1 Chamué 3:15 - Tupanaarü Ore

¹⁵ Rü yemawena ga Chamué rü nape ñu̱xmata moxü̃ãcü yangune. Rü yexguma ínadaxgu rü nayawãxnagü ga Tupanapataarü ĩã̱xgü. Natürü nüma ga Chamué rü namuü̃ ga Erímaxã nüxü̃ nax yaxuxü̃ ga yema ore ga Tupana namaxã nüxü̃ ixuxü̃.

1 Chamué 3:15 Referans Kwoze

Maraquía 1:10

Rü nüma ya Cori ya Tupana ya Guxü̃étüwa Ngẽxmacü rü pexü̃ ñanagürü: —Chierüx texé i petanüwa tanawãxtagu ya chopata ya taxü̃nearü ĩã̱xgü nax tama natüca̱xmamare chorü ãmarearü guruü̃wa yayauraxü̃ca̱x ya üxü. Erü choma rü tama pemaxã chataãxẽ, rü ngẽmaca̱x taxuxü̃táma i perü ãmaregü i choxna pexãgüxü̃ tá pexü̃́ chayaxu.

1 Chamué 1:9

Rü yexguma ĩane ga Chilówa nayexmagügu, rü wüxi ga yáuanecü ga chibüwena rü ngĩma ga Ána rü Tupanapatawa ixũ. Rü nüma ga chacherdóte ga Erí rü norü tochicaxü̃ ga nawa natooxü̃wa narüto ga Cori ya Tupanapataarü ĩã̱xarü ngaicamana.

Iraétanüxü̃arü muxchiga 12:6

Rü nüma ga Cori ya Tupana rü ñanagürü: —¡Choxü̃ iperüxĩnüe i ñaa pemaxã tá nüxü̃ chixuxü̃! Rü ngẽxguma petanüwa nangẽxmagu i wüxi i chorü orearü uruxü̃, rü choma nixĩ i chanango̱xetüxẽẽxü̃ rü nanegüwa namaxã chidexaxü̃.

1 Chamué 3:10

Rü yemawena rü yéma nangu ga nüma ga Cori ya Tupana. Rü yexma nachi rü wenaxarü Chamuéna naca yema noxri nüxna nacagurüü̃tama, rü ñanagürü: —Pa Chamuéx, Pa Chamuéx —ñanagürü. Rü nüma ga Chamué rü nanangãxü̃ rü ñanagürü: —¡Idexa! Rü cuxü̃ chaxĩnü nixĩ i choma nax curü puracütanüxü̃ chixĩxü̃ —ñanagürü.

1 Chamué 3:16

Natürü nüma ga Erí rü Chamuéca̱x naca rü ñanagürü nüxü̃: —Pa Chaunex, Pa Chamuéx —ñanagürü. Rü nüma ga Chamué nanangãxü̃ rü ñanagürü: —Daxe chixĩ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:23

Rü Berequía rü Ercaná nixĩ ga namaxã icua̱xgüxü̃ ga yema nüxna daugüxü̃ ga yema baú ga Tupanaarü mugüchixü̃. Rü yema chacherdótegü ga yema baúpe̱xewa cornétagu icuegüxü̃ nixĩ ga Chebanía rü Yochapáx rü Natanaé rü Amachái rü Chacaría rü Benaía rü Eriéche. Rü Obéx-edóü̃ rü Yeía nixĩ ga to ga yema baúna daugüxü̃.