.

Wiyaegü 119:162

Rü choma rü namaxã chataãxẽ i curü uneta ñoma wüxi i duü̃xü̃ i taxü̃ i diẽru iyanga̱u̱xü̃rüxü̃.

Ichaía 9:3

Rü ñu̱xmax, Pa Cori Pa Tupanax, rü poraãcü taãxẽ toxca̱x ícunguxẽxẽ rü ngẽma taãxẽ rü aixcüma nataxüchi. Rü guxãma tataãẽgü i cupe̱xewa ñoma tonetüarü o tibuxgügurüxü̃ rü ñoma churaragü i norü uanügüarü ngẽmaxü̃gü nügümaxã itoyegurüxü̃.

Ãẽ̱xgacügü ga guxchaxü̃güarü mexẽxẽruü̃gü 8:11

Rü nüma ga Yedeóü̃ rü yema nama ga naxnücüanepechinügu idaxü̃gu nixũ ga ĩanegü ga Nóba rü Yobeáarü éstewaama. Rü norü uanügüca̱x ínayaxüãchi ga yexguma yema norü uanügü tama nagu írüxĩnüeyane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:43

Rü nanadai ga yema Amaréxtanüxü̃ ga yéma yaxügüxü̃. Rü nüma ga yema Chimeóü̃tanüxü̃ rü yexma naxãchiü̃gü. Rü ñu̱xma rü ta ngéma nangẽxmagü.