1 Chamué 27:8 - Tupanaarü Ore

⁸ Rü yexguma yema naanewa nayexmagu ga Dabí rü norü duü̃xü̃gümaxã ínaxũxũãxü̃ nax ngĩ́xwa naxũxü̃ca̱x natanüwa ga Guechúxtanüxü̃, rü Guéchetanüxü̃, rü Amaréxtanüxü̃ ga yema naanewa yexmagüxü̃. Rü yema duü̃xü̃güarü naane rü Teraíü̃wa inanaxügü rü Chúxwaama nadaxüchi ñu̱xmata Equítuanewa nangu.

1 Chamué 27:8 Referans Kwoze

Yochué 13:2

Rü guxü̃ma i ngẽma naane i Firitéugüarü rü ínayaxü, rü ngẽxgumarüxü̃ ta i ngẽma naane i Guechuréugüarü rü ínayaxü. Rü ngẽma naane rü natü i Chióü̃wa inaxügü i Equítuanearü éstewaama, rü nida ñu̱xmata Ecróü̃arü üyeanewa nangu i nórtewaama. Rü ngẽma naane rü Cananéugüarü nixĩ rü nawa nangẽxmagü i 5 i ãẽ̱xgacügü i Firitéugü. Rü norü ĩanegü rü daagü nixĩ: Gácha, rü Adúx, rü Acharóü̃, rü Gáx, rü Ecróü̃. Rü ngẽxgumarüxü̃ ta ínayaxü i ngẽma naane i Abéugü nawa ngẽxmagüxü̃.

Yochué 13:13

Natürü yema Guechúxanecüã̱xgü rü Maacáanecüã̱xgü rü tama ínawoxü̃ nawa ga yema naane, rü Iraétanüwatama namaxẽ. Rü ñu̱xma rü ta Iraétanüwatama nangẽxmagü.

Ãẽ̱xgacügü ga guxchaxü̃güarü mexẽxẽruü̃gü 1:29

Rü yema Efraíü̃tanüxü̃ rü ta taxucürüwa ínanawoxü̃ ga yema Canaáü̃tanüxü̃ ga ĩane ga Guéchegu ãchiü̃güxü̃. Rü yemaca̱x ga yema Canaáü̃tanüxü̃ rü yématama Efraíü̃tanüxü̃tanüwa namaxẽ.

Yochué 16:10

Natürü ga Efraíü̃tanüxü̃ rü tama ínanawoxü̃ ga yema Cananéugü ga ĩane ga Guéchewa maxẽxü̃. Rü nügütanüwatama nanayexmagüxẽxẽ, natürü norü puracütanüxü̃xü̃ nayaxĩgüxẽxẽ. Rü ñu̱xma rü ta i ngẽma Cananéugü rü ngématama namaxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:23

Natürü ga Yechúx rü Aráü̃ rü nanapuxü̃ ga guma 23 ga Yaíarü ĩanegü. Rü yexgumarüxü̃ ta nanapu ga guma ĩane ga Quenáx rü naétü ga norü ĩanexacügü. Rü guxü̃wama 60 ga ĩanegü nixĩ. Rü guxü̃ma ga yema duü̃xü̃gü rü Garaáxnatü ga Maquítaagü nixĩgü.

2 Chamué 15:8

Rü yexguma Chíriaanegu chaxãchiü̃gu ga Yechúxarü ĩanewa, rü choma nax curü duü̃xü̃ chixĩxü̃, rü yéma Cori ya Tupanamaxã nüxü̃ chixu rü ngẽxguma chi nüma choxü̃́ natauxchaxẽẽãgu ga Yerucharéü̃ca̱x nax chataeguxü̃ rü chi nüxü̃ chayarücua̱xüxü̃ namaxã i wüxi i chorü ãmare i naxca̱x chiguxü̃ —ñanagürü.

2 Chamué 14:32

Rü nüma ga Acharóü̃ rü nanangãxü̃ rü ñanagürü: —Chorü duü̃xü̃güxü̃ cumaxã nüxü̃ charüxuxẽxẽ nax nua chauxü̃tawa cuxũxü̃ca̱x nax ngẽmaãcü ãẽ̱xgacüxü̃tawa cuxü̃ chamuxü̃ca̱x, rü namaxã nüxü̃ cuyarüxuxü̃ca̱x i ñaa chorü ore nax ta̱xacüca̱x yixĩxü̃ nax Yechúxwa cha̱u̱xca̱x ínaxũxü̃ nax nua choxü̃ naxũxẽẽxü̃. Rü ngẽma rümemaexü̃chixü̃ nixĩ nax Yechúxwatama changexmaxü̃. Choma rü ãẽ̱xgacüxü̃ chadauxchaü̃. Rü ngẽxguma chi ta̱xacürü chixexü̃ chauétüwa ngẽxmagu, rü name nixĩ i choxü̃ nima̱x —ñanagürü.

