1 Chamué 24:16 - Tupanaarü Ore

¹⁶ Rü yexguma Dabí nüxü̃ rüchauxgu nax yadexaxü̃, rü nüma ga Chaú rü tagaãcü nanangãxü̃ rü ñanagürü: —¿Ẽ̱xna cuma quixĩxü̃, Pa Chaunex, Pa Dabíx, i chomaxã quidexaxü̃? —ñanagürü. Rü ñu̱xũchi inanaxügü ga nax naxaxuxü̃.

1 Chamué 24:16 Referans Kwoze

1 Chamué 26:17

Rü yexguma Chaú nüxü̃ cua̱xgu nax Dabí yixĩxü̃ ga yéma idexaxü̃, rü tagaãcü yexma nacagü rü ñanagürü: —¿Ẽ̱xna cuma quixĩxü̃, Pa Chaunex, Pa Dabíx? —ñanagürü. Rü nüma ga Dabí rü nanangãxü̃ rü ñanagürü: —Ngü̃, Pa Ãẽ̱xgacüx, choma chixĩ.

Ngechuchuarü ngúexü̃gü ga yamugüxü̃arü puracüchiga 6:10

Natürü taxuacüma Estébaxü̃xü̃ narüyexeragü, yerü nüma ga Estébaü̃ rü nidexa namaxã ga yema cua̱x ga Tupanaãxẽ ya Üünecü nüxna ãxü̃.

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

Ucu̱xẽgüchiga 15:1

Ngẽma ngãxü̃ i memarexü̃, rü nu inarüxoxẽxẽ, natürü ngẽma ngãxü̃ga i nuãcü ixĩxü̃, rü nanayexeraxẽxẽ i ngẽma nu.

Yox 6:25

Rü taxúema nüxü̃ taxo i wüxi i ore i aixcüma ixĩxü̃, natürü i pema rü taxuxü̃ma i chixexü̃ chaxüãcüma rü choxü̃ pixugü.

Naanearü ügüchiga 33:4

Natürü ga Echaú rü Acóbuca̱x niña rü nüxna nayana̱i̱xãchi rü nüxü̃ nachúxu. Rü nügümaxã naxauxe.

Ucu̱xẽgüchiga 25:11

Ngẽma ore i meama norü oragu nüxü̃ ixuxü̃, rü ñoma wüxi i manzanachicüna̱xã i úirunaxca̱x i diẽrumümaxã nga̱xãẽxü̃rüxü̃ nangúchaü̃xü̃chi.

Naanearü ügüchiga 2:2

Rü yexguma norü 7 ga ngunexü̃wa nanguxgu rü Tupana rü marü nayanguxẽxẽ ga guxü̃ma ga yema naxüxü̃. Rü inarüngü̃.

Naanearü ügüchiga 16:5

Rü yemaca̱x ga Charái rü Abráü̃xü̃ ngĩgürügü: —Cugagu nixĩ i Agá i tama chauga naxĩnüxü̃. Chomatama nixĩ ga cuxna ngĩxü̃ chamuxü̃ rü ñu̱xma nax naxãxacüxü̃ rü choxü̃ irüyexerachaü̃. Rü Cori ya Tupana tá nixĩ ya nüxü̃ ixucü rü texégagu yixĩxü̃ nax ngẽma ngupetüxü̃ rü cugagu rüe̱xna chaugagu —ngĩgürügü.

Ãẽ̱xgacügü ga guxchaxü̃güarü mexẽxẽruü̃gü 11:27

Choma rü taxuxü̃ma i chixexü̃ cumaxã chaxü. Rü cumawaxi nixĩ i chixexü̃ tomaxã cuxüxü̃ erü toxca̱x ícuyagoõchi. Natürü nüma ya Cori ya Tupana ya guxchaxü̃arü mexẽẽruxü̃ tá nixĩ i Iraétanüxü̃maxã rü Amóü̃tanüxü̃maxã namexẽxẽxü̃ i ngẽma guxchaxü̃” —ñanagürü.

1 Chamué 26:24

Rü ngẽma nax ñu̱xma curü maxü̃xü̃ changechaü̃xü̃rüxü̃, Pa Ãẽ̱xgacüx, rü ngẽxgumarüxü̃ ta chanaxwa̱xe nax Cori ya Tupana nüxü̃ nangechaü̃xü̃ i chorü maxü̃ rü nawa choxü̃ ínanguxuchixẽẽxü̃ i guxü̃ma i ñaa guxchaxü̃gü —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:18

Rü Tupanaãxẽ nüxna nangu ga Amachái ga namaxã icuácü ga yema 30 ga Dabíarü churaragü ga rüporamaegüxü̃, rü ñanagürü: —Pa Dabíx Pa Ichaxí Nanex, toma rü curü ngü̃xẽẽruü̃gü tixĩgü, rü tanaxwa̱xe nax mea cuxü̃́ ínanguxuchixü̃ i guxü̃ma i nagu curüxĩnüxü̃wa. Rü tanaxwa̱xe i mea nüxü̃ naxüpetüxü̃ i guxü̃ma i ngẽma cuwa ügüxü̃, erü yimá curü Tupana cuxü̃ narüngü̃xẽxẽ —ñanagürü. Rü yexguma nüma ga Dabí rü nanade rü norü churaragüeruxü̃ nayaxĩgüxẽxẽ.

Wiyaegü 119:154

¡Rü chauétüwa nachogü rü chorü uanügüme̱xẽwa choxü̃ ínanguxuchixẽxẽ! ¡Rü choxna naxã i maxü̃ ngẽma cuma chomaxã icuxunetaxü̃rüxü̃!