1 Chamué 3:20 - Tupanaarü Ore

²⁰ Rü Dáü̃wa inaxügü, rü ñu̱xmata Bechébawa nangu rü guxü̃ma ga Iraéanecüã̱x nüxü̃ nacua̱xgü nax aixcüma Tupanaarü orearü uruxü̃ yixĩxü̃ ga Chamué.

1 Chamué 3:20 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 20:1

Rü guxü̃ma ga yema Iraétanüxü̃ ga duü̃xü̃gü ga Dáü̃arü naanewa inaxügü rü ñu̱xmata Bechébawa nangu, rü naétü ga Garaáxanecüã̱xgü rü nügü nanutaque̱xe rü wüxigutama narüxĩnüe, rü Mispágu nangutaque̱xegü nape̱xegu ga Cori ya Tupana.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:12

Rü moxẽ nüxna chaxã ya Ngechuchu ya Cristu ya tórü Cori ya choxü̃ naporaxẽẽcü. Yerü choxü̃ nangugü nax norü duü̃xü̃ i mexü̃ chixĩxü̃. Rü yemaca̱x choxü̃ nayaxu nax nüxü̃́ chapuracüxü̃ca̱x.

2 Chamué 17:11

Rü ngẽma ñu̱xma cumaxã nüxü̃ chixuxü̃ nixĩ nax cugüxü̃tagu cungutaque̱xexẽẽxü̃ i guxü̃ma i Iraétanüxü̃. Rü Dáü̃anewa inaxügü rü ñu̱xmata Bechébaanewa nangu rü ngẽmaãcü tá namuxũchi i Iraétanüxü̃ i ñoma márcutüwa ngẽxmacü ya naxnücüte̱xerüxü̃. Rü ngẽma daiwa rü name nixĩ i cuma namaxã icucua̱x.

Ngechuchuarü ngúexü̃gü ga yamugüxü̃arü puracüchiga 13:20

Rü 450 ga taunecü tüxü̃ narüngü̃xẽxẽ. Rü yemawena rü tüxna nanamu ga ãẽ̱xgacügü ga dauruü̃gü ñu̱xmata Tupanaarü orearü uruxü̃ ga Chamué ingucuchi̱x.

1 Chamué 12:11

Rü yemaca̱x ga Tupana rü Yerubaáxü̃ rü Baráxü̃ rü Yetéxü̃ rü Chamuéxü̃ yéma namu nax perü uanügüme̱xẽwa pexü̃ ínanguxü̃xẽẽxü̃ca̱x. Rü ngẽmaca̱x nixĩ i ñu̱xma rü taãẽwa pengẽxmagüxü̃.

Nüxíraxü̃xü̃ ga popera ga ãẽ̱xgacügüchiga 4:25

Rü yexguma Charomóü̃ maxü̃gu rü ga Yudáanecüã̱xgü rü yema togü ga Iraéanecüã̱xgü rü nügü nangechaü̃gü rü taãẽãcü ínamaxẽ. Rü nórtewaama rü ĩane ga Dáü̃wa inaxügü ñu̱xmata ĩane ga Bechébawa nangu ga súrwaama rü wüxichigü taãẽãcü namaxẽ natüxü̃wa ga nanetügü ga igueragü ga napataxü̃ tüpechitaxü̃.

Wenaxarü naxümatü ga Tupanaarü mugü 18:21

Rü ngẽxguma chi pema rü nagu perüxĩnüegu: “¿Rü ñuxãcü tá nüxü̃ icuáxü̃ nax tama Tupanaarü ore yixĩxü̃ i ngẽma nüxü̃ yaxuxü̃ i ngẽma orearü uruxü̃?” rü name nax nüxü̃ pecuáxü̃ rü ngẽxguma ngẽma ore i Tupanaégagu nüxü̃ yaxuxü̃ rü tama yanguxgu, rü ngẽmawa tá nüxü̃ pecua̱x nax tama Cori ya Tupanaarü ore yixĩxü̃, rü ngẽma orearü uruxü̃ rü norü ngúchaü̃mare nixu. Rü ngẽmaca̱x i pema rü tama name nax nüxü̃ pemuü̃exü̃.

Echequié 33:33

Natürü guxü̃ma i ngẽma nüxü̃ quixuxü̃ rü tá ningu. Rü ngẽxguma yanguxgu rü ngẽma duü̃xü̃gü tá nüxü̃ nicua̱xãchitanü nax aixcüma natanüwa nayexmaxü̃ ga chorü orearü uruxü̃ —ñanagürü.

Amúx 2:11

Rü pemax, Pa Iraétanüxü̃x, rü taxuacüma ipeyacu̱x nax petanüwa nüxü̃ chaxunetaxü̃ ga chorü orearü uruü̃gü rü chaugüca̱x chanade ga ñuxre ga perü ngextü̱xücügü nax Nacharéugü i tama bínu yaxaxgüxü̃ yixĩgüxü̃ca̱x —ñanagürü ya Cori ya Tupana.