1 Chamué 23:7 - Tupanaarü Ore

⁷ Rü Chaúmaxã nüxü̃ nixugüe ga Dabí rü ĩane ga Queiráwa nax nayexmaxü̃. Rü nüma ga Chaú rü ñaxü̃gu narüxĩnü: —Ñu̱xma nixĩ i Cori ya Tupana rü Dabíxü̃ cho̱xme̱xgu nanguxẽẽxü̃. Erü ñu̱xma nax ĩane ya Queirágu naxücuxü̃ rü ngẽxma ĩã̱xarü wãxtaruxü̃maxã narüwãxtaü̃ rü taxucürüwa niña —ñaxü̃gu narüxĩnü.

1 Chamué 23:7 Referans Kwoze

1 Chamué 23:14

Rü nüma ga Dabí rü yema chianexü̃ ga Chíxwa naxũ, rü yexma ma̱xpǘnearü ãxmaxü̃gügu norü duü̃xü̃gümaxã nicu̱xgü rü yéma nayexmagü. Rü nüma ga Chaú rü guxü̃ma ga ngunexü̃gu naxca̱x nadau, natürü ga Tupana rü Dabína nadau, rü yemaca̱x ga Chaú rü taguma nüxü̃ inayangau.

Ínachoxü̃xü̃chiga 15:9

Rü ngẽma uanü rü norü ĩnüwa rü ñanagürü: “Nawe tá change ñu̱xmatáta nüxü̃ ichayangau. Rü ngẽxguma nüxü̃ ichayangauxgu rü tá chanayaxu i chorü tara rü chorü poramaxã tá chayama̱x. Rü nüxna tá chanapuxü̃ i guxü̃ma i norü ngẽmaxü̃gü i chanaxwa̱xexü̃. Rü tá ichayanu i ngẽma nüxna chapuxü̃xü̃”, ñaxü̃gu narüxĩnü.

Ínachoxü̃xü̃chiga 14:3

Rü ngẽmaãcü i nüma i Faraóü̃ rü tá nagu narüxĩnü nax pema i Iraétanüxü̃ tama nüxü̃ pecuáxü̃ nax ngextá pexĩxü̃ rü ngẽmaca̱x ngẽma ínachianexü̃gu ípetüexü̃.

1 Chamué 23:6

Rü yexgumayane ga Abiatá ga Aimérex nane rü Queiráwa naxũ nax Dabíxü̃ naxümücüxü̃ca̱x. Rü yéma nanange ga Tupanaarü efóx.

1 Chamué 23:8

Rü yexgumatama ga nüma ga Chaú rü guxü̃ma ga norü churaragüca̱x naca nax ĩane ga Queiráwa naxĩxü̃ca̱x nax Dabíxü̃ rü norü duü̃xü̃güxü̃ ínayauxü̃xü̃ca̱x.

Wiyaegü 31:21

Rü cuma rü cumecümaxü̃chi, Pa Corix, Pa Tupanax. Yerü yexguma ãũcümaxü̃wa chayexmagu rü taxü̃ ga mexü̃ cha̱u̱xca̱x cuxü, erü choxü̃ cungechaü̃.