1 Chamué 25:1 - Tupanaarü Ore

¹ Rü nüma ga Chamué rü nayu. Rü yexguma nayu̱xgu rü guxü̃ma ga Iraéanecüã̱xgü rü naxĩtaque̱xe rü naxauxe. Rü napatagu nanata̱xgü ga ĩane ga Ramáwa. Rü yemawena ga Dabí rü yema chianexü̃ ga Paráü̃wa naxũ.

1 Chamué 25:1 Referans Kwoze

1 Chamué 28:3

Rü yexguma ga Chamué rü marü nayu, rü guxü̃ma ga Iraéanecüã̱xgü rü naxca̱x naxauxe. Rü yemawena rü guma ĩane ga nagu nabuxü̃ne ga Ramágu nanata̱xgü. Rü nüma ga Chaú rü ü̃paacü marü ínanawoxü̃ ga guxü̃ma ga yema ẽxü̃guxü̃xü̃ cua̱xgüxü̃ rü yema yuetaãẽgüca̱x ngẽmagüxü̃.

Wenaxarü naxümatü ga Tupanaarü mugü 34:8

Rü nüma ga Iraétanüxü̃ rü 30 ga ngunexü̃ naxca̱x naxauxe ga Moáanearü chianexü̃wa, rü yemaacü nayanguxẽẽgü ga nax naxaurexü̃ naxca̱x ga Moichéarü yu.

Iraétanüxü̃arü muxchiga 20:29

Rü yexguma Iraétanüxü̃ nüxü̃ icua̱xãchitanügu nax marü nayuxü̃ ga Aróü̃, rü 30 ga ngunexü̃ nangechaü̃gü rü naxca̱x naxauxe.

Norü taxre ga to ga popera ga ãẽ̱xgacügüchiga ümatüxü̃ 33:20

Rü yexguma nayu̱xgu rü napata ga nawa ãẽ̱xgacü yixĩxü̃neã̱xtügu nanata̱xgü. Rü nawena rü nane ga Amóü̃ ãẽ̱xgacüxü̃ ningucuchi.

Ngechuchuarü ngúexü̃gü ga yamugüxü̃arü puracüchiga 8:2

Rü ñuxre ga yatügü ga meama Tupanaaxü̃́ yaxõgüxü̃ rü nanayauxgü ga Estébaü̃xü̃ne, rü inanata̱xgü rü poraãcü naxca̱x naxauxe.

Iraétanüxü̃arü muxchiga 10:12

Rü yema Iraétanüxü̃ rü inaxĩãchi ga Chinaíarü chianexü̃wa ñu̱xmata Paráü̃arü chianexü̃wa nangugü. Rü nüma ga caixanexü̃ rü yéma nayachaxãchi.

Nüxíraxü̃xü̃ ga popera ga ãẽ̱xgacügüchiga 2:34

Rü yexguma ga Benaía rü Yoáxü̃tawa naxũ rü nayama̱x. Rü ñu̱xũchi guma Yoáxpata ga chianexü̃wa yexmanewa nanange ga naxü̃ne, rü yexma nayata̱xgü.

Iraétanüxü̃arü muxchiga 13:3

Rü nüma ga Moiché rü yema chianexü̃ ga Paráü̃gu ãégaxü̃wa inanamuãchitanü ga yema ãẽ̱xgacügü yematama Tupana namaxã nüxü̃ ixuxü̃rüxü̃. Rü guxü̃ma ga yema 12 rü Iraétanüxü̃arü ãẽ̱xgacügü nixĩgü.

Ichaía 14:18

Rü guxü̃ma i ngẽma ñoma i naanecüã̱x i nachixü̃anearü ãẽ̱xgacügü rü ngẽxguma nayuegu rü mexẽchixü̃ i naxmaxü̃gu i woetama naxca̱x ixĩxü̃gu nayanaxücuchigü.

Wiyaegü 120:5

Rü chaugümaxã changechaü̃ erü natanüwa changexma i ngẽma Méchecüã̱xgü. Rü ngẽma Quedáxtanüxü̃ ínaxãchiü̃güxü̃gu chamaxü̃.

1 Chamué 7:17

Rü ñu̱xũchi norü ĩane ga Ramáca̱x nataeguü̃xü̃, yerü yexma nixĩ ga naxãchiü̃xü̃. Rü yéma nixĩ ga Iraéanecüã̱xgümaxã inacuáxü̃. Rü yexma nanaxü ga Cori ya Tupanaarü ãmarearü guruxü̃ ga nawa naxü̃nagü ínaguxü̃.

Iraétanüxü̃arü muxchiga 12:16

Rü yexguma María wena natanüwa ũxgu, rü inaxĩãchi ga Acheróxwa. Rü chianexü̃ ga Paráü̃gu nayapexgü.

Naanearü ügüchiga 50:11

Rü yexguma yema Canaáü̃anecüã̱x ga yexma ãchiü̃güxü̃ nüxü̃ daugügu ga yema ngechaü̃arü ngutaque̱xe ga yéma naxügüxü̃, rü ñanagürügü: —Ngẽma Equítuanecüã̱xgü rü nüxü̃́ nayu i wüxi i duü̃xü̃ i tachigaxü̃ —ñanagürügü. Rü yemaca̱x Abé-mirayíü̃gu nanaxüéga ga yema nachica ga Yudáü̃arü éstewaama yexmaxü̃.

Naanearü ügüchiga 14:6

Rü Cheíarü ma̱xpǘneanegu nayadai ga Oréutanüxü̃, rü ñu̱xũchi nawe nangegü ñu̱xmata nawa nangugü ga Paráü̃arü doonexü̃ ga taxúema íxãpataxü̃arü ngaicamawa yexmaxü̃.

Norü taxre ga popera ga ãẽ̱xgacügüchiga 21:18

Rü yexguma nayu̱xgu ga Manaché, rü ãẽ̱xgacüpataã̱xtü ga Uchágu nanata̱xgü. Rü yemawena rü nane ga Amóü̃ rü nachicüxü ãẽ̱xgacüxü̃ ningucuchi.

1 Chamué 1:19

Rü moxü̃ãcü ga ngunetüü̃ ga Tupanapatawa nax naxĩxü̃ nax nüxü̃ yanacua̱xüü̃güxü̃ca̱x, rü yemawena rü napataca̱x nawoegu ga ĩane ga Ramáwa. Rü nüma ga Ercaná rü naxma̱x ga Ánaxü̃ nape. Rü nüma ga Tupana rü nanangãxü̃ ga ngĩrü yumüxẽ.

Chacaría 1:5

¿Natürü i ñu̱xma rü ngexü̃gü yixĩxü̃ ga yema perü o̱xigü? Rü chorü orearü uruü̃gü rü ta rü marü nayue.