1 Chamué 24:9 - Tupanaarü Ore

⁹ Rü ñanagürü nüxü̃: —¿Tü̱xcüü̃ i naga cuxĩnüxü̃, Pa Ãẽ̱xgacüx, i ngẽma duü̃xü̃gü i cumaxã nüxü̃ ixuxü̃ nax choma rü naxca̱x chadauxü̃ nax cuxü̃ chimáxü̃?

1 Chamué 24:9 Referans Kwoze

Ucu̱xẽgüchiga 29:12

Ngẽma ãẽ̱xgacü i naga ĩnüxü̃ i ngẽma ore i doramare ixĩxü̃, rü chixexü̃wa nanagagü i guxü̃ma i norü ngü̃xẽẽruü̃gü.

Ucu̱xẽgüchiga 26:28

Ngẽma idorata̱xáxü̃ rü naxchi naxai i ngẽma duü̃xü̃gü i womüxẽẽxü̃. Rü ngẽma nüxü̃ cuáxü̃ nax ore i mexcüraxü̃xü̃maxã nawomüxẽẽtaexü̃ rü guxchaxü̃ ínanguxẽxẽ.

Ucu̱xẽgüchiga 25:23

Yimá buanecü ya nórtewaama ne ũcü rü pucü ínanguxẽxẽ. Rü yimá conü ya chixexü̃maxã idexacü rü nu ínanguxẽxẽ.

Ucu̱xẽgüchiga 18:8

Ngẽma oregüta̱xáxü̃arü ore rü ñoma wüxi i maixcuraxü̃rüxü̃ nixĩ, rü tauxchaãcü duü̃xü̃güarü maxü̃wa nixücu.

Ucu̱xẽgüchiga 17:4

Ngẽma duü̃xü̃ i chixexü̃gu maxü̃xü̃ rü ngẽma idorata̱xáxü̃, rü naga naxĩnüe i ngẽma duü̃xü̃ i chixexü̃maxã naxucu̱xẽxü̃.

Ucu̱xẽgüchiga 16:28

Ngẽma duü̃xü̃ i chixexü̃gu maxü̃xü̃, rü nu ínanguxẽxẽ. Rü ngẽma duü̃xü̃ i oregüta̱xáxü̃, rü duü̃xẽ tügüchi tüxü̃ naxaiexẽxẽ.

Wiyaegü 141:6

Rü ngẽma chixexü̃ ügüxü̃ i duü̃xü̃güarü ãẽ̱xgacügü rü tá nayayitanü ñoma ma̱xpǘnewa nayi̱xixü̃rüxü̃. Rü ngẽxgumama tá nüxna nacua̱xãchie nax namexü̃ ga yema ore ga namaxã nüxü̃ chixuxü̃.

Wiyaegü 101:5

Rü tá chayanangea̱xgüxẽxẽ i ngẽma duü̃xü̃gü i namücügüechita chixri tümachiga idexagüxü̃. Rü taxũtáma yáxna namaxã chaxĩnü i ngẽma duü̃xü̃gü i to̱xguã̱xétüwa nügü ügüxẽxẽchaü̃xü̃ rü ngẽma norü poramaxã nügü icua̱xüxü̃güxü̃.

1 Chamué 26:19

Choma i curü duü̃xü̃ nax chixĩxü̃ rü cuxü̃ chaca̱a̱xü̃ Pa Ãẽ̱xgacüx nax choxü̃́ icuxĩnüxü̃. Rü ngẽxguma chi Tupana cuxna ĩnügu, Pa Ãẽ̱xgacüx, nax chomaxã curüxuanüxü̃ca̱x ¡rü nayaxu i chorü ãmare nax chomaxã curüngü̃xmüxü̃ca̱x! Natürü ngẽxguma chi cumatama nagu curüxĩnügu nax chauxchi cuxaixü̃, rü Tupana tá nixĩ ya nüxü̃ cuácü nax cuxü̃́ naxütanüãxü̃ naxca̱x i ngẽma. Yerü cuma nixĩ ga Tupanaarü duü̃xü̃güarü naanewa choxü̃ ícuta̱xüchixü̃ nax ngẽmaãcü togü i tupanagüxü̃ chicua̱xüü̃xü̃ca̱x.

Lebítanüxü̃arü puracüchiga 19:16

¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.

1 Chamué 20:1

Dabí rü Naióxwa niña ga Ramáwa rü Yonatáü̃ íyexmaxü̃wa naxũ nax namaxã nüxü̃ yanaxuxü̃ca̱x, rü ñanagürü: —¿Ta̱xacü ẽ̱xna chaxü i chomax? ¿Ta̱xacü ẽ̱xna nixĩ i chorü chixexü̃? ¿Ta̱xacürü chixexü̃ tümamaxã chaxü ya cunatü rü ngẽmaca̱x cha̱u̱xca̱x tadauxü̃ rü choxü̃ timáxchaü̃xü̃? —ñanagürü.

1 Chamué 24:8

Natürü nüma ga Dabí rü Chaúwetama inayago ga yema ãxmaxü̃wa rü nüxna nacagü rü ñanagürü: —Pa Ãẽ̱xgacüx, Pa Ãẽ̱xgacüx —ñanagürü. Rü nüma ga Chaú rü nügü nadauegu. Rü nüma ga Dabí rü ñaxtüanegu yangücuchiãcüma nüxü̃ narümoxẽ.

1 Chamué 24:10

Pa Chorü Ãẽ̱xgacüx, ñu̱xmawaxix nixĩ i aixcüma nüxü̃ cucuáxü̃ nax tama cuxü̃ chimáxchaü̃. Rü woo Cori ya Tupana rü cho̱xme̱xgu cuxü̃ nax nangu̱xẽẽchirexü̃ i nua ma̱xpǘnearü ãxmaxü̃wa, natürü i choma rü tama cuxü̃ chiima̱x, Pa Ãẽ̱xgacüx. Erü nagu charüxĩnü nax cuma rü ãẽ̱xgacü quixĩxü̃ erü Cori ya Tupana rü marü ngẽmaca̱x cuxü̃ naxuneta.

1 Chamué 26:18

¿Natürü tü̱xcüü̃ chowe quingechigü Pa Ãẽ̱xgacüx, i choma nax curü duü̃xü̃ chixĩxü̃? ¿Rü ta̱xacü chaxü? ¿Rü ta̱xacürü chixexü̃ cumaxã chaxü?

Yeremía 37:18

Rü ñu̱xũchi nüma ga Yeremía rü ãẽ̱xgacü ga Chedequíana naca rü ñanagürü: —¿Ta̱xacürü chixexü̃ cumaxã chaxü, Pa Ãẽ̱xgacüx, rü ta̱xacürü chixexü̃ namaxã chaxü i curü ngü̃xẽẽruü̃gü, rü ta̱xacürü chixexü̃ namaxã chaxü i ngẽma duü̃xü̃gü rü ngẽmaca̱x choxü̃ pepoxcuxü̃?

1 Chamué 20:41

Rü yexguma marü íyaxũxgux ga yema Yonatáü̃arü ngü̃xẽẽruxü̃, rü Dabí rü nixũxũ ga yema nutatanüwa ga íyacúxü̃wa. Rü waixü̃müanegu tomaepü̱xcüna Yonatáü̃pe̱xegu nayangücuchi. Rü ñu̱xũchi nügü nachúxgü rü wüxigu naxauxe. Natürü Dabí rü yexeraãcü naxaxu.