1 Chamué 3:19 - Tupanaarü Ore

¹⁹ Rü nüma ga Chamué rü niyachigü. Rü Cori ya Tupana rü nüxü̃ narüngü̃xẽxẽ. Rü guxü̃ma ga norü uneta ga Chamuémaxã nüxü̃ yaxuxü̃ rü nayanguxẽxẽ.

1 Chamué 3:19 Referans Kwoze

Naanearü ügüchiga 39:2

Natürü ga Cori ya Tupana rü Yúchemaxã nayexma. Rü yemaca̱x meama nüxü̃ nangupetü ga norü cori ga Potifáchiü̃wa.

1 Chamué 9:6

Rü nüma ga yema norü duü̃xü̃ rü nanangãxü̃ rü ñanagürü: —Daa ĩanewa nangẽxma i wüxi i Tupanaarü orearü uruxü̃ i guxãma nüxü̃ ngechaü̃güxü̃, erü guxü̃ma i nüxü̃ yaxuxü̃ rü ngẽmaãcü ningu. ¡Rü ngĩxã naxü̃tawa taxĩ! Rü nüma tá tamaxã nüxü̃ nixu nax ngextá nangẽxmagüxü̃ i ngẽma búrugü —ñanagürü.

Nüxíraxü̃xü̃ ga popera ga ãẽ̱xgacügüchiga 8:56

—Poraãcü tamaxã namecüma ya tórü Cori ya Tupana ya tüxü̃ ípoxü̃cü nüxna i tórü uanügü, yema inaxunetaxü̃rüxü̃, yerü nüma rü aixcüma nayanguxẽxẽ ga guxü̃ma ga yema norü unetagü ga mexü̃ ga norü duü̃ ga Moichéwa nüxü̃ yaxuxü̃.

Ore i mexü̃ ga Luca ümatüxü̃ 2:52

Rü niyachigü ga Ngechuchu, rü yexeraãcü nüxü̃ nicuáchigü. Rü Tupana rü namaxã nataãxẽ, rü guxü̃ma ga duü̃xü̃gü rü ta namaxã nataãẽgü.

Norü taxre ga popera ga Timutéuca̱x naxümatüxü̃ ga Pauru 4:22

Rü chanaxwa̱xe i tórü Cori ya Ngechuchu ya Cristu cumaxã nangẽxma. ¡Rü Tupana pexü̃ rüngü̃xẽxẽ ya guxãma i pemax!

1 Chamué 2:21

Rü nüma ga Cori ya Tupana rü Ánaxü̃ narüngü̃xẽxẽ rü yemaca̱x iyaxãxacüchigü. Rü yemaacü tomaepü̱xwa nangu ga ngĩne rü taxre ga ngĩxacü. Rü yoxni ga gumá ngĩne ga Chamué rü Tupanape̱xewa niyachigü.

2 Corintios 13:11

Rü ñu̱xma nax ichayacua̱xẽẽxü̃ i ñaa popera, Pa Chauenexẽgüx, rü chanaxwa̱xe nax petaãẽgüxü̃ rü naxca̱x pedaugüxü̃ nax aixcüma mea Tupanape̱xe pemaxẽxü̃. Rü name nixĩ i pegü petaãẽgüxẽẽxü̃, rü wüxigu perüxĩnüexü̃, rü yáxna pegümaxã pexĩnüexü̃, rü aixcüma pegü pengechaü̃güxü̃. ¡Rü nüma ya Tupana ya tüxü̃ ngechaü̃cü rü tüxü̃ rüngüxmüexẽẽcü, rü guxü̃gutáma pemaxã inarüxã̱ũ̱x!

Ore i mexü̃ ga Luca ümatüxü̃ 2:40

Rü gumá bucü rü niyachigü, rü yexeraãcü niporachigü, rü yexeraãcü nüxü̃ nicuáchigü. Rü Tupana rü namaxã nataãxẽ rü nüxü̃ narüngü̃xẽxẽ.

