1 Chamué 25:3 - Tupanaarü Ore

³ Rü yema yatü rü Nabáx nixĩ ga naéga rü Caréxtanüxü̃ nixĩ. Rü nüma rü tama cua̱x nüxü̃́ nayexma rü nachixecüma. Natürü ngĩma ga naxma̱x ga Abigái rü imexẽchi rü cua̱x ngĩxü̃́ nayexma.

1 Chamué 25:3 Referans Kwoze

Ucu̱xẽgüchiga 14:1

Ngẽma nge i ngĩãẽxü̃ cua̱xcü, rü mea namaxã icua̱x ya ngĩpata. Natürü ngẽma ngexü̃ i tama naãẽxü̃ cuáxü̃, rü nümatama nanachixexẽxẽ ya napata.

Ucu̱xẽgüchiga 31:10

Tama natauxcha nax ngĩxü̃ iyarünga̱u̱xü̃ i wüxi i nge i aixcüma ngĩãẽxü̃ cua̱xcü. Ngĩma rü ñoma nutaacügü ya ngã̱xãẽruü̃arü yexera iyixĩ nax namexẽchixü̃.

Wiyaegü 10:3

Rü ngẽma chixexü̃ i duü̃xü̃ rü norü ngẽmaxü̃gümaxã nügü nicua̱xüxü̃. Rü ngẽma duü̃xü̃ i nügüna nanuxũchixü̃ i diẽru, rü Cori ya Tupanaxü̃ naxo.

Ucu̱xẽgüchiga 31:26

Ngẽxguma yadexaxgu rü ngĩãẽxü̃ nacuáãcüma iyadexa. Rü nangechaü̃ãcüma duü̃xü̃güxü̃ ingúexẽxẽ.

1 Chamué 25:17

Natürü yimá cute rü nachixecümaxü̃chi rü ngẽmaca̱x taxuacüma texé mea namaxã tidexa. ¡Rü nagu rüxĩnü nax ta̱xacü tá cuxüxü̃! Erü aixcüma tá cuteca̱x rü guxü̃ma i natanüxü̃ca̱x ínayagoõchi i Dabí —ñanagürü ngĩxü̃.

1 Chamué 30:14

Natürü naxü̃pa ga nax chida̱xawexü̃ rü Queretéugüarü naane i súrwaama ngẽxmaxü̃wa taxĩ rü tanadeãcu. Rü yexgumarüxü̃ ta tanadeãcu ga Yudátanüxü̃arü naanewa rü Caréxtanüxü̃arü naanewa. Rü ñu̱xũchi tayagu ya yima ĩane ya Chicáx —ñanagürü.

Yochué 15:13

Rü nüma ga Yochué rü Yudátanüxü̃arü naanewa nixĩ ga Caréx ga Yeponé nanena tanaxãxü̃ ga naane. Yerü yemaacü nixĩ ga Cori ya Tupana ga namuaxü̃. Rü guma ĩane ga nüxna naxãxü̃ne nixĩ ga Quiriáx-abá. Rü to ga naéga nixĩ ga Ebróü̃. Rü noxri guma nixĩ ga Anáxarü ĩane ga taxü̃ne ga nawa nayexmagüne ga nataagü.

1 Chamué 25:4

Rü yexguma Dabí yema chianexü̃wa nayexmagu, rü nüxü̃ nacua̱x nax Nabáx rü ĩane ga Carméxwa norü carnéru tüxü̃ ínayoü̃ta̱xaxü̃. Rü nüma ga Dabí rü 10 ga norü duü̃xü̃güxü̃ yéma namugü nax naégagu Nabáxü̃ yanamõxẽgüxü̃ca̱x namaxã ga ñaa ore: —¡Nayaxu, Pa Chauenexẽx, i ñaa chorü moxẽ!

Naanearü ügüchiga 12:11

Rü yexguma marü Equítuanewa nanguxchaü̃gu ga Abráü̃ rü naxma̱x ga Charáixü̃ ñanagürü: —Dücax, choma rü nüxü̃ chacua̱x rü wüxi i nge i mechametüxüchicü quixĩ.

1 Chamué 25:25

¡Rü taxṹ i naga cuxĩnüxü̃ i Nabáx erü wüxi i yatü i chixexü̃ i nacümagü nüxü̃́ ngẽxmaxü̃ nixĩ! Rü ngẽma naégatama rü nüxü̃ nixu nax tama naãẽxü̃ nacuáxü̃. Choma i cuxü̃taxü̃ nax chixĩxü̃ rü tama nüxü̃ chadau ga yema curü duü̃xü̃gü ga yéma Nabáxü̃tawa cumugüxü̃.

Ucu̱xẽgüchiga 19:14

Ngẽxguma nayu̱xgu i tórü papa rü tórü mama, rü tüxna naxǘ ya ĩpata rü ngẽmaxü̃gü. Natürü ngẽma ãmare ya Tupana tüxna ãxü̃ nixĩ i taxma̱x i aixcüma ngĩãẽxü̃ cua̱xcü.