1 Chamué 28:11 - Tupanaarü Ore

¹¹ Rü ngĩma ga yema nge rü inangãxü̃ rü ngĩgürügü: —¿Rü texé cutümawa̱xe nax tümaca̱x changemaxü̃? —ngĩgürügü. Rü nüma ga Chaú rü ngĩxü̃ nangãxü̃ rü ñanagürü: —¡Chamuéca̱x nangema! —ñanagürü.

1 Chamué 28:11 Referans Kwoze

1 Chamué 28:10

Natürü nüma ga Chaú rü Cori ya Tupanaégagu ñanagürü ngĩxü̃: —Tupanaégagu cumaxã nüxü̃ chixu rü taxũtáma i ta̱xacürü chixexü̃ cuxü̃ nangupetü naxca̱x i ngẽma cuxü̃ chaxüxẽẽxü̃ —ñanagürü.

1 Chamué 28:12

Rü ngürüãchi ga yema nge rü Chamuéxü̃ idau, rü aita ixü. Rü ñu̱xũchi Chaúxü̃ ngĩgürügü: —¿Tü̱xcüü̃ choxü̃ cuwomüxẽxẽ? Cuma rü Chaú quixĩ —ngĩgürügü.

Wenaxarü naxümatü ga Tupanaarü mugü 18:11

Rü tama name i naxca̱x tixũ nax duẽxẽgüxü̃ tatoṍẽxü̃, rü bai i naxü̃tawa taxũ nax nüxna tayacaxü̃ca̱x i ngẽma ẽxü̃guxü̃xü̃ cuáxü̃, rü bai i nüxna tayaca i ngẽma naãxẽgüca̱x ngẽmagüxü̃, rü bai i nüxna tayaca i ngẽma yuetaãẽca̱x ngẽmagüxü̃.

1 Chamué 28:15

Rü yexguma ga Chamué rü ñanagürü: —¿Ta̱xacüca̱x i choxü̃ cuchixewexü̃ rü nua choxü̃ cuxũxẽxẽxü̃? —ñanagürü. Rü nüma ga Chaú nanangãxü̃ rü ñanagürü: —Poraãcü chaxoegaãxẽ, erü nüma i Firitéugü rü toxca̱x ínayaxüãchi, natürü nüma ya Tupana rü marü choxna nixũgachi rü tama choxü̃ nacuáxchaü̃, rü tama choxü̃ nangãxü̃ga i orearü uruü̃güwa rüe̱xna chaunegüwa. Rü ngẽmaca̱x nixĩ i cuxca̱x changemaxü̃ nax chomaxã nüxü̃ quixuxü̃ca̱x nax ta̱xacü tá chaxüxü̃ —ñanagürü.

Ichaía 8:19

Rü bexmana ngürüãchi i duü̃xü̃gü rü tá pexü̃ ñanagürügü: —¡Ngĩxã nüxna taca i ngẽma yuüxü̃ rü ngẽma nüxü̃ cuáxü̃ nax ígaãcüma yuetaãẽmaxã yadexagüxü̃! ¿Rü tama ẽ̱xna inamexü̃ nax wüxi ya ĩanecüã̱x i duü̃xü̃gü naxca̱x nadauxü̃ i norü tupanagüarü ucu̱xẽgü rü yuetagüarü ucu̱xẽgü nachiga i ngẽma maxẽxü̃?