2 Corintios 13:14

Rü ñu̱xma rü chanaxwa̱xe i tórü Cori ya Ngechuchu ya Cristu pexü̃ narüngü̃xẽxẽ, rü Tanatü ya Tupana rü pexü̃ nangechaü̃, rü Naãxẽ ya Üünexü̃ rü guxü̃guma pemaxã inarüxã̱ũ̱x.

Ore i mexü̃ ga Luca ümatüxü̃ 1:80

Rü gumá bucü rü niyachigü rü wüxichigü ga ngunexü̃gu yexeraãcü Tupanagu narüxĩnü rü naxca̱x namaxü̃. Rü chianexü̃ ga taxúema íxãpataxü̃wa nayexma ñu̱xmata nawa nangu ga yema ngunexü̃ ga Iraétanüxü̃ca̱x nügü nango̱xẽẽxü̃.

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

1 Chamué 18:14

Rü guxü̃ma ga ta̱xacü ga naxüxü̃wa ga Dabí rü meama nüxü̃́ ínanguxuchi yerü Cori ya Tupana nüxü̃ narüngü̃xẽxẽ.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

Ichaía 44:26

Natürü ngẽma chorü duü̃xü̃güarü ore rü choma rü chayanguxẽxẽ. Rü yimá chorü orearü uruü̃gü rü nüxü̃ charüngü̃xẽẽxü̃ nax mea nüxü̃́ ínanguxuchigüxü̃ i ngẽma nagu naxĩnüexü̃. Rü choma rü nüxü̃ chixu rü wena tá nimu i duü̃xü̃gü ya ĩane ya Yerucharéü̃wa. Rü yima ĩanegü ya Yudáanearü naanewa ngẽxmagüne rü tá wena nimexẽẽgü. Rü tá nüxü̃ charüngü̃xẽxẽxü̃ nax wena ínadaxẽẽgüãxü̃ca̱x ya yima norü ĩanegü.

Naanearü ügüchiga 21:22

Rü yema ngunexü̃gügu ga Abimeréx rü Abraáü̃xü̃tagu nanaxũane. Rü nayaxümücü ga norü churaragüeru ga Picóx. Rü yexguma yéma nanguxgu rü nüma ga Abimeréx rü Abraáü̃maxã nidexa rü ñanagürü nüxü̃: —Nüxü̃ tadau nax guxü̃guma Tupana cuxü̃ rüngü̃xẽẽxü̃ i guxü̃ma i ngẽma cuxüxü̃wa.

Ore i mexü̃ ga Luca ümatüxü̃ 1:28

Rü yema nachica ga María nawa yexmaxü̃gu naxücu ga Gábi, rü ñanagürü ngĩxü̃: —Nuxmae Pa Maríax. Tupana rü poraãcü cumaxã nataãxẽ, rü cuxü̃tawa nangẽxma. Rü guxü̃ i ngexü̃güarü yexera marü cuxü̃ narüngü̃xẽxẽ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 13:24

Rü yexguma nabuxgu ga yema buxü̃ rü Chanchóü̃gu nanaxüéga. Rü yexguma yayaxchigügu, rü Tupana rü poraãcü nüxü̃ narüngü̃xẽxẽ.

Naanearü ügüchiga 28:15

Rü choma rü cumaxã changexma. Rü ngextá ícuxũxü̃wa tá cuxna chadau. Rü ñaa naaneca̱x tá wena cuxü̃ chataeguxẽxẽ. Rü tagutáma cuxna chixũgachi, rü aixcüma tá chayanguxẽxẽ i guxü̃ma i ngẽma cumaxã chaxueguxü̃ —ñanagürü.

