1 Chamué 27:1 - Tupanaarü Ore

¹ Natürü nüma ga Dabí rü ñaxü̃gu narüxĩnü: —Ngexü̃rüü̃xü̃ i ñaa ngunexü̃gügumare i Chaú rü tá choxü̃ nima̱x. Rü ngẽmaca̱x name nixĩ i Firitéugüarü naanewa chaxũ nax tama choxü̃ nachixewexü̃ca̱x i Chaú, rü tama guxü̃ i Iraéanegu cha̱u̱xca̱x nadauxü̃ca̱x. Rü ngẽmaãcü tá naxcha̱xwa chiña —ñaxü̃gu narüxĩnü.

1 Chamué 27:1 Referans Kwoze

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

1 Chamué 23:17

Rü Dabíxü̃ ñanagürü: —Taxuca̱xma cumuü̃ erü chaunatü ya Chaú rü tagutáma cuxü̃ itayangau. Cuma rü tá Iraéanecüã̱xgüarü ãẽ̱xgacü quixĩ, rü choma rü tá cutüü̃wa chaxü. Rü ngẽma rü chaunatü ya Chaú rü marü nüxü̃ tacua̱x —ñanagürü.

Ucu̱xẽgüchiga 13:12

Ngẽma írüngu̱xẽẽxü̃ i tama paxa ínguxü̃, rü poraãcü naxca̱x taxoegaãxẽ, natürü ngẽxguma yanguxgu i ngẽma írüngu̱xẽẽxü̃, rü taãxẽ tüxna naxã.

Wiyaegü 116:11

Rü chorü ĩ̱xãchiãẽgagu rü ñacharügü: —Guxü̃ma i duü̃xü̃gü rü nidorata̱a̱xgü —ñachagürü.

1 Chamué 29:2

Rü yema Firitéugüarü churaragüerugü rü ñu̱xũchi norü churaragü rü 100 gu rü ñu̱xũchi 1,000 gu nügü ininu nax inaxĩãchixü̃ca̱x. Rü nüma ga Dabí rü norü duü̃xü̃gümaxã Aquíweama nixĩxü̃tanü.

1 Chamué 25:30

¡Rü taxṹ i cunada̱i̱xü̃ i duü̃xü̃gü i taxuxü̃ma i chixexü̃ ügüxü̃! Erü ngẽxguma yanguxgu ga yema mexü̃ ga cumaxã naxueguxü̃ ga Cori ya Tupana rü Iraéanecüã̱xgümaxã cuxü̃ inacua̱xẽẽgu, rü taxũtáma cuxü̃́ nangu̱x rü bai tá naxca̱x cungechaü̃ nax cumatama nua cunada̱i̱xü̃ i ngẽma duü̃xü̃gü i taxuxü̃ma i chixexü̃ ügüchiréxü̃. Rü ngẽxguma Cori ya Tupana cuxü̃ rüngü̃xẽẽgu nax ãẽ̱xgacüwa cunguxü̃, rü ¡ẽcü choxna nacua̱xãchi i choma nax cuxü̃taxü̃ chixĩxü̃! —ngĩgürügü.

1 Chamué 22:5

Rü wüxi ga ngunexü̃gu ga Tupanaarü orearü uruxü̃ ga Gáx rü Dabíxü̃ naxuxcu̱xẽ rü ñanagürü: —¡Taxṹ i ngẽma ãxmaxü̃gu curüxã́ũxü̃! ¡Rü Yudáarü naanewa naxũ! —ñanagürü. Rü yemaca̱x ga nüma ga Dabí rü nixũ rü naixnecü ga Érewa nangu.

1 Chamué 16:13

Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

Ínachoxü̃xü̃chiga 14:12

Rü yema nixĩ ga cumaxã nüxü̃ tixugüexü̃ ga Equítuanewa ga yexguma ñatagügu: “Rü nüetama ega Equítuanecüã̱xaxü̃́ tapuracüegu. Rü narümemae toxü̃́ nax norü puracütanüxü̃ nax tixĩgüxü̃ rü tama nuxã ínachianexü̃gu nax tayuemarexü̃”, cumaxã nüxü̃ tixugüexü̃ —ñanagürügü.

2 Corintios 7:5

Rü yexguma Machedóniaanewa tangugügucürüwa rü taguma itarüngügü. Yerü guxü̃wama ga ngexta ítaxĩxü̃wa rü nüxü̃ itayangau ga guxchaxü̃gü. Rü duü̃xü̃gü rü poraãcü toxü̃́ nanaguxchaxẽxẽ rü yemaca̱x poraãcü taxoegaãẽgü.

Ore i mexü̃ ga Márcu ümatüxü̃ 4:40

Rü yemawena ga Ngechuchu rü norü ngúexü̃güxü̃ ñanagürü: —¿Tü̱xcüü̃ ngẽmaãcü poraãcü pemuü̃ẽ? ¿Ẽ̱xna ñu̱xma rü ta tama aixcüma peyaxõgü? —ñanagürü.

Ore i mexü̃ ga Matéu ümatüxü̃ 14:31

Rü yexgumatama ga Ngechuchu rü Pedrume̱xẽgu nayayauxãchi, rü ñanagürü nüxü̃: —Cuma rü írarüwatama cuyaxõ. ¿Rü tü̱xcüü̃ tama aixcüma cuyaxõ? —ñanagürü.

