1 Chamué 26:19 - Tupanaarü Ore

¹⁹ Choma i curü duü̃xü̃ nax chixĩxü̃ rü cuxü̃ chaca̱a̱xü̃ Pa Ãẽ̱xgacüx nax choxü̃́ icuxĩnüxü̃. Rü ngẽxguma chi Tupana cuxna ĩnügu, Pa Ãẽ̱xgacüx, nax chomaxã curüxuanüxü̃ca̱x ¡rü nayaxu i chorü ãmare nax chomaxã curüngü̃xmüxü̃ca̱x! Natürü ngẽxguma chi cumatama nagu curüxĩnügu nax chauxchi cuxaixü̃, rü Tupana tá nixĩ ya nüxü̃ cuácü nax cuxü̃́ naxütanüãxü̃ naxca̱x i ngẽma. Yerü cuma nixĩ ga Tupanaarü duü̃xü̃güarü naanewa choxü̃ ícuta̱xüchixü̃ nax ngẽmaãcü togü i tupanagüxü̃ chicua̱xüü̃xü̃ca̱x.

1 Chamué 26:19 Referans Kwoze

2 Chamué 20:19

Rü daa torü ĩane rü Iraéanearü ĩanegütanüwa rü wüxi ya ĩane ya tama daigu rüxĩnüne nixĩ, rü mexü̃gu rüxĩnüne nixĩ. Rü wüxi ya ĩane ya poraãcü tachigane nixĩ. Natürü cuma rü nagu curüxĩnü nax cunada̱i̱xü̃ i norü duü̃xü̃gü. ¿Tü̱xcüü̃ icuyanaxoxẽẽchaü̃ ya daa Cori ya Tupanaarü ĩane? —ngĩgürügü.

2 Chamué 16:11

Rü nüma ga Dabí rü yexgumatama Abicháixü̃ rü guxü̃ma ga norü churaragüeruxü̃ ñanagürü: —Rü ñu̱xma nax chaunetamachire̱x choxü̃ imáxchaxü̃xü̃ rü yexera ñaa yatü i Bẽyamíü̃tanüxü̃ nüxü̃́ nangẽxma i ta̱xacüca̱x choxü̃ yamáxchaü̃xü̃. Rü nüetama nax ta̱xacü chomaxã yaxugüxü̃. Rü bexmana woetama ngẽmaãcü nixĩ i Cori ya Tupana namuxü̃.

2 Chamué 14:16

Rü ngẽxguma, Pa Ãẽ̱xgacüx, cuma choxü̃ curüngü̃xẽẽgu, rü tá naxme̱xwa toxü̃ ícunguxü̃xẽxẽ i ngẽma chaunexü̃ rü choxü̃ rüxoxẽẽchaü̃xü̃ i ñaa Tupanaarü naanewa.

Wiyaegü 120:5

Rü chaugümaxã changechaü̃ erü natanüwa changexma i ngẽma Méchecüã̱xgü. Rü ngẽma Quedáxtanüxü̃ ínaxãchiü̃güxü̃gu chamaxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:1

Rü nüma ga Chataná rü Iraéanecüã̱xgümaxã nanu, rü yemaca̱x Dabíãẽwa ínananguxẽxẽ nax Iraéanecüã̱xgüxü̃ yaxugüxü̃ca̱x.

1 Chamué 18:10

Rü moxü̃ãcü ga Tupana rü Chaúca̱x yéma nanamu ga naãxẽ ga chixexü̃ rü nüxna nangu. Rü nüma ga Chaú rü ñoma naxãũãẽxü̃rüxü̃ nixĩ ga gumá ãẽ̱xgacüpatawa. Rü yexguma ga Dabí rü norü árpa napaxü to ga ngunexü̃gurüxü̃. Rü nüma ga Chaú rü norü wocae nange.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Norü taxre ga popera ga Timutéuca̱x naxümatüxü̃ ga Pauru 4:14

Areyándru i buetare i cobrenaxca̱xarü üwa puracüxü̃ rü poraãcü guxchaxü̃ cha̱u̱xca̱x ínanguxẽxẽ. Natürü Tupana rü tá nüxü̃ nanaxütanü naxca̱x ga yema chixexü̃ ga naxüxü̃.

Gálatas 5:12

Natürü ngẽma duü̃xü̃gü i pexü̃ chixeãẽgüxü̃ rü pexü̃ ucu̱xẽgüxü̃ nax pegü ípewíü̃cha̱xmüü̃pe̱xechiraü̃xü̃ca̱x, rü ¿tü̱xcüü̃ ẽ̱xna i nümagü i taxũ noxtacüma nügü yacaugüpü̱xücharexexü̃ ta?

Romanos 14:15

Rü ngẽxguma ngẽma cungṍxü̃gagu tümaãẽwa cunangu̱xẽẽ̱xgu ya cuenexẽ, rü cumaxã nüxü̃ chixu rü tama name i ngẽmagagu chixexü̃gu tüxü̃ cungu̱xẽxẽ rü tüxü̃ icuyarütauxẽxẽ ya yíxema cuenexẽ ya Cristu tümaca̱x yuxe.

Ichaía 60:5

Rü ngẽxguma ngẽmaxü̃ pedaugügu rü tá poraãcü petaãẽgü rü taãẽmaxã tá penapagü. Rü ngẽma márpechinüwa ngẽxmagüxü̃ i nachixü̃anegücüã̱x rü tá pexca̱x ngéma nanana i norü ngẽmaxü̃gü.

