1 Chamué 23:4 - Tupanaarü Ore

⁴ Rü yexguma ga nüma ga Dabí rü wena Cori ya Tupanana naca. Rü nüma ya Cori ya Tupana rü nanangãxü̃ rü ñanagürü: —¡Inaxũãchi rü nawa naxũ ya ĩane ya Queirá! Erü choma rü tá cuxme̱xgu chanayixẽxẽ i ngẽma Firitéugü —ñanagürü.

1 Chamué 23:4 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 7:7

Rü yexguma ga nüma ga Cori ya Tupana rü Yedeóü̃xü̃ ñanagürü: —Ñaa 300 i yatügümaxã tá pexü̃ íchanguxü̃xẽxẽ, rü tá