1 Chamué 27:12 - Tupanaarü Ore

¹² Rü nüma ga Aquí rü Dabíaxü̃́ nayaxõ rü yemaca̱x ñaxü̃gu Dabímaxã narüxĩnü: —Rü ñu̱xma i ngẽma Iraéanecüã̱xgü rü Dabíchi naxaie, rü ngẽmaca̱x i nüma rü guxü̃gutáma chorü duü̃xü̃ nixĩ —ñaxü̃gu narüxĩnü.

1 Chamué 27:12 Referans Kwoze

1 Chamué 13:4

Rü guxü̃ma ga Iraétanüxü̃ rü nüxü̃ nacuáchigagü nax Chaú rü Firitéugüxü̃ nada̱i̱xü̃ rü yemaca̱x ga Firitéugü rü Iraétanüxü̃chi naxaie. Rü yemaca̱x ga yema Iraéanearü churaragü rü Guirigáwa Chaúmaxã nangutaque̱xegü.

Naanearü ügüchiga 34:30

Rü yexguma nüma ga Acóbu rü nanegü ga Chimeóü̃xü̃ rü Lebíxü̃ nanga rü ñanagürü: —Pemax i ñu̱xmax rü taxü̃ i guxchawa choxü̃ pengexmaxẽxẽ. Rü ñu̱xmax i ngẽma duü̃xü̃gü i ñaa naanewa maxẽxü̃ i Canaáü̃cüã̱xgü, rü Ferechéugü rü tá chauxchi naxaie. Rü nügü tá cha̱u̱xca̱x nanutaque̱xe rü tá cha̱u̱xca̱x ínayaxüãchi. Rü ñu̱xma nax noxretama i yatügü choxü̃́ ngẽxmaxü̃ rü tá choxü̃ nima̱x wüxigu namaxã i guxü̃ma i chopatacüã̱xgü —ñanagürü.

Ínachoxü̃xü̃chiga 5:21

Rü namaxã nüxü̃ nixugügü, rü ñanagürügü: —¡Tupana nüxü̃ daux i ngẽma ñu̱xma tomaxã pexüxü̃, rü pexü̃ napoxcue! Erü pegagu nixĩ i ñu̱xma i Faraóü̃ rü norü duü̃xü̃gü rü chixri toxü̃ nadauxü̃. Rü pegagu nixĩ i ñu̱xma i tá toxü̃ nada̱i̱xü̃ —ñanagürügü.

1 Chamué 27:11

Rü nüma ga Dabí rü taxuxü̃ma ga duü̃xü̃ ga yatüxü̃ rü ngexü̃ namaxẽxẽ nax yemaacü taxúema ĩane ga Gáxwa nüxü̃ yarüxuxü̃ca̱x ga yema ínaxüxü̃. Rü guxü̃ma ga ngunexü̃gü ga yexguma Firitéugüarü naanewa namaxü̃gu rü yema naxǘ.

1 Chamué 28:1

Rü yema ngunexü̃gügu rü nüma ga Firitéugü nanangutaque̱xexẽxẽ ga norü churaragü nax Iraéanecüã̱xgüca̱x íyaxü̃ãchixü̃ca̱x. Rü nüma ga Aquí rü Dabíxü̃ ñanagürü: —Marü nüxü̃ cucua̱x i cuma rü curü duü̃xü̃gü rü tá chowe perüxĩ nawa i ngẽma dai —ñanagürü.

2 Chamué 10:6

Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.