1 Chamué 3:17 - Tupanaarü Ore

¹⁷ Rü nüma ga Erí rü Chamuéna naca rü ñanagürü: —¿Ñuxũ ñaxü̃ yixĩxü̃ cuxü̃ ya Cori ya Tupana? ¡Rü guxü̃xü̃táma chomaxã quixu, rü taxuxü̃táma iquicu̱x! ¡Rü Tupana poraãcü cuxü̃ poxcux ega taxũtáma guxü̃ i ngẽma cumaxã nüxü̃ yaxuxü̃xü̃ chomaxã quixuxgu! —ñanagürü.

1 Chamué 3:17 Referans Kwoze

2 Chamué 3:35

Rü yemawena ga Dabíarü duü̃xü̃gü rü naxü̃tawa naxĩ rü nüxü̃ nayaca̱a̱xü̃gü nax nachibüxü̃ca̱x naxü̃pa nax nayáuanexü̃. Natürü nüma ga Dabí rü ñanagürü: —¡Cori ya Tupana poraãcü choxü̃ poxcu ega ngẽxguma paũ rüe̱xna ta̱xacürü to i õna changõ̱xnetagu naxü̃pa nax üa̱xcü yarüxücuxü̃! —ñanagürü.

Rux 1:17

Rü ngexta icuyuxü̃gu rü ngẽxma tá chayu, rü ngẽxma tá chata̱x. Rü Cori ya Tupana choxü̃ poxcu ega tauta chayuyane cuxna chixũgachigu, erü yuxicatama nixĩ i yigüna tüxü̃ ixĩgachixẽẽxü̃ —ngĩgürügü.

Ore i mexü̃ ga Matéu ümatüxü̃ 26:63

Natürü ga Ngechuchu rü nangea̱xmare. Rü yemaca̱x ga chacherdótegüarü ãẽ̱xgacü ga Caipá rü ñanagürü nüxü̃: —Tupana ya Maxü̃cüégagu cuxü̃ chamu nax aixcüma tomaxã nüxü̃ quixuxü̃ nax texé quixĩxü̃. ¿Rü cuma ẽ̱xna i Cristu ya Tupana Nane quixĩxü̃? —ñanagürü.

Miquéa 2:7

¿Ẽ̱xna toma i Acóbutaagü nax tixĩgüxü̃ rü Tupana rü chixexü̃ tomaxã naxuegu? ¿Ẽ̱xna ya Tupana rü marü nüxü̃ narüxo nax yáxna tomaxã naxĩnüxü̃? ¿Rü ngẽmaãcü ẽ̱xna yixĩxü̃ i nacüma ya Tupana? ¿Tama ẽ̱xna i tüxü̃ nangü̃xẽxẽxü̃ i Tupanaarü ore ya yíxema aixcüma mea nagu maxẽxe?

Danié 4:19

Rü yexguma ga nüma ga Danié ga Betachámaxã naxugüãcü rü paxaãchi yexma narüchiane yerü poraãcü namuü̃ naxca̱x ga yema ĩnü ga naãẽwa nguxü̃. Natürü chomax i ãẽ̱xgacü rü ñachagürü nüxü̃: “Pa Betacháx ¡taxṹ i cuxoegaãẽxü̃ naxca̱x i ngẽma chaunegü rü ta̱xacüchiga yixĩxü̃!” ñachagürü. Rü nüma ga Betachá rü nanangãxü̃ rü ñanagürü choxü̃: “Pa Ãẽ̱xgacüx, chierüx guxü̃ma ga yema cunegüwa nüxü̃ cudauxü̃, rü curü uanügüca̱x yixĩxgux.

Wiyaegü 141:5

Rü choxü̃́ rü wüxi i ngü̃xẽxẽ nixĩ ega ngẽxguma choxü̃ nawe̱xãchixẽẽgu i wüxi i duü̃xü̃ i cupe̱xewa mexü̃. Natürü ngẽma norü ucu̱xẽ i ngẽma chixexü̃ ügüxü̃ rü tama choxü̃́ name rü taxũtáma naga chaxĩnü. Rü guxü̃gutáma chayumüxẽ nax nüxü̃ naxoexü̃ca̱x i ngẽma chixexü̃ i nagu ínamaxẽxü̃ uxcuxẽ

Nüxíraxü̃xü̃ ga popera ga ãẽ̱xgacügüchiga 22:16

Natürü nüma ga ãẽ̱xgacü rü Micaíaxü̃ nangãxü̃ rü ñanagürü: —Marü muẽ̱xpüxcüna cumaxã nüxü̃ chixu rü ngẽxguma ta̱xacüxü̃ chomaxã quixuxgu rü chanaxwa̱xe i Tupanaégagu aixcümaxü̃ chomaxã quixu —ñanagürü.

