1 Chamué 3:1 - Tupanaarü Ore

¹ Rü nüma ga ngextü̱xücü ga Chamué rü Cori ya Tupanaaxü̃́ napuracü yema Erí namuxü̃ãcüma. Rü yexguma ga Tupana rü ñuxguacürica texémaxã nidexa. Rü ñuxguacürica texéca̱x nanango̱xẽxẽ ga ẽxü̃guxü̃.

1 Chamué 3:1 Referans Kwoze

Wiyaegü 74:9

Rü ñu̱xma rü marü nataxuma ya cupata rü nataxuma i curü orearü uruü̃gü. Rü tama nüxü̃ tacua̱x nax ñuxgu tá nangupetüxü̃ i ñaa guxchaxü̃ i toétüwa ngẽxmaxü̃.

1 Chamué 3:21

Rü nüma ga Cori ya Tupana rü wenaxarü Chamuéca̱x nügü nango̱xẽxẽ nawa ga guma Tupanapata ga Chilówa yexmane, yerü yéma nixĩ ga Tupana Chamuémaxã nüxü̃ yaxuxü̃ ga norü ore.

1 Chamué 2:11

Rü ñu̱xũchi nüma ga Ercaná rü naxacüã̱xgü rü naxma̱xgümaxã napataca̱x nawoegu ga ĩane ga Ramáwa. Natürü nüma ga gumá nane ga bucü rü yexma chacherdóte ga Eríxü̃tagu narüxã̱ũ̱x nax yéma Cori ya Tupanaaxü̃́ napuracüxü̃ca̱x.

1 Chamué 2:18

Rü nüma ga gumá bucü ga Chamué rü niyachigü rü Cori ya Tupanaaxü̃́ napuracü. Rü naxchiru rü chacherdótegüchirurüxü̃ nixĩ nax línuchinaxca̱x yixĩxü̃.

Ichaía 13:12

Rü tá chanadai i ngẽma Babiróniacüã̱x i yatüxü̃gü rü noxretátama íchayaxüxẽxẽ. Rü ngẽmaca̱x i ngẽma úiru i mexẽchixü̃ i Ofíwa ngẽxmaxü̃arü yexera tá nataxu i ngẽma duü̃xü̃gü.

1 Chamué 3:15

Rü yemawena ga Chamué rü nape ñu̱xmata moxü̃ãcü yangune. Rü yexguma ínadaxgu rü nayawãxnagü ga Tupanapataarü ĩã̱xgü. Natürü nüma ga Chamué rü namuü̃ ga Erímaxã nüxü̃ nax yaxuxü̃ ga yema ore ga Tupana namaxã nüxü̃ ixuxü̃.

1 Chamué 2:35

Rü ngẽmawena i choma rü tá chayanguxuchixẽxẽ ya wüxi ya chacherdóte ya aixcüma chauga ĩnücü ya choma chanaxwa̱xexü̃ãcüma puracücü rü naxücü i chorü ngúchaü̃. Rü choma rü tá guxü̃gutáma nüxü̃ charüngü̃xẽxẽ nax yamuxü̃ca̱x i nataagü. Rü tá chanamu ya yimá chacherdóte nax guxü̃gutáma yimá choma nüxü̃ chaxunetacü ya ãẽ̱xgacüxü̃ nangü̃xẽẽxü̃.

1 Chamué 2:36

Rü ñu̱xũchi guxü̃ma i cutanüxü̃ i íyaxügüxü̃ rü maxẽxü̃ rü yimá chacherdótepe̱xegu tá nayacaxã́pü̱xügü, rü tá wüxitachinü i diẽruca̱x rü wüxichipe̱xe i paũca̱x ínacagü. Rü tá ñanagürügü nüxü̃, ‘¡Toxü̃ rüngü̃xẽxẽ rü toxna naxã i puracü natanüwa i ngẽma chacherdótegü nax toxü̃́ nangẽxmaxü̃ca̱x i torü õna!’ ñanagürügü tá” —ñanagürü ga Tupana.

Ucu̱xẽgüchiga 29:18

Wüxi ya ĩane i ngextá duü̃xü̃gü tama Tupanaga ínaxĩnüexü̃wa, rü taxuxü̃ma mea inixũ. Natürü ngextá Tupanaga íxĩnüexü̃wa rü mexü̃gu ínamaxẽ i duü̃xü̃gü.

Echequié 7:26

Rü nügüwe tá naxãgü i ngẽma guxchaxü̃gü i Yerucharéü̃cüã̱xgüca̱x ínguxü̃. Rü ngẽxgumarüxü̃ ta i ngẽma chixexü̃ i nachigagü rü tá nügüwe naxãgü. Rü tá naxca̱x nadaugü i wüxi i chorü orearü uruxü̃ nax ngẽma namaxã nüxü̃ ixuxü̃ca̱x nax ta̱xacüchiga yixĩxü̃ i ngẽma ngupetüxü̃. Natürü i ngẽma rü tá natüca̱xmamare nixĩ. Rü nataxutama i chacherdótegü i nangúexẽxẽxü̃ rü bai i yaxguã̱xgü i tayaxucu̱xẽgüxü̃.