1 Chamué 24:7 - Tupanaarü Ore

⁷ Rü yemaacü ga Dabí rü nüxna nachogü ga norü churaragü yerü tama nanaxwa̱xe nax Chaúxü̃ nax yama̱xgüxü̃. Rü nüma ga Chaú rü ínaxũxũ ga yema ãxmaxü̃wa rü inaxĩ.

1 Chamué 24:7 Referans Kwoze

Ore i mexü̃ ga Matéu ümatüxü̃ 5:44

Natürü i choma rü pemaxã nüxü̃ chixu rü: ¡Nüxü̃ pengechaü̃ i perü uanügü! ¡Rü naxca̱x peyumüxẽ i ngẽma duü̃xü̃gü i chixexü̃maxã pewe ingẽxü̃tanüxü̃!

Wiyaegü 7:4

Rü ngẽxguma chomücü mexü̃ choxü̃́ üxgu, rü taguma chixexü̃maxã tüxü̃́ chanatáeguxẽxẽ. Rü taguma ngürümare guxchaxü̃ chorü uanüca̱x íchanguxẽxẽ.

1 Chamué 25:33

¡Tupana cuxü̃ rüngü̃xẽxẽ̱x erü mexü̃gu curüxĩnü! Rü ngẽmaca̱x choxna cuchogü nax tama chanadaixü̃ca̱x i duü̃xü̃gü i tama chixexü̃ ügüxü̃.

1 Chamué 24:6

Rü ñanagürü norü churaragüxü̃: —¡Cori ya Tupana choxü̃ rüngü̃xẽxẽ nax tama ta̱xacü namaxã chaxüxü̃ca̱x i ngẽma chorü ãẽ̱xgacü! Nüma rü ãẽ̱xgacü nixĩ yerü Cori ya Tupanatama nüxü̃ naxuneta —ñanagürü.

1 Chamué 24:8

Natürü nüma ga Dabí rü Chaúwetama inayago ga yema ãxmaxü̃wa rü nüxna nacagü rü ñanagürü: —Pa Ãẽ̱xgacüx, Pa Ãẽ̱xgacüx —ñanagürü. Rü nüma ga Chaú rü nügü nadauegu. Rü nüma ga Dabí rü ñaxtüanegu yangücuchiãcüma nüxü̃ narümoxẽ.

1 Chamué 26:9

Natürü nüma ga Dabí rü nanangãxü̃ rü ñanagürü: —¡Taxṹ i cuyamáxü̃! Erü texé ya yíxema yamáxe i ngẽma ãẽ̱xgacü ya Tupana nüxü̃ unetaxü̃, rü Tupana rü taxũtáma nanangupetüxẽẽmare nax tüxü̃ napoxcuxü̃.

1 Chamué 12:3

Rü ñu̱xma rü daxe chixĩ. Ega ngẽxguma chi texéarü wocaca̱x rüe̱xna búruca̱x changĩ̱xgux, rüe̱xna texé chi chaxaixgu, rü chixri tümamaxã ichacua̱xgu rüe̱xna chanayauxtanügu ga ta̱xacürü guxchaxü̃ chamexẽẽ̱xgu, rü marü name i Cori ya Tupanape̱xewa rü nape̱xewa ya yimá ãẽ̱xgacü ya Tupana nüxü̃ unetacü, rü choxü̃ ípexuaxü̃. Rü choma rü tá chanaxütanü i ngẽma pexü̃́ changetanüxü̃ —ñanagürü.

1 Chamué 26:23

¡Rü Tupana tüxü̃́ naxütanü ya wüxíechigü naxca̱x i ngẽma mexü̃ nax taxüxü̃ rü ngẽma nax tixaixcümaxü̃! Rü woo nüma ya Cori ya Tupana rü ñoma i ngunexü̃gu cho̱xme̱xgu cuxü̃ nanguxẽxẽ, Pa Ãẽ̱xgacüx, rü tama cuxü̃ chiima̱x, erü nüma ya Cori ya Tupana nixĩ ga ãẽ̱xgacüxü̃ cuxü̃ naxunetaxü̃.

2 Chamué 1:14

Rü nüma ga Dabí rü tagaãcü nüxü̃ ñanagürü: —¿Ñuxãcü tama cumuü̃ nax cuyamáxü̃ ya yimá ãẽ̱xgacü ga Cori ya Tupana nüxü̃ unetacü? —ñanagürü.