Iraétanüxü̃arü muxchiga 14:3

¿Rü ta̱xacüwa ya Cori ya Tupana i ngẽma nachixü̃anewa tüxü̃ nagagüxü̃ nax ngẽxma daigu iyuexü̃ca̱x, rü taxma̱xgü rü taxacügü rü tórü uanügüme̱xẽgu tayixü̃ca̱x? Rü narümemae nixĩ i Equítuaneca̱x tawoegu —ñanagürügü.

1 Chamué 26:19

Choma i curü duü̃xü̃ nax chixĩxü̃ rü cuxü̃ chaca̱a̱xü̃ Pa Ãẽ̱xgacüx nax choxü̃́ icuxĩnüxü̃. Rü ngẽxguma chi Tupana cuxna ĩnügu, Pa Ãẽ̱xgacüx, nax chomaxã curüxuanüxü̃ca̱x ¡rü nayaxu i chorü ãmare nax chomaxã curüngü̃xmüxü̃ca̱x! Natürü ngẽxguma chi cumatama nagu curüxĩnügu nax chauxchi cuxaixü̃, rü Tupana tá nixĩ ya nüxü̃ cuácü nax cuxü̃́ naxütanüãxü̃ naxca̱x i ngẽma. Yerü cuma nixĩ ga Tupanaarü duü̃xü̃güarü naanewa choxü̃ ícuta̱xüchixü̃ nax ngẽmaãcü togü i tupanagüxü̃ chicua̱xüü̃xü̃ca̱x.

1 Chamué 29:3

Rü Aquína nacagüe ga yema Firitéugüarü churaragüerugü rü ñanagürügü: —¿Ta̱xacü nua naxüe i ñaa Ebréugü? —ñanagürügü. Rü nüma ga Aquí rü nanangãxü̃ rü ñanagürü: —Ñaa nixĩ i Dabí ga Iraéanearü ãẽ̱xgacü ya Chaúarü churaragüeru. Natürü marü ñuxre ya taunecü chauxü̃tawa nangẽxma. Rü yema ngunexü̃gu ga chauxü̃tawa nayexmagucürüwa rü taguma ta̱xacürü chixexü̃ nawa ichayangau —ñanagürü.

1 Chamué 20:3

Natürü ga Dabí rü nüxü̃ nixuchigüama rü ñanagürü: —Curü papa rü meama nüxü̃ tacua̱x nax cuma rü choxü̃ cungechaü̃xü̃ rü ngẽmaca̱x nixĩ i tama cumaxã nüxü̃ tixuxchaü̃xü̃ erü chi tümamaxã cunu. Natürü Cori ya Tupanaégagu rü cuégagutama cumaxã nüxü̃ chixu nax marü choxü̃ yangaicaxü̃ nax chayuxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 12:26

Natürü ga nüma ga Yeruboáü̃ rü ñaxü̃gu narüxĩnü: —Ngẽxguma taũtáma chaxũãẽgu, rü ngürüãchi ngẽma Dabítanüxü̃ rü tá choxü̃ ínata̱xüchigü nax Iraéanecüã̱xarü ãẽ̱xgacü chixĩxü̃.

Nüxíraxü̃xü̃ ga popera ga ãẽ̱xgacügüchiga 12:28

Rü norü ucu̱xẽruü̃güna naca ga yemachiga. Rü yemawena ga nüma ga ãẽ̱xgacü ga Yeruboáü̃ rü taxre ga wocaxacü ga úirunaxca̱x naxüxẽxẽ rü duü̃xü̃güxü̃ ñanagürü: —Pemax, Pa Iraéanecüã̱xgüx, rü wüxi i taxü̃ i guxchaxü̃ nixĩ nax Yerucharéü̃wa pexĩĩxü̃ nax ngéma Tupanapata ya taxü̃newa nüxü̃ peyarücua̱xüü̃güxü̃ca̱x. Rü dücax, ñaa wocaxacüchicüna̱xãgü nixĩ i perü tupanagü ga Equítuanewa pexü̃ ígaxü̃xü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 19:3

Rü nüma ga Ería rü nüxü̃ nicua̱xãchi ga ãũcümaxü̃wa nax nayexmaxü̃, rü yemaca̱x ĩane ga Bechébawa ga Yudáanewa yexmanewa naña. Rü yéma nanata̱x ga guma norü ngü̃xẽẽruxü̃.

Norü taxre ga to ga popera ga ãẽ̱xgacügüchiga ümatüxü̃ 25:17

Natürü nüma ga Amachía ga Yudáanearü ãẽ̱xgacü rü tama inaxĩnü̃chaü̃, rü norü uxcuxẽruü̃güarü ucu̱xẽgu nixũama. Rü yemaca̱x norü duü̃xü̃güxü̃ namu nax Iraéanearü ãẽ̱xgacü ga Yoá ga Yoacá nane ga Yeútaamaxã nüxü̃ yanaxugüxü̃ca̱x ga ñaa ore: —¡Ẽcü ñu̱xma nua naxũ rü yigü tadauxchiwegü! —ñanagürü.

Wiyaegü 55:7

Rü yáxü̃guxü̃ i chianexü̃wa chi chaña rü ngẽxma chi charüxã̱ũ̱x, rü paxa chi chañaãchi nax chaugü ichayarücúxü̃ca̱x na̱xcha̱xwa i ngẽma guxchaxü̃gü i ñoma buanecü ya poraxüchicürüxü̃ cha̱u̱xca̱x ngéma ne ũemaxü̃ —ñachagürü.