Ucu̱xẽgüchiga 30:10

Tama name i norü coripe̱xewa chixri nachiga quidexa i norü mugüruxü̃. Erü nüma i norü cori, rü ngürüãchi tá chixexü̃ cumaxã naxuegu, rü ngẽmagagu tá ngúxü̃ quinge.

Nüxíraxü̃xü̃ ga popera ga ãẽ̱xgacügüchiga 22:22

Rü nüma ga yema daxũcüã̱x rü Tupanaxü̃ nangãxü̃ rü ñanagürü: “Choma rü tá doramare i ore naãxẽwa changu̱xẽxẽ i guxü̃ma i ngẽma Acáxarü orearü uruü̃gü”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

2 Chamué 24:1

Cori ya Tupana rü wenaxarü Iraétanüxü̃arü chixexü̃gagu nanu. Rü yemaca̱x ga nüma ga Tupana rü Dabíãẽwa nananguxẽxẽ nax Iraécüã̱xgüca̱x guxchaxü̃ ínanguxẽẽxü̃. Rü Dabíxü̃ namu nax yaxugügüãxü̃ca̱x ga guxü̃ma ga duü̃xü̃gü ga Iraéanewa rü Yudáanewa yexmagüxü̃.

1 Chamué 25:24

Rü ñu̱xũchi Dabícutügu iyaca rü ngĩgürügü nüxü̃: —Pa Chorü Corix, ñaa guxchaxü̃ rü chowa nangẽxma, rü ngẽmaca̱x cuxna naxca̱x chaca nax choxü̃́ icurüxĩnüxü̃ i ngẽma cumaxã nüxü̃ chixuxchaü̃xü̃.

Lebítanüxü̃arü puracüchiga 26:31

Rü tá nagu chipogügü i perü ĩanegü rü nachitaxü̃güxica tá ngéma nayaxügü. Rü ngẽxgumarüxü̃ tá ta nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxũtáma namaxã chataãxẽ i naema i ngẽma pumarate̱xe i cha̱u̱xca̱x pigugüxü̃.

Naanearü ügüchiga 44:18

Rü yexguma ga Yudá rü Yúcheca̱x nixũ, rü ñanagürü nüxü̃: —Pa Chorü Corix, rü cuxü̃ chaca̱a̱xü̃ nax cuxicatama cumaxã nüxü̃ chixuxü̃ i wüxi i ore. ¡Rü taxṹ i chomaxã cunuxü̃, erü nüxü̃ chacua̱x nax cuma rü marü Faraóü̃rüü̃tama quixĩxü̃!

1 Chamué 24:9

Rü ñanagürü nüxü̃: —¿Tü̱xcüü̃ i naga cuxĩnüxü̃, Pa Ãẽ̱xgacüx, i ngẽma duü̃xü̃gü i cumaxã nüxü̃ ixuxü̃ nax choma rü naxca̱x chadauxü̃ nax cuxü̃ chimáxü̃?

1 Chamué 27:1

Natürü nüma ga Dabí rü ñaxü̃gu narüxĩnü: —Ngexü̃rüü̃xü̃ i ñaa ngunexü̃gügumare i Chaú rü tá choxü̃ nima̱x. Rü ngẽmaca̱x name nixĩ i Firitéugüarü naanewa chaxũ nax tama choxü̃ nachixewexü̃ca̱x i Chaú, rü tama guxü̃ i Iraéanegu cha̱u̱xca̱x nadauxü̃ca̱x. Rü ngẽmaãcü tá naxcha̱xwa chiña —ñaxü̃gu narüxĩnü.

2 Chamué 21:3

Dabí rü yema Gabaóü̃cüã̱xgüna naca rü ñanagürü: —¿Ta̱xacü penaxwa̱xe nax pexca̱x chanaxüxü̃? ¿Ñuxãcü tá chanamexẽxẽxü̃ ga yema chixexü̃ ga Chaú pemaxã üxü̃ nax ngẽmaãcü i pema rü mexü̃ tomaxã pexueguxü̃ca̱x i toma i Cori ya Tupanaarü duü̃xü̃gü? —ñanagürü.

Iraétanüxü̃arü muxchiga 36:7

Rü ngẽma naane i Iraéanewa wüxíechigüarü ixĩxü̃ rü taxucürüwa totücumüna naxüe. Rü ngẽmaca̱x i guxü̃ma i Iraétanüxü̃ rü nanaxwa̱xe nax nüxna nadaugüxü̃ i ngẽma naane i norü o̱xigütücumüwa nüxna naxãgüxü̃.

Iraétanüxü̃arü muxchiga 36:9

Rü ngẽma naane i nanatü nüxna ãxü̃ rü taxuxü̃táma totücumüme̱xẽwa naxüe. Rü wüxichigü i Iraétücumü rü nanaxwa̱xe nax nüxna nadaugüxü̃ i ngẽma naane i nüxna ixüchigüxü̃ —ñanagürü.

2 Chamué 16:10

Natürü nüma ga ãẽ̱xgacü rü nanangãxü̃ rü ñanagürü: —Ñaa rü tama perü guxcha nixĩ, Pa Cheruiá Nanegüx. Rü ngẽxguma Tupanaarü mu yixĩxgu nax ta̱xacü chomaxã yaxugüxü̃ rü ¿texé tá tixĩ ya nüxna naxca̱x caxe i ngẽma inaxüxü̃? —ñanagürü.

Wiyaegü 20:4

¡Rü Cori ya Tupana cuxna nanaxã i ngẽma cuma cunaxwa̱xexü̃, rü nüma cuxü̃ nangüxẽxẽ nax yanguxü̃ca̱x i guxü̃ma i ngẽma nagu curüxĩnüxü̃!