1 Chamué 28:4 - Tupanaarü Ore

⁴ Rü nüma ga Firitéugüarü churaragü rü nügü nangutaque̱xegü rü Chunéü̃wa naxĩ rü yexma nügü ninu. Rü nüma ga Chaú rü guxü̃ma ga Iraéanecüã̱xgüarü churaragüxü̃ nangutaque̱xexẽxẽ rü Guibóagu nügü ninu.

1 Chamué 28:4 Referans Kwoze

1 Chamué 31:1

Rü nüma ga Firitéugü rü Iraéanecüã̱xgümaxã nügü nadai. Rü nüma ga Iraéanecüã̱xgü rü naxcha̱xwa nibuxmü, yerü namuxũchi ga Iraéanecüã̱xgü ga ma̱xpǘne ga Guibóagu yuexü̃.

Yochué 19:18

Rü yema norü naanewa rü nayexmagü ga daa ĩanegü: Yereé, rü Quechuróx, rü Chunéü̃, rü Afaraíü̃, rü Chióü̃, rü Anaaráx, rü Rabíx, rü Quichióü̃, rü Ébe, rü Rémex, rü En-ganíü̃, rü En-adá, rü Bex-paché.

Norü taxre ga popera ga ãẽ̱xgacügüchiga 4:8

Rü wüxi ga ngunexü̃gu rü ĩane ga Chunéü̃wa naxüpetü ga Erichéu. Rü yéma iyexma ga wüxi ga nge ga guma ĩanegu ãchiü̃cü rü mexü̃ ga ngĩchiga ngĩxü̃́ yexmacü. Rü Erichéuna ixu ga ngĩchiü̃wa nax nachibüxü̃ca̱x. Rü guxü̃guma ga yexguma yéma naxüpetüü̃xgu ga Erichéu, rü yexma ngĩxü̃tagu ínidauuxü̃ rü yéma inichibüü̃.

2 Chamué 1:21

¡Rü tagutáma wena pegu napu rü woo i cherenaane pegu nangu, Pa Guibóaarü Ma̱xpǘnegü, erü pegu nixĩ i nayuexü̃ i ngẽma tama muü̃wa̱xegüxü̃! Yexma nixĩ ga nagu napúgüexü̃ ga norü poxü̃ruü̃gü ga yema daigu yuexü̃ rü yexma nixĩ ga yaxoxü̃ ga yema Chaúarü poxü̃ruxü̃arü yáuxratachinü.

2 Chamué 1:6

Yema yatü ga namaxã nüxü̃ ixuxü̃ nanangãxü̃ rü ñanagürü: —Yerü choma rü guma ma̱xpǘne ga Guibóawa chayexmayane rü nüxü̃ chadau ga Chaú nax norü wocaemaxã nügü nacaxcuxü̃. Rü ñu̱xũchi norü uanügüarü carugü rü yema uanügü ga cowarutagu ĩxü̃ nax marü nüxü̃ iyangaugüchaü̃xü̃.

1 Chamué 28:5

Natürü nüma ga Chaú rü yexguma yema Firitéugüarü churaragüxü̃ nada̱u̱xgu, rü naba̱i̱xãchi rü poraãcü namuü̃. Rü Cori ya Tupanana naca ga ta̱xacü tá nax naxüxü̃. Natürü nüma ga Cori ya Tupana rü tama nanangãxü̃ woo nanegüwa, rü woo yema cua̱xruxü̃ ga Uríü̃wa, rü woo Tupanaarü orearü uruü̃güwa.

Nüxíraxü̃xü̃ ga popera ga ãẽ̱xgacügüchiga 1:3

Rü guxü̃ ga Iraéanegu ngĩxne nadaugü ga wüxi ga pacü ga mecü. Rü ngĩxü̃ inayangaugü ga wüxi ga pacü ga Abiachágu ãégacü ga ĩane ga Chunéü̃cüã̱x ixĩcü. Rü ãẽ̱xgacüxü̃tawa ngĩxü̃ nagagü.

1 Chamué 31:8

Rü moxü̃ãcü pa̱xmama rü nüma ga Firitéugü ínayadau ga yema yuexü̃ nax nadexeneãxü̃ca̱x ga norü yemaxü̃gü. Rü yexma nüxü̃ inayangau ga Chaú rü yema tomaepü̱x ga nanegü ga ma̱xpǘne ga Guibóagu yexma yuexü̃.