1 Chamué 3:12 - Tupanaarü Ore

¹² Rü ngẽma ngunexü̃gu rü taxũtáma chanangupetüxẽxẽ i guxü̃ma ga yema Erímaxã nüxü̃ chixuxü̃ ga nanegüchiga.

1 Chamué 3:12 Referans Kwoze

Ore i mexü̃ ga Luca ümatüxü̃ 21:33

Dauxü̃guxü̃ i naane rü ñoma i naane rü tá nagu̱x. Natürü chorü ore rü tagutáma inayarüxo.

Chacaría 1:6

Natürü yema chorü ore rü yema chorü mugü ga chorü orearü uruü̃güme̱xẽgu chaxüxü̃, rü perü o̱xigüwa nangu. Rü ñuxre ga nümagü rü cha̱u̱xca̱x nawoegu, rü naxca̱x ínicua̱xgü ga chixexü̃ nax naxügüxü̃, rü ñanagürügü: ‘Rü aixcüma nüma ya Cori ya Tupana ya Guxãétüwa Ngẽxmacü rü ngẽma tórü chixexü̃ãcütama tüxü̃ napoxcue’, ñanagürügü” —ñanagürü ga Tupana.

Yochué 23:15

Natürü ngẽxgumarüxü̃ marü nax yangu̱xẽẽãxü̃ i guxü̃ma i ngẽma mexü̃ ga pemaxã inaxunetaxü̃, rü ngẽxgumarüxü̃ tá ta pexca̱x ínanangu̱xẽxẽ i naguxü̃raü̃xü̃ i guxchaxü̃ i ngẽxguma tama aixcüma naga pexĩnüegu ga yema norü uneta ga pemaxã nüxü̃ yaxuxü̃. Rü ngẽxguma ta̱xacürü tupananetagu perüxĩnüegu rü naxca̱x pemaxẽgu, rü nüma ya Cori ya Tupana rü tá pemaxã nanu, rü paxaxüchi tá pexü̃ inayarüxoxẽxẽ nawa i ñaa naane i mexü̃ i nüma pexna naxãxü̃. Rü bai tá ya wüxíe ípeyaxüxü̃ —ñanagürü ga Yochué.

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Echequié 21:5

Rü guxü̃ma i duü̃xü̃gü i ñoma i naanewa maxẽxü̃ rü tá nüxü̃ nicua̱xãchitanü nax choma rü nachiü̃wa chayatuxuchixü̃ i chorü tara rü taxũtáma wena nachixü̃gu chayaxǘcuchixü̃.

Ãẽ̱xgacügü ga guxchaxü̃güarü mexẽxẽruü̃gü 4:24

Rü yexgumacürüwa ga Iraétanüxü̃ rü yexeraãcü ãẽ̱xgacü ga Yabíü̃xü̃ narüporamaegü rü ñu̱xmata yama̱xgüã.

1 Chamué 4:11

Rü yexgumarüxü̃ ta nanapugü ga yema baú ga Tupanaarü mugü nawa yexmaxü̃, rü nanadai ga Oní rü Fineéx ga yema taxre ga Erí nanegü.

1 Chamué 4:17

Rü nüma ga yema churara rü nanangãxü̃ rü ñanagürü: —Nüma i Iraéanecüã̱xgü rü Firitéutanüxü̃cha̱xwa nibuxmü rü ñu̱xũchi muxẽma ya tatanüxü̃ tüxü̃ nadai. Rü ngẽmatanügu nayue ya yimá taxre ya cune ya Oní rü Fineéx, rü ngẽma baú i Tupanaarü mugü nawa ngẽxmaxü̃ rü Firitéugü nanapugü —ñanagürü.

1 Chamué 4:21

Rü Icabúgu inaxüéga ga yema ngĩne rü ngĩgürügü: —Tupana rü marü tüxna nixũgachi erü marü nataxuma i ngẽma baú i Tupanaarü mugüchixü̃ i nua Iraéanewa —ngĩgürügü. Rü yema ngĩgürügü yerü marü nanapugü ga Tupanaarü mugüchixü̃ rü marü nayue ga ngĩ̱xtü rü ngĩte.