1 Chamué 26:12 - Tupanaarü Ore

¹² Rü yemaacü ga Dabí rü nanayaxu ga gumá wocae rü dexápáxü̃ ga Chaúeruxü̃tagu nuxü̃, rü ínixĩ. Rü taxuxü̃ma nüxü̃ nadau rü bai nüxü̃ naxĩnü. Rü taxuxü̃ma naba̱i̱xãchi. Rü guxü̃ma napeexüchi, yerü Cori ya Tupana nanapeexẽẽxüchi.

1 Chamué 26:12 Referans Kwoze

Naanearü ügüchiga 2:21

Rü yemaca̱x ga Tupana rü poraãcü nanapexẽxẽ ga gumá yatü. Rü yexguma napeyane rü nanayaxu ga wüxi ga naga, rü wenaxarü nayaxẽxẽxẽ ga namachi.

Naanearü ügüchiga 15:12

Rü yexguma noxri nachütagu ga Abráü̃ rü yéma poraãcü nipeãchi. Rü ínapeyane, rü ngürüãchi wüxi ga waanexü̃ yexma nangu, rü yemaca̱x poraãcü namuü̃.

Ichaía 29:10

Rü ngẽmaca̱x i nüma ya Cori ya Tupana rü yaxta i poraxü̃ pexca̱x ngéma namu. Rü ngẽma perü orearü uruü̃güchire̱x nixĩ i pemaxã icua̱xgüxü̃. Natürü tama aixcüma pemaxã nüxü̃ nixugüe i ngẽma tá pexü̃ ngupetüxü̃, erü nüma ya Cori ya Tupana rü düxwa nayatüxetü nax tama nüxü̃ nacua̱xgüxü̃ca̱x.

Ester 6:1

Rü yema chütaxü̃gu ga ãẽ̱xgacü rü tama nape rü inadauecha. Rü yemaca̱x naxca̱x nangema ga yema napane ga nagu naxümatüxü̃ ga guxü̃ma ga yema ãẽ̱xgacü üxü̃ nax naxca̱x nüxü̃ nadaumatügüxü̃ca̱x.

1 Chamué 26:7

Rü yematama chütaxü̃gu ga Dabí rü Abichái rü yéma Chaú íyexmaxü̃wa naxĩ. Rü nüma ga Chaú rü norü churaragüarü ngãxü̃tanügu nape rü norü wocae rü naeruxü̃taguama napu. Rü nüma ga Abnéx rü norü churaragümaxã nüxü̃ ínacamaeguãchi.

1 Chamué 24:4

Rü nüma ga Dabíarü churaragü rü ñanagürügü Dabíxü̃: —Ñu̱xmawaxix nixĩ i yanguxü̃ ga yema uneta ga Cori ya Tupana cumaxã nüxü̃ ixuxü̃ nax cuxme̱xgu nangu̱xẽẽãxü̃ i ngẽma curü uanü. ¡Rü ẽcü yama̱x cuma nagu curüxĩnüxü̃ãcüma! —ñanagürügü. Rü nüma ga Dabí rü naxũãẽãcüma bexma Chaúarü deyuchirupechinüwa íxraxü̃ niwie.

1 Chamué 26:13

Rü yemawena ga Dabí rü namücü rü yema doxonexü̃arü tocutüwa naxĩ rü wüxi ga ma̱xpǘnetape̱xegu naxĩgü, rü yemaacü nüxna niyáxü̃tanüãchi.