2 Chamué 19:13

Rü yexgumarüxü̃ ta yema chacherdótegüca̱x yéma namuga nax Amachámaxã nüxü̃ yaxugüexü̃ca̱x ga ore ga ñaxü̃: —Cuma rü chautanüxü̃xüchi quixĩ, rü Tupanaégagu cumaxã nüxü̃ chixu rü Yoáchicüxü tá chorü churaragümaxã icucua̱x. Rü Tupana poraãcü choxü̃ poxcu ega tama chayanguxẽẽgu i ngẽma ore i nüxü̃ chixuxü̃ —ñaxü̃.

1 Chamué 20:13

Natürü ngẽxguma chaunatü cuxü̃ imáxchaü̃gu, ¡rü Tupana poraãcü choxü̃ poxcu ega tama cumaxã nüxü̃ chixuxgu rü tama cuxü̃ charüngü̃xẽẽgu nax quiñaxü̃ca̱x! ¡Rü Cori ya Tupana cuxü̃ rüngü̃xẽxẽ yema chaunatüxü̃ nangü̃xẽẽxü̃rüxü̃!

1 Chamué 3:16

Natürü nüma ga Erí rü Chamuéca̱x naca rü ñanagürü nüxü̃: —Pa Chaunex, Pa Chamuéx —ñanagürü. Rü nüma ga Chamué nanangãxü̃ rü ñanagürü: —Daxe chixĩ —ñanagürü.

1 Chamué 25:22

Rü Tupana poraãcü choxü̃ poxcu ega ñu̱xma rü moxü̃ rü taxũtáma guxü̃ chadaixgu i ngẽma natanüxü̃ i yatüxü̃ —ñaxü̃gu yéma ne naxĩnüchigü.

Yeremía 38:14

Rü nüma ga ãẽ̱xgacü ga Chedequía rü nanamu nax nape̱xewa Tupanapataarü tomaepü̱x ga ĩã̱xwa nagagüãxü̃ca̱x ga Yeremía ga Tupanaarü orearü uruxü̃. Rü yéma rü nüma ga ãẽ̱xgacü rü ñanagürü nüxü̃: —Ñu̱xma rü tá cuxna chaca, rü chanaxwa̱xe nax chomaxã aixcümaxü̃ quixuxü̃ nax choxü̃ cungãxü̃xü̃ —ñanagürü.

Yeremía 42:4

Rü Yeremía nanangãxü̃ rü ñanagürü: —Marü name. Choma rü tá pexca̱x tórü Cori ya Tupanana chaca rü namaxã tá nüxü̃ chixu i ngẽma choxna naxca̱x pecaxü̃. Rü tá pemaxã nüxü̃ chixu i guxü̃ma i ngẽma chomaxã nüxü̃ yaxuxü̃. Rü taxũtáma ta̱xacü pexcha̱xwa ichicu̱x —ñanagürü.

Iraétanüxü̃arü muxchiga 23:17

Rü nüma ga Balaáü̃ rü nataegu. Rü Baláxü̃tawa nangu ga naxü̃na íguxü̃xü̃tawa nanguxẽẽxü̃ namaxã ga namücügü ga ãẽ̱xgacügü ga Moáanecüã̱xgü. Rü nüma ga Baláx rü Balaáü̃na naca rü ñanagürü: —¿Rü ñuxũ ñaxü̃ cuxü̃ ya Cori ya Tupana? —ñanagürü.

1 Chamué 14:44

Rü nüma ga Chaú rü tagaãcü ñanagürü: —¡Cori ya Tupana poraãcü choxü̃ poxcu ega ngẽxguma taxũtáma cuyu̱xgu, Pa Yonatáü̃x! —ñanagürü.

2 Chamué 3:9

¡Rü Cori ya Tupana choxü̃ poxcu ega ngẽxguma taxũtáma Dabíaxü̃́ chanatauxchaxẽxẽgu ga yema Cori ya Tupana Dabímaxã ueguxü̃! Yerü nüma ga Tupana rü Dabímaxã nüxü̃ nixu nax Chaútanüxü̃na naya̱u̱xãxü̃ nax ãẽ̱xgacü yixĩgüxü̃, rü Dabíxü̃ naxuneta nax nüma namaxã inacuáxü̃ca̱x i Iraéane rü Yudáane i Dáü̃arü ĩanewa inaxügü rü ñu̱xmata Bechébagu yacuáx —ñanagürü.

2 Chamué 14:18

Rü nüma ga ãẽ̱xgacü rü yema ngecüxü̃ nangãxü̃ rü ñanagürü: —Chanaxwa̱xe nax taxuxü̃táma iquicúxü̃ i ngẽma cuxna naxca̱x chacaxü̃ —ñanagürü. Rü ngĩma ga yema nge rü inangãxü̃ rü: —¡Idexa Pa Ãẽ̱xgacüx! —ngĩgürügü.

Norü taxre ga popera ga ãẽ̱xgacügüchiga 6:31

Rü yexguma nüma ga ãẽ̱xgacü rü ñanagürü: —¡Tupana choxü̃ poxcu ega ñomatama i ngunexü̃gu tama chayadaerugu i Erichéu i Chapáx nane! —ñanagürü.