1 Chamué 3:18 - Tupanaarü Ore

¹⁸ Rü nüma ga Chamué rü guxü̃xü̃ma Erímaxã nixu rü taxuxü̃ma inicu̱x. Rü nüma ga Erí rü naba̱i̱xãchi rü ñanagürü: —Nüma nixĩ i Cori ya Tupana yixĩxü̃. ¡Ẽcü naxü i ngẽma naxca̱x rümemaexü̃! —ñanagürü.

1 Chamué 3:18 Referans Kwoze

Ichaía 39:8

Natürü ga Echequía rü tama poraãcü naxoegaãẽ yerü ñaxü̃gu narüxĩnü: —Ñu̱xma nax chamaxü̃xü̃ rü taxũtáma ngẽma nangupetü —ñaxü̃gu narüxĩnü. Rü yemaca̱x Ichaíaxü̃ nangãxü̃ rü ñanagürü: —Cha̱u̱xca̱x rü name i ngẽma Tupanaarü ore i chomaxã nüxü̃ quixuxü̃ —ñanagürü.

Yox 2:10

Natürü ga nüma ga Yox rü ngĩxü̃ nangãxü̃ga rü ñanagürü: —Pa Ngex, tama name i ngẽmaãcü chixexü̃ i oremaxã quidexa. Rü guxü̃guma taãẽãcü tanayaxu i ngẽma mexü̃gü ya Tupana tüxna ãxü̃. ¿Rü ñuxãcü chi i taxũchima nayaxuxü̃ i ngẽma guxchaxü̃gü i taxca̱x ínguxü̃? —ñanagürü. Rü yemaacü ga Yox rü woo yema nüxü̃ nax ngupetüxü̃ rü tama chixexü̃ naxü rü bai ga norü dexawa.

Nüxíraxü̃xü̃ ga popera ga Pedru ümatüxü̃ 5:6

Rü name i naga pexĩnüe ya Tupana rü naxme̱x ya poranetüxü̃wa pegü pengẽxmagüxẽxẽ nax nüma pexü̃ yacua̱xüxü̃xü̃ca̱x i ngẽxguma nawa nanguxgu i ngẽma ngunexü̃.

Ãẽ̱xgacügü ga guxchaxü̃güarü mexẽxẽruü̃gü 10:15

Rü yexguma ga Iraétanüxü̃ rü Corixü̃ nangãxü̃gü rü ñanagürügü: —Aixcüma nixĩ i chixexü̃ taxügüxü̃. ¡Rü tomaxã naxü i ngẽma yexera cuxca̱x rümemaexü̃, natürü tanaxwa̱xe i curü ngü̃xẽxẽ. ¡Rü toxü̃ ínanguxü̃xẽxẽ i ñu̱xmax! —ñanagürügü.

Auxexü̃chiga 3:39

¿Rü tü̱xcüü̃ i yixema nax iduü̃ẽxü̃ rü Tupanamaxã tanueama ega tórü chixexü̃gagu tüxü̃ iyanawe̱xãchixẽẽgu?

Wiyaegü 39:9

Pa Corix, cupe̱xewa rü changea̱x rü taxu ñachagürü, erü cuma nixĩ i namaxã cucuáxü̃ i chorü maxü̃.

Yox 1:21

Rü yexguma rü ñanagürü: —Ngexchiruxãcü chauéanüwa chabu nax ñoma i naanewa changóxü̃ca̱x. Rü ngẽxgumarüxü̃ tá ta taxuxü̃táma chinge i ngẽxguma chayu̱xgu. Rü nüma ya Cori ya Tupana choxna nanaxã i guxü̃ma, rü nümatama wena choxna nanayaxu. ¡Namecümaxüchi ya Cori ya Tupana! —ñanagürü.

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Ínachoxü̃xü̃chiga 34:5

Rü nüma ga Cori ya Tupana rü wüxi ga caixanexü̃gu ínarüxĩ rü Moichémaxã yéma nayexma, rü nüxü̃ nixu ga naéga.

