1 Chamué 24:6 - Tupanaarü Ore

⁶ Rü ñanagürü norü churaragüxü̃: —¡Cori ya Tupana choxü̃ rüngü̃xẽxẽ nax tama ta̱xacü namaxã chaxüxü̃ca̱x i ngẽma chorü ãẽ̱xgacü! Nüma rü ãẽ̱xgacü nixĩ yerü Cori ya Tupanatama nüxü̃ naxuneta —ñanagürü.

1 Chamué 24:6 Referans Kwoze

Romanos 12:14

Rü ngẽxguma chi texé chixexü̃ pexca̱x ínguxẽẽgu, rü name nixĩ i tümaca̱x peyumüxẽgü. Rü name nixĩ i Tupanana tümaca̱x peca nax tüxü̃ nangü̃xẽẽxü̃ca̱x rü tama tüxü̃ napoxcuxü̃ca̱x.

1 Tesalonicenses 5:15

Rü ngẽxguma texé chixexü̃ pemaxã ü̱xgu, rü tama name i chixexü̃maxã penataeguxẽxẽ. ¡Rü pora pexügü nax guxü̃guma mexü̃ pexügüxü̃ i pegütanüwa rü guxü̃ma i ngẽma togütanüwa rü ta!

Ore i mexü̃ ga Matéu ümatüxü̃ 5:44

Natürü i choma rü pemaxã nüxü̃ chixu rü: ¡Nüxü̃ pengechaü̃ i perü uanügü! ¡Rü naxca̱x peyumüxẽ i ngẽma duü̃xü̃gü i chixexü̃maxã pewe ingẽxü̃tanüxü̃!

Nüxíraxü̃xü̃ ga popera ga ãẽ̱xgacügüchiga 21:3

Natürü ga Nabú rü Acáxü̃ nangãxü̃ rü ñanagürü: —Tupana tama nanaxwa̱xe nax cuxna chanaxãxü̃ i ñaa naane i chaunatü choxna ãxü̃ —ñanagürü.

2 Chamué 1:14

Rü nüma ga Dabí rü tagaãcü nüxü̃ ñanagürü: —¿Ñuxãcü tama cumuü̃ nax cuyamáxü̃ ya yimá ãẽ̱xgacü ga Cori ya Tupana nüxü̃ unetacü? —ñanagürü.

1 Chamué 12:3

Rü ñu̱xma rü daxe chixĩ. Ega ngẽxguma chi texéarü wocaca̱x rüe̱xna búruca̱x changĩ̱xgux, rüe̱xna texé chi chaxaixgu, rü chixri tümamaxã ichacua̱xgu rüe̱xna chanayauxtanügu ga ta̱xacürü guxchaxü̃ chamexẽẽ̱xgu, rü marü name i Cori ya Tupanape̱xewa rü nape̱xewa ya yimá ãẽ̱xgacü ya Tupana nüxü̃ unetacü, rü choxü̃ ípexuaxü̃. Rü choma rü tá chanaxütanü i ngẽma pexü̃́ changetanüxü̃ —ñanagürü.

1 Chamué 24:7

Rü yemaacü ga Dabí rü nüxna nachogü ga norü churaragü yerü tama nanaxwa̱xe nax Chaúxü̃ nax yama̱xgüxü̃. Rü nüma ga Chaú rü ínaxũxũ ga yema ãxmaxü̃wa rü inaxĩ.

2 Chamué 24:10

Natürü nawena ga nax yaxugüãxü̃ ga duü̃xü̃gü rü nüma ga Dabí rü nüxü̃́ nangu̱x ga yema naxüxü̃. Rü yemaca̱x Cori ya Tupanamaxã ñanagürü: —Wüxi i taxü̃ i chixexü̃ chaxü nax chayaxugüxü̃ i duü̃xü̃gü. Natürü, Pa Corix, choma nax curü duü̃xü̃ nax chixĩxü̃ rü cuxna naxca̱x chaca nax choxü̃́ nüxü̃ curüngü̃maxü̃ i ngẽma chixexü̃ i cupe̱xewa chaxüxü̃ erü ñoma wüxi i tama naãxẽxü̃ cuáxü̃rüü̃ãcü chanaxü —ñanagürü.