1 Chamué 12:2

Daa nixĩ ya ãẽ̱xgacü ya pemaxã tá icuácü. Choma rü marü chaya rü chataueru, natürü chaunegü rü petanüwa nangẽxmagü. Choma nixĩ ga yexguma changextü̱xügucürüwatama pemaxã ichacuáxü̃ rü ñu̱xma rü ta.

1 Chamué 16:18

Rü yexguma ga wüxi ga norü duü̃xü̃ rü ñanagürü: —Choma nüxü̃ chadau i wüxi i Ichaxí nane i Beréü̃wa ngẽxmaxü̃, rü meama paxetaxü̃ nacua̱x. Rü ñu̱xmachi wüxi i poracü nixĩ i daiwa rü nüxü̃ cuácü nixĩ ega yadexaxgu. Rü nüma rü mecü nixĩ rü Cori ya Tupana nüxü̃ rüngü̃xẽẽcü nixĩ —ñanagürü.

Naanearü ügüchiga 39:3

Rü yema norü cori rü nüxü̃ nicua̱xãchi nax Yúchexü̃tawa nayexmaxü̃ ga Tupana, yerü guxü̃ma ga yema naxüxü̃, rü meama inixũ.

Yochué 21:45

Rü guxü̃ma ga yema ore ga Cori ya Tupana Iraétanüxü̃maxã ueguxü̃ rü ningu, rü bai ga wüxi ga tama inguxü̃, rü guxü̃ma ningu.

1 Chamué 2:26

Rü yoxni ga nüma ga gumá ngextü̱xücü ga Chamué rü niyachigü. Rü Cori ya Tupana rü poraãcü namaxã nataãxẽ, rü duü̃xü̃gü rü ta namaxã nataãẽgü.

1 Chamué 10:7

Rü ngẽxguma ngẽma cuxna nguxgu ¡rü naxü i ngẽma cuxca̱x mexü̃! Erü Tupana tá cuxü̃ narüngü̃xẽxẽ.

1 Chamué 18:5

Rü nüma ga Dabí rü Chaúarü ngü̃xẽẽruxü̃ nixĩ, rü guxü̃guma mea nayanguxẽxẽ ga yema namuãxü̃wa. Rü yemaca̱x nüma ga Chaú rü norü churaragüarü ãẽ̱xgacüxü̃ nayangucuchixẽxẽ. Rü guxü̃ma ga yema churaragü rü naerugü rü namaxã nataãẽgü.

1 Chamué 18:12

Rü nüma ga Chaú rü Dabíxü̃ namuü̃, yerü Cori ya Tupana rü Dabíxü̃ narüngü̃xẽxẽ, natürü marü tama Chaúxü̃ narüngü̃xẽxẽ.

Norü taxre ga popera ga ãẽ̱xgacügüchiga 10:10

Rü aixcüma guxü̃ma ga yema Cori ya Tupana Acáxtanüxü̃maxã ueguxü̃ ga poxcu rü ningu. Rü nümatama ya Cori ya Tupana rü marü nayanguxẽxẽ ga yema norü orearü uruxü̃ ga Eríawa nüxü̃ yaxuxü̃.

Norü taxre ga popera ga ãẽ̱xgacügüchiga 15:12

Rü yemaacü ningu ga yema ore ga Cori ya Tupana Yeúmaxã nüxü̃ ixuxü̃ ga ñaxü̃: —Cunegü rü cutaagü rü cutaagüarü nanegü rü ñu̱xũchi cutaagüarü nanegüarü nanegü rü tá Iraéanearü ãẽ̱xgacü nixĩgü —ñaxü̃.

Ichaía 55:11

Rü ngẽxgumarüxü̃ ta nixĩ i ngẽma chorü ore i cha̱u̱a̱xwa ixũxũxü̃. Rü taxũtáma ngẽmaãcümare cha̱u̱xca̱x nataegu. Rü ngẽma chorü oregagu rü tá ningu rü tá naxü i ngẽma choma chanaxwa̱xexü̃ rü ngẽma nüxü̃ chixuxü̃.