Lebítanüxü̃arü puracüchiga 10:3

Rü nüma ga Moiché rü Aróü̃xü̃ ñanagürü: —Ñaachiga nixĩ ga yema Cori ya Tupana nüxü̃ ixuxü̃ ga yexguma ñaxgux: “Rü yíxema choxna ngaicamachaü̃xe rü choma rü tá tüxü̃ chanawe̱x nax aixcüma chaxüünexü̃. Rü guxü̃ma i Iraétanüxü̃pe̱xewa tá ichanawe̱x i chorü pora”, ñaxgu —ñanagürü ga Moiché. Rü nüma ga Aróü̃ rü yéma nangea̱xmare.

2 Chamué 10:12

¡Taxṹ i cumuü̃xü̃ rü cugü naporaxẽxẽ! ¡Rü ngĩxã yigü namaxã tadai naxca̱x i tórü nachixü̃ane rü tóxrü Cori ya Tupanaarü ĩanegü! Rü nüma ya tórü Cori ya Tupana rü tá nanaxü i ngẽma nüma nüxü̃ nacuáxü̃ nax namemaexü̃ —ñanagürü.

2 Chamué 15:26

Natürü ngẽxguma tá chomaxã nüxü̃ yaxugu nax tama chomaxã nataãẽxü̃, rü nua tátama changexma. Rü name i ngẽma nüma nanaxwa̱xexü̃ chomaxã naxü —ñanagürü.

Norü taxre ga popera ga ãẽ̱xgacügüchiga 20:19

Natürü Echequía rü tama poraãcü naxoegaãxẽ yerü ñaxü̃gu narüxĩnü: —Ñu̱xma nax chamaxü̃gu rü taxũtáma ngẽma nangupetü —ñaxü̃gu narüxĩnü. Rü yemaca̱x Ichaíaxü̃ nangãxü̃ rü ñanagürü: —Cha̱u̱xca̱x name i ngẽma Tupanaarü ore i chomaxã nüxü̃ quixuxü̃ —ñanagürü.

Yeremía 34:6

Rü nüma ga Tupanaarü orearü uruxü̃ ga Yeremía rü Yerucharéü̃wa Yudáanearü ãẽ̱xgacü ga Chedequíamaxã nüxü̃ nixu ga guxü̃ma ga yema ore.

Yeremía 38:14

Rü nüma ga ãẽ̱xgacü ga Chedequía rü nanamu nax nape̱xewa Tupanapataarü tomaepü̱x ga ĩã̱xwa nagagüãxü̃ca̱x ga Yeremía ga Tupanaarü orearü uruxü̃. Rü yéma rü nüma ga ãẽ̱xgacü rü ñanagürü nüxü̃: —Ñu̱xma rü tá cuxna chaca, rü chanaxwa̱xe nax chomaxã aixcümaxü̃ quixuxü̃ nax choxü̃ cungãxü̃xü̃ —ñanagürü.

Yeremía 42:4

Rü Yeremía nanangãxü̃ rü ñanagürü: —Marü name. Choma rü tá pexca̱x tórü Cori ya Tupanana chaca rü namaxã tá nüxü̃ chixu i ngẽma choxna naxca̱x pecaxü̃. Rü tá pemaxã nüxü̃ chixu i guxü̃ma i ngẽma chomaxã nüxü̃ yaxuxü̃. Rü taxũtáma ta̱xacü pexcha̱xwa ichicu̱x —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:13

¡Rü pegü peporaexẽxẽgü rü taxṹ ipemuü̃exü̃! ¡Rü ngĩxã itanaxã i tórü pora naxca̱x ya tachixü̃ane rü tórü ĩanegü i Cori ya Tupana tüxna naxü̃ne! Rü nüma ya Cori ya Tupana rü tá tüxü̃ narüngü̃xẽxẽ namaxã i ngẽma norü ngúchaü̃ ixĩxü̃ —ñanagürü.