1 Chamué 26:23 - Tupanaarü Ore

²³ ¡Rü Tupana tüxü̃́ naxütanü ya wüxíechigü naxca̱x i ngẽma mexü̃ nax taxüxü̃ rü ngẽma nax tixaixcümaxü̃! Rü woo nüma ya Cori ya Tupana rü ñoma i ngunexü̃gu cho̱xme̱xgu cuxü̃ nanguxẽxẽ, Pa Ãẽ̱xgacüx, rü tama cuxü̃ chiima̱x, erü nüma ya Cori ya Tupana nixĩ ga ãẽ̱xgacüxü̃ cuxü̃ naxunetaxü̃.

1 Chamué 26:23 Referans Kwoze

Neemía 13:14

¡Pa Chorü Tupanax, nüxna nacua̱xãchi i guxü̃ma i ngẽma chaxüxü̃! Rü tama name i nüxü̃ curüngü̃ma i guxü̃ma i ngẽma mexü̃ i cupata ya taxü̃neca̱x rü curü cua̱xüxü̃ca̱x chaxüxü̃.

1 Chamué 26:11

¡Rü Cori ya Tupana choxü̃ rüngü̃xẽxẽ nax tama nagu charüxĩnüxü̃ca̱x nax chayamáxü̃ ya yimá ãẽ̱xgacü ya nümatama ya Cori ya Tupana nüxü̃ unetacü! ¡Rü nayaxu ya yimá wocae ya naeruxü̃tagu puxcü rü ngẽma dexápáxü̃, rü ngĩxã ítixĩ! —ñanagürü.

1 Chamué 26:9

Natürü nüma ga Dabí rü nanangãxü̃ rü ñanagürü: —¡Taxṹ i cuyamáxü̃! Erü texé ya yíxema yamáxe i ngẽma ãẽ̱xgacü ya Tupana nüxü̃ unetaxü̃, rü Tupana rü taxũtáma nanangupetüxẽẽmare nax tüxü̃ napoxcuxü̃.

1 Chamué 24:12

Rü Tupana nixĩ ya nüxü̃ cuácü nax texe tixĩxü̃ i ngẽma chixexü̃gu rüxĩnüxü̃. Rü ñu̱xma nax choxü̃ quimáxchaü̃xü̃ rü nüma nixĩ i nüxü̃ nacuáxü̃ i ta̱xacü tá cumaxã naxueguxü̃. Natürü i chomax, Pa Ãẽ̱xgacüx, rü tagutáma ta̱xacürü chixexü̃ cumaxã chaxü.

1 Chamué 24:18

Rü ñu̱xma rü aixcümaxü̃chi choxü̃ cunawe̱x nax cuma rü naxca̱x cudauxü̃ nax mexü̃ chomaxã cuxüxü̃. Erü nüma ya Cori ya Tupana rü marü cuxme̱xgu choxü̃ nangu̱xẽẽchire̱x, natürü tama choxü̃ quima̱x.

1 Chamué 24:19

Rü aixcüma nixĩ i nataxuxü̃ma i duü̃xü̃ i tama norü uanüxü̃ imáxü̃ ega naxme̱xgu nanguxgu. Rü ngẽmaca̱x ¡Tupana cuxü̃́ naxütanü naxca̱x i ngẽma mexü̃ i ñu̱xma cha̱u̱xca̱x cuxüxü̃!

1 Chamué 26:22

Rü nüma ga Dabí rü nanangãxü̃, rü ñanagürü: —Daa nixĩ ya curü wocae, Pa Ãẽ̱xgacüx ¡rü wüxi i curü duü̃xü̃ nua ũx nax yayauãxü̃ca̱x!

2 Chamué 22:21

Rü nüma ga Cori rü choxü̃́ nanaxütanü yerü aixcüma mexü̃ chaxü rü nacümagu chixũ rü taguma nüxna chixũgachi ga chorü Tupana.

1 Chamué 24:11

¡Rü dücax, mea nuxã nadawenü, Pa Ãẽ̱xgacüx, i ñaa cho̱xme̱xwa ngẽxmaxü̃! ¿Tama ẽ̱xna curü gáuxü̃chirutüchi yixĩxü̃ i ñaa? Rü ngẽmawa nüxü̃ cucua̱x nax marü chi cuxü̃ nax chimáxü̃. Rü ngẽmawa nüxü̃ cucua̱x, Pa Ãẽ̱xgacüx, nax taxuxü̃ma i chixexü̃ cumaxã chaxüxchaü̃xü̃, rü tama chanaxwa̱xexü̃ nax chacuechitaexü̃ rü bai i ñuxgu ta̱xacürü chixexü̃ cumaxã chaxüxü̃. Natürü i cumax, Pa Ãẽ̱xgacüx, rü chowe quingechigü nax choxü̃ quimáxü̃ca̱x.

2 Chamué 22:25

Rü nüma ga Cori ya Tupana rü choxü̃́ nanaxütanü naxca̱x ga yema mexü̃ ga chaucüma ga nape̱xewa ichawéxü̃.

Yox 34:11

Rü nüma ya Tupana rü ngẽma taxüxü̃ãcüma tüxü̃́ nanaxütanü ya wüxíechigü. Rü yíxema mexü̃ üxe rü mexü̃maxã tüxü̃́ nanaxütanü rü yíxema chixexü̃ üxe rü poxcumaxã tüxü̃́ nanaxütanü.