1 Chamué 26:25 - Tupanaarü Ore

²⁵ Rü yexguma nüma ga Chaú rü tagaãcü ñanagürü: —¡Tupana cuxü̃ rüngü̃xẽxẽ, Pa Chaunex, Pa Dabíx! Cuma rü tá taxü̃ i mexü̃ cuxü, rü guxü̃watáma mea cuxü̃́ ínanguxuchi —ñanagürü. Rü yemawena ga Chaú rü nachiü̃ca̱x nataegu. Rü nüma ga Dabí rü nixũchigüama.

1 Chamué 26:25 Referans Kwoze

Ucu̱xẽgüchiga 26:25

Tama name i nüxü̃́ cuyaxõ i ngẽxguma ngechaü̃gaxãcü cumaxã yadexa̱xgu, erü norü ĩnüwa rü chixexü̃gu cumaxã narüxĩnü.

1 Chamué 24:19

Rü aixcüma nixĩ i nataxuxü̃ma i duü̃xü̃ i tama norü uanüxü̃ imáxü̃ ega naxme̱xgu nanguxgu. Rü ngẽmaca̱x ¡Tupana cuxü̃́ naxütanü naxca̱x i ngẽma mexü̃ i ñu̱xma cha̱u̱xca̱x cuxüxü̃!

Naanearü ügüchiga 32:28

Rü yexguma ga yema duü̃xü̃ ga nügü namaxã inawogüxü̃, rü ñanagürü nüxü̃: —Ñu̱xmawena rü marü taxũtáma Acóbu nixĩ i cuéga. Rü Iraé tá nixĩ i cuéga i ñu̱xmax, erü Tupanamaxã rü duü̃xü̃gümaxã cugü icuwogü rü curüporamae —ñanagürü.

Romanos 8:37

Natürü woo guxü̃ma i ngẽma tüxü̃ nax ngupetüxü̃, rü Ngechuchu ya Cristu ya tüxü̃ ngechaü̃cü, rü tüxü̃ naporaexẽẽãma nax taxuxü̃ma i guxchaxü̃gü tüxü̃ rüyexeraxü̃ca̱x.

Romanos 8:35

¿Rü ñu̱xma rü ta̱xacü tá Cristuna tüxü̃ ixĩgachixẽẽxü̃ nax tama tüxü̃ nangechaü̃xü̃ca̱x? Rü Cristu rü taxũtáma nüxü̃ narüchau nax tüxü̃ nangechaü̃xü̃ woo ngúxü̃ ingegügu, rüe̱xna guxchaxü̃gü tüxü̃́ ngẽxmagu, rüe̱xna duü̃xü̃gü Cristugagu taxchi aiegu, rüe̱xna itaiyaegu, rüe̱xna ingexchirugügu, rüe̱xna ãũcümaxü̃wa ingẽxmagügu, rüe̱xna duü̃xü̃gü tüxü̃ daixchaü̃gu.

Ochéa 12:4

Rü nüma ga Acóbu rü Tupanaarü duü̃xü̃ ga daxũcüã̱xmaxã nügü nawogü, rü Acóbu narüporamae. Rü nüma ga Acóbu rü naxaxu rü Tupanaarü ngü̃xẽẽca̱x ínaca. Rü Tupana rü Betégu Acóbuxü̃ nangau, rü yéma Acóbumaxã nidexa.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.

1 Chamué 24:22

Rü nüma ga Dabí rü Tupanaégagu Chaúmaxã inaxuneta. Rü yemawena ga nüma ga Chaú rü napataca̱x nataegu. Rü nüma ga Dabí rü norü churaragümaxã wenaxarü yema nagu yacu̱xgüxü̃ ga ma̱xpǘnearü ãxmaxü̃wa naxũ.

1 Chamué 24:20

Rü ñu̱xma nixĩ i aixcüma nüxü̃ chacuáxü̃ nax cuma tá yixĩxü̃ i Iraéanecüã̱xgüarü ãẽ̱xgacü quixĩxü̃. Rü cuma tá nixĩ i namaxã icucuáxü̃, rü cuxme̱xwa mea tá Iraéanecüã̱xgüxü̃ nangupetü.