1 Chamué 30:12 - Tupanaarü Ore

¹² Rü nüxna nanaxãgü ga íxraxü̃ ga iguarü paũ, rü taxre ga úbaarü patanüxü̃arü paũ. Rü yema nangõ̱xguwena rü naxca̱x nitaane, yerü tomaepü̱x ga ngunexü̃ rü tomaepü̱x ga chütaxü̃ rü taguma nachibü rü bai ga ta̱xacü yaxaxüxü̃.

1 Chamué 30:12 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 15:19

Rü yexgumatama ga Tupana rü wüxi ga ãxmaxü̃wa nayagoxü̃chíüxẽxẽ ga dexá. Rü yemawa naxaxe ga Chanchóü̃ rü wenaxarü nayaporaãchi. Rü yemaca̱x ga yema dexá i ñu̱xma rü ta Leíwa ngẽxmaxü̃ rü En-acoré ñaxü̃gu naxãéga.

1 Chamué 14:27

Natürü ga Yonatáü̃ ga tama nüxü̃ ĩnüxü̃ ga yema nanatü churaragümaxã ueguxü̃, rü nanayaxu ga gumá norü naixmena̱xã rü wüxi ga berurechiãü̃gu nayawe̱xcuchi rü yemaacü nanawe ga guma berure. Rü yexgumatama nawa niporaxüneãchi.

Ore i mexü̃ ga Matéu ümatüxü̃ 27:63

Rü ñanagürügü nüxü̃: —Pa Corix, nüxna tacua̱xãchie ga yema yatü ga Ngechuchu ga idorata̱xáxü̃ rü yexguma namaxü̃gu rü ñanagürü tomaxã: “Ngẽxguma chayu̱xgu rü tomaepü̱x i ngunexü̃guwena rü wena táxarü ícharüda”, ñanagürü tomaxã.

Yoná 1:17

Rü yoxni ga nüma ga Cori ya Tupana rü yéma nanamu ga wüxi ga choxni ga taxüchixü̃ nax Yonáxü̃ ínagaxü̃ca̱x. Rü nüma ga Yoná rü tomaepü̱x ga ngunexü̃ rü tomaepü̱x ga chütaxü̃ yema choxni ga taxüchixü̃ãnüwa nayexma.

Ester 4:16

—¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

1 Chamué 30:13

Rü yexguma nüma ga Dabí rü nüxna naca rü ñanagürü nüxü̃: —¿Texé nixĩ ya curü cori? ¿Rü ngextá ne cuxũ? —ñanagürü. Rü yexguma nüma ga gumá Equítuanecüã̱x rü Dabíxü̃ nangãxü̃ rü ñanagürü: —Choma rü Equítuanecüã̱x chixĩ rü ngẽma chorü cori rü wüxi i Amaréxtanüxü̃ nixĩ. Rü tomaepü̱x i ngunexü̃ nixĩ nax chorü cori nua choxü̃ táxü̃ yerü chida̱xawe.

1 Chamué 30:11

Rü yema namagu nüxü̃ nangaugü ga wüxi ga yatü ga Equítuanecüã̱x rü Dabíxü̃tawa nanagagü. Rü nüxna nanaxã ga paũ rü nanangõ̱x. Rü nanaxaxexẽẽgü ga dexá.

Auxexü̃chiga 1:11

Rü guxü̃ma i duü̃xü̃gü i Yerucharéü̃cüã̱x rü naxauxe. Rü nuxica ne nanaxĩ nax õnaca̱x nadaugüxü̃. Rü norü õnaca̱x inanaxãgü i norü ngẽmaxü̃gü nax ngẽmaãcü tama nayuexü̃ca̱x. Rü yima ĩane ya Yerucharéü̃ rü ñanagürü: “¡Dücax, Pa Corix, choxü̃ nadau nax taxü̃ i guxchaxü̃wa changexmaxü̃! ¡Rü chomaxã ixauxãchi nax ngúxü̃ chingexü̃!