1 Chamué 24:2 - Tupanaarü Ore

² Rü yexguma ga Chaú rü 3,000 ga churaragü nidexechi ga guxü̃ma ga Iraéanecüã̱xgütanüwa, rü Dabíca̱x nayadaugü nagu ga yema ma̱xpǘnearü tuãchi.

1 Chamué 24:2 Referans Kwoze

1 Chamué 26:2

Rü yexguma ga Chaú rü inaxũãchi namaxã ga 3,000 ga Iraéanecüã̱xgüarü churaragü ga nüxü̃ rücua̱xmaegüxü̃ ga daiwa. Rü Chíxarü chianexü̃wa naxĩ nax Dabíca̱x yadaugüxü̃ca̱x.

Wiyaegü 141:6

Rü ngẽma chixexü̃ ügüxü̃ i duü̃xü̃güarü ãẽ̱xgacügü rü tá nayayitanü ñoma ma̱xpǘnewa nayi̱xixü̃rüxü̃. Rü ngẽxgumama tá nüxna nacua̱xãchie nax namexü̃ ga yema ore ga namaxã nüxü̃ chixuxü̃.

Wiyaegü 104:18

Rü ma̱xpǘneanewa nangẽxmagü i ngẽma naeü̃gü i naixnecücüã̱x. Rü ngẽma ma̱xpǘnearü ãxmaxü̃wa namaxẽ i ngẽma chigugü rü ngagü.

Wiyaegü 38:12

Rü ngẽma choxü̃ ima̱xgüchaü̃xü̃ rü chope̱xegu nananu i norü yütagü. Rü ngẽma choxü̃ chixexẽẽgüchaü̃xü̃ rü nügümaxã nagu narüxĩnüe nax ñuxãcü tá chixexü̃gu choxü̃ nanguxẽẽgüxü̃. Rü guxü̃ i oragu rü chauchiga doraxü̃ nixugü.

Wiyaegü 37:32

Rü ngẽma duü̃xü̃ i chixexü̃ rü nanangugü ya yimá yatü ya mecü, rü naxca̱x nadau nax ñuxãcü yamáaxü̃ca̱x.

2 Chamué 22:2

Rü ñanagürü: —Cumax, Pa Corix, rü chorü poxü̃ruxü̃ quixĩ, rü chorü cu̱xchicaxü̃ quixĩ, rü chorü nguxuchixẽẽruxü̃ quixĩ, rü chorü Tupana quixĩ, rü nuta ya chorü poxü̃ruxü̃ quixĩ, rü chorü tüpe̱xeruxü̃ quixĩ, rü chorü maxẽẽruxü̃ quixĩ, rü ma̱xpǘnetape̱xewa ngẽxmaxü̃ i chorü cu̱xchicaxü̃ i nagu changaxixü̃ quixĩ. Rü ngẽmaãcü chorü maxẽẽruxü̃ quixĩ. Rü cuma nixĩ i chorü uanügüme̱xẽwa choxü̃ ícunguxuchixẽẽxü̃ nax tama choxü̃ yama̱xgüxü̃ca̱x.

Yox 39:1

¿Rü nüxü̃ cucuáxü̃ yixĩxü̃ nax ñuxgu naxíxraxacügüxü̃ i ngẽma naixnecücüã̱x i chíbugü? ¿Rü ñuxgu yixĩxü̃ i nüxü̃ cudauxü̃ i ngẽma cowü ega naxíxraxacügu?

1 Chamué 23:28

Rü yemaca̱x nüma ga Chaú rü nüxü̃ narüchau nax Dabíwe yangẽchigüxü̃, rü nataegu nax Firitéugümaxã nügü yadaixü̃ca̱x. Rü yexgumacürüwa ga yema nachica ga Dabí nawa yexmaxü̃ rü Ma̱xpǘne ya Nawa Yigüna Ixĩgachitanünegu naxãéga.