1 Chamué 27:11 - Tupanaarü Ore

¹¹ Rü nüma ga Dabí rü taxuxü̃ma ga duü̃xü̃ ga yatüxü̃ rü ngexü̃ namaxẽxẽ nax yemaacü taxúema ĩane ga Gáxwa nüxü̃ yarüxuxü̃ca̱x ga yema ínaxüxü̃. Rü guxü̃ma ga ngunexü̃gü ga yexguma Firitéugüarü naanewa namaxü̃gu rü yema naxǘ.

1 Chamué 27:11 Referans Kwoze

Ucu̱xẽgüchiga 29:25

Ngẽxguma duü̃xü̃güxü̃ cumuü̃gu rü cugünatama guxchaxü̃ cuxã. Natürü texé ya Tupanaga ĩnüxe, rü nüma ya Tupana tüxna nadau.

Ucu̱xẽgüchiga 12:19

Yíxema ore i aixcümaxü̃ ixuxe, rü ngẽma tümaarü ore rü taguma inarüxo. Natürü ngẽma doraxü̃ ixuxü̃, rü ngẽma norü ore, rü paxa tá inarüxo.

1 Chamué 22:22

Rü Dabí rü nanangãxü̃ rü ñanagürü: —Choma rü yema ngunexü̃gu nüxü̃ chacua̱x nax yéma nayexmaxü̃ ga Doéx, rü ñu̱xũchi tá Chaúmaxã choxü̃ yaxuxü̃. Chaugagu nixĩ i nayuexü̃ i guxü̃ma i cutanüxü̃.

1 Chamué 27:10

Rü nümax ga Aquí rü nüxna nacaüxü̃ rü ñanagürü: —¿Ngexnerüxüne ya ĩane ya pedaiãcune i ñu̱xma? —ñanagürü. Rü Dabí rü nanangãxü̃ rü ñanagürü: —Yudáanearü súrwaama ngẽxmagüne, rü Yerameéxarü súrwaama ngẽxmagüne, rü Quenéutanüxü̃arü naanearü súrwaama ngẽxmagüne —ñanagürü.

1 Chamué 27:12

Rü nüma ga Aquí rü Dabíaxü̃́ nayaxõ rü yemaca̱x ñaxü̃gu Dabímaxã narüxĩnü: —Rü ñu̱xma i ngẽma Iraéanecüã̱xgü rü Dabíchi naxaie, rü ngẽmaca̱x i nüma rü guxü̃gutáma chorü duü̃xü̃ nixĩ —ñaxü̃gu narüxĩnü.

1 Chamué 30:2

Rü yexgumarüxü̃ ta tüxü̃ nigagü ga guxema ingexe rü guxãma ga buxe ga iyaxe ga yéma yexmagüxe. Natürü taxúxexü̃ma nima̱xgü.

Yeremía 41:4

Rü yexguma Guedaríaxü̃ yama̱xgüguarü moxü̃ãcü, rü taxúetama nüxü̃ tacuáchiga ga yema ngupetüxü̃. Rü yema ngunexü̃gu rü Chiquéü̃wa rü Chilówa rü Chamáriawa ne naxĩ ga 80 ga yatügü. Rü nümagü rü marü nügü nidüxchinagugü, rü nügüchirugu nigáugügü rü poraãcü nügü nanapi̱xẽẽgü. Rü yéma nanana ga trigute̱xe rü pumarate̱xe nax Cori ya Tupanana naxãgüãxü̃ca̱x nawa ga guma Tupanapata ga Mispáwa yexmane.