1 Chamué 26:8 - Tupanaarü Ore

⁸ Rü yexguma ga Abichái rü Dabíxü̃ ñanagürü: —Ñu̱xma ya Tupana rü cuxü̃́ nanatauxchaxẽxẽ nax cuyamáxü̃ca̱x i curü uanü. Chayama̱xtaxa̱x nixĩ, rü norü wocaemaxã tátama mairaxü̃anewa chayapaitü, rü marü ngẽmamaxã tátama nayu —ñanagürü.

1 Chamué 26:8 Referans Kwoze

1 Chamué 24:4

Rü nüma ga Dabíarü churaragü rü ñanagürügü Dabíxü̃: —Ñu̱xmawaxix nixĩ i yanguxü̃ ga yema uneta ga Cori ya Tupana cumaxã nüxü̃ ixuxü̃ nax cuxme̱xgu nangu̱xẽẽãxü̃ i ngẽma curü uanü. ¡Rü ẽcü yama̱x cuma nagu curüxĩnüxü̃ãcüma! —ñanagürügü. Rü nüma ga Dabí rü naxũãẽãcüma bexma Chaúarü deyuchirupechinüwa íxraxü̃ niwie.

1 Chamué 26:23

¡Rü Tupana tüxü̃́ naxütanü ya wüxíechigü naxca̱x i ngẽma mexü̃ nax taxüxü̃ rü ngẽma nax tixaixcümaxü̃! Rü woo nüma ya Cori ya Tupana rü ñoma i ngunexü̃gu cho̱xme̱xgu cuxü̃ nanguxẽxẽ, Pa Ãẽ̱xgacüx, rü tama cuxü̃ chiima̱x, erü nüma ya Cori ya Tupana nixĩ ga ãẽ̱xgacüxü̃ cuxü̃ naxunetaxü̃.

1 Chamué 23:14

Rü nüma ga Dabí rü yema chianexü̃ ga Chíxwa naxũ, rü yexma ma̱xpǘnearü ãxmaxü̃gügu norü duü̃xü̃gümaxã nicu̱xgü rü yéma nayexmagü. Rü nüma ga Chaú rü guxü̃ma ga ngunexü̃gu naxca̱x nadau, natürü ga Tupana rü Dabína nadau, rü yemaca̱x ga Chaú rü taguma nüxü̃ inayangau.

Ãẽ̱xgacügü ga guxchaxü̃güarü mexẽxẽruü̃gü 1:4

Rü yemaacü wüxigu Canaáü̃tanüxü̃ca̱x rü Ferechéutanüxü̃ca̱x ínayaxüãchi. Rü Tupana nüxü̃ narüngü̃xẽxẽ nax nadaiaxü̃ca̱x ga yema duü̃xü̃gü. Rü ĩane ga Béchexwa nanadai ga 10,000 ga norü uanügü.

Yochué 21:44

Cori ya Tupana rü nayanguxẽxẽ ga norü uneta, rü taãxẽwa nanayexmagüxẽxẽ ga guxü̃wama ga yema naanewa. Rü norü uanügü rü taxuxü̃ma ga ta̱xacürü chixexü̃ namaxã naxüe, yerü Cori ya Tupana rü Iraétanüxü̃me̱xẽgu nanayixẽxẽ ga guxü̃ma ga yema norü uanügü.

Wenaxarü naxümatü ga Tupanaarü mugü 32:30

Rü choma nax Iraétanüxü̃arü poxü̃ruxü̃chire̱x chixĩxü̃ rü ñu̱xma rü norü uanügüaxü̃́ chanatauxchaxẽxẽ nax ngẽmame̱xẽgu nayixü̃ca̱x i ngẽma Iraétanüxü̃. Rü ngẽmaca̱x wüxitama i uanü rü 1,000 i Iraétanüxü̃xü̃ nibuxmüxẽxẽ, rü taxretama i uanügü rü 10,000 i Iraétanüxü̃xü̃ nibuxmüxẽxẽ.

Romanos 11:32

Yerü ga Tupana rü nüxü̃ nadau nax guxü̃ma ga duü̃xü̃gü rü wüxigu chixexü̃wa nayexmagüxü̃, rü tama naga naxĩnüe. Rü yemaca̱x ga Tupana rü wüxigu nüxü̃́ nangechaü̃tümüü̃gü i guxü̃ma i duü̃xü̃gü.

Naúü̃ 1:9

¿Rü ta̱xacürü chixexü̃ nixĩ i Cori ya Tupanape̱xewa nagu perüxĩnüexü̃? Rü nüma rü noxtacüma tá inayanaxoxẽxẽ i ngẽma nagu perüxĩnüexü̃. Rü ngẽxma tá nayacua̱x nax namaxã perüxuanügüxü̃.

Wiyaegü 31:8

Cuma rü taxũtáma chorü uanüme̱xẽgu choxü̃ cunguxẽxẽ. Rü cha̱u̱xca̱x cunamexẽxẽ i wüxi i nachica i taxucürüwama nawa choxna nangugüxü̃.

1 Chamué 26:7

Rü yematama chütaxü̃gu ga Dabí rü Abichái rü yéma Chaú íyexmaxü̃wa naxĩ. Rü nüma ga Chaú rü norü churaragüarü ngãxü̃tanügu nape rü norü wocae rü naeruxü̃taguama napu. Rü nüma ga Abnéx rü norü churaragümaxã nüxü̃ ínacamaeguãchi.

1 Chamué 26:9

Natürü nüma ga Dabí rü nanangãxü̃ rü ñanagürü: —¡Taxṹ i cuyamáxü̃! Erü texé ya yíxema yamáxe i ngẽma ãẽ̱xgacü ya Tupana nüxü̃ unetaxü̃, rü Tupana rü taxũtáma nanangupetüxẽẽmare nax tüxü̃ napoxcuxü̃.

2 Chamué 16:9

Rü yexguma ga Abichái ga Cheruiá nane rü ãẽ̱xgacü ga Dabíxü̃ ñanagürü: —Pa Ãẽ̱xgacüx ¿tü̱xcüü̃ taxu ñacurügümare nüxü̃ i ñaa yatü i tama naãxẽxü̃ cuáxü̃ nax ta̱xacü cumaxã yaxugüxü̃? ¡Rü choxü̃ namu nax chayadaeeruxü̃ca̱x! —ñanagürü.

Yeremía 40:15

Rü ñu̱xũchi Caréa nane ga Yoanáü̃ rü bexma Guedaríaxü̃ ñanagürü: —¡Choxü̃ namu nax ngéma chaxũxü̃ca̱x rü Ismaéxü̃ chimáxü̃ca̱x! Rü taxúetama nüxü̃ tacua̱x nax texé yamáxü̃. ¿Rü tü̱xcüü̃ tá nüxü̃́ tanatauxchaxẽxẽ nax cuxü̃ yamáxü̃? Rü ngẽxguma cuxü̃ yama̱xgu rü wena tá nawoone i guxü̃ma i ngẽma duü̃xü̃gü i ñu̱xma cuxme̱xwa ngẽxmagüxü̃, rü yexera tá guxchaxü̃wa nangẽxmagü i ngẽma duü̃xü̃gü i ñu̱xma Yudáanewa yaxügüxü̃ —ñanagürü

1 Chamué 24:5

Natürü ga yixcüama ga Dabí rü poraãcü nüxü̃́ nangu̱x ga yema naxüxü̃.