2 Chamué 14:23

Rü yexgumatama inachi ga Yoá rü inaxũãchi nax Yechúxwa naxũxü̃ nax Acharóü̃xü̃ yagaxü̃ca̱x nax Yerucharéü̃wa nagaãxü̃ca̱x.

1 Chamué 30:1

Rü norü tomaepü̱x ga ngunexü̃gu rü nüma ga Dabí rü ñu̱xũchi yema norü churaragü rü ĩane ga Chicáxca̱x nawoegu. Natürü yexguma yéma nangugügu rü nüxü̃ nayangaugü nax marü Négueanegu nachocuxü̃ ga Amaréxtanüxü̃ rü naxca̱x íyaxüãchixü̃ rü yagugüãxü̃ ga guma ĩane ga Chicáx.

Ínachoxü̃xü̃chiga 17:8

Rü yema Amaréxtanüxü̃ rü yema nachica ga Refidíü̃gu ãégaxü̃wa naxĩ nax Iraétanüxü̃maxã nügü nada̱i̱xü̃ca̱x.

Ínachoxü̃xü̃chiga 15:22

Moiché rü yema Iraétanüxü̃maxã yema Már ga Dauchíüxü̃na nixĩgachi. Rü chianexü̃ ga Chúxgu ãégaxü̃wa naxĩ. Rü tomaepü̱x ga ngunexü̃ inaxĩ rü tama dexáxü̃ inayangaugü.

Yochué 12:5

Rü yema naane ga namaxã inacuáxü̃ ga Óx rü inaxügü ga ma̱xpǘne ga Ermóü̃wa rü Chacáwa, rü guxü̃ma ga Bacháü̃arü naanewa nada ñu̱xmata nawa nangu ga üyeane ga Guechúx rü Maacá. Rü yéma rü nadapetü ñu̱xmata Garaáxarü naanearü ngãxü̃wa nangu ga ngextá iyacuáxü̃wa ga yema naane ga gumá Ebóü̃arü ãẽ̱xgacü ga Chióü̃ namaxã icuáxü̃.

1 Chamué 29:6

Rü yexguma ga Aquí rü Dabíca̱x naca rü ñanagürü nüxü̃: —Ngẽma nax Tupana aixcüma maxü̃xü̃rüxü̃, rü cumaxã nüxü̃ chixu rü cuma rü aixcüma wüxi i mexü̃ i yatü nax quixĩxü̃. Rü poraãcü chorü me nixĩ i cucüma i churaragütanüwa. Rü taxuxü̃ma i ta̱xacürü chixexü̃xü̃ cuwa chadau yema ngunexü̃ ga nagu chauxü̃tawa cuxũxü̃gucürüwa. Natürü ngẽma Firitéugüarü churaragüerugü rü tama cumaxã nataãẽgü, ¡rü ngẽmaca̱x mea nataegu i ñu̱xma nax ngẽmaãcü tama cunaxüxü̃ca̱x i ngẽma tama norü me ixĩxü̃! —ñanagürü nüxü̃.

2 Chamué 3:3

Rü gumá norü taxre ga nane rü Quiráx nixĩ, rü Abigái iyixĩ ga naé. Rü ngĩma ga Abigái rü Nabáx ga yucüma̱xchire̱x iyixĩ. Rü nüma ga Nabáx rü Carméxcüã̱x nixĩ. Rü norü tomaepü̱x ga Dabí nane rü Acharóü̃ nixĩ, rü naé rü Maacá iyixĩ. Rü ngĩma rü Tarmáixacü iyixĩ. Rü nüma ga Tarmái rü Yechúxarü ãẽ̱xgacü nixĩ.

2 Chamué 3:22

Rü nüma ga Yoá rü Dabíarü churaragümaxã ínangugü nax daiwa ne naxĩxü̃. Rü yéma ne nanana ga muxü̃ma ga yemaxü̃gü ga norü uanügüna napuxü̃xü̃. Rü nüma ga Abnéx rü marü nataxuma ga Dabíxü̃tawa ga Ebróü̃wa yerü marü Dabí ínayamu rü taãẽxãcü nataegu.

Iraétanüxü̃arü muxchiga 13:29

Rü ngẽma Négueanewa rü ngẽxma naxãchiü̃gü i ngẽma Amaréxtanüxü̃. Rü ngẽma ínamáxpü̱xanexü̃gu rü naxãchiü̃gü i ngẽma Itítanüxü̃ rü Yebuchéutanüxü̃ rü Amoréutanüxü̃. Rü márcutügu rü natü i Yudáü̃cutügu nixĩ i naxãchiü̃güxü̃ i Canaáü̃tanüxü̃ —ñanagürügü.

Iraétanüxü̃arü muxchiga 14:45

Natürü yexguma yema ma̱xpǘneanewa nangugügu rü nümagü ga Amaréxtanüxü̃ rü Canaáü̃tanüxü̃ ga yexma ãchiü̃güxü̃ rü Iraétanüxü̃xü̃ nadai. Rü nawe nangẽgü rü ñu̱xmata Ormáwa nayawogü. Rü yemaacü nüxü̃ narüporamaegü.