1 Chamué 30:13 - Tupanaarü Ore

¹³ Rü yexguma nüma ga Dabí rü nüxna naca rü ñanagürü nüxü̃: —¿Texé nixĩ ya curü cori? ¿Rü ngextá ne cuxũ? —ñanagürü. Rü yexguma nüma ga gumá Equítuanecüã̱x rü Dabíxü̃ nangãxü̃ rü ñanagürü: —Choma rü Equítuanecüã̱x chixĩ rü ngẽma chorü cori rü wüxi i Amaréxtanüxü̃ nixĩ. Rü tomaepü̱x i ngunexü̃ nixĩ nax chorü cori nua choxü̃ táxü̃ yerü chida̱xawe.

1 Chamué 30:13 Referans Kwoze

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Ucu̱xẽgüchiga 12:10

Yimá yatü ya mexü̃gu rüxĩnücü, rü mea nüxna nadau i naxü̃nagü. Natürü ngẽma yatü i chixexü̃gu maxü̃xü̃, rü tama nüxü̃́ nangechaü̃tümüxü̃.

1 Chamué 30:12

Rü nüxna nanaxãgü ga íxraxü̃ ga iguarü paũ, rü taxre ga úbaarü patanüxü̃arü paũ. Rü yema nangõ̱xguwena rü naxca̱x nitaane, yerü tomaepü̱x ga ngunexü̃ rü tomaepü̱x ga chütaxü̃ rü taguma nachibü rü bai ga ta̱xacü yaxaxüxü̃.

1 Chamué 30:14

Natürü naxü̃pa ga nax chida̱xawexü̃ rü Queretéugüarü naane i súrwaama ngẽxmaxü̃wa taxĩ rü tanadeãcu. Rü yexgumarüxü̃ ta tanadeãcu ga Yudátanüxü̃arü naanewa rü Caréxtanüxü̃arü naanewa. Rü ñu̱xũchi tayagu ya yima ĩane ya Chicáx —ñanagürü.

2 Chamué 1:8

Yemawena rü choxna naca nax texé chixĩxü̃ i chomax. Rü chanangãxü̃ nax Amaréxtanüxü̃ chixĩxü̃.

Yoná 1:8

Rü nümagü rü nüxna nacagüe rü ñanagürügü nüxü̃: —¡Tomaxã nüxü̃ ixu rü ta̱xacüca̱x nixĩ i taxca̱x ínanguxü̃ i ñaa guxchaxü̃! ¿Rü ta̱xacü nixĩ i curü puracü i naxca̱x nua cuxũxü̃? ¿Rü nge̱xtácüã̱x quixĩ? ¿Rü ta̱xacü nixĩ i cuchixü̃ane? ¿Rü ta̱xacürü duü̃xü̃ quixĩ? —ñanagürügü.

2 Chamué 1:3

Rü nüma ga Dabí rü nüxna naca rü ñanagürü: —¿Ngextá ne cuxũ? —ñanagürü. Rü nüma ga yema yatü rü nanangãxü̃ rü ñanagürü: —Iraéanecüã̱xgüarü churaragü íngẽxmagüxü̃wa chiña —ñanagürü.

2 Chamué 1:13

Rü yemawena ga Dabí rü yema yatü ga namaxã nüxü̃ yarüxuxü̃na naca rü ñanagürü: —¿Nge̱xtácüã̱x quixĩ i cumax? —ñanagürü. Nüma nanangãxü̃ rü ñanagürü: —Choma rü to i nachixü̃anecüã̱x chixĩ rü Amaréxtanüxü̃ chixĩ —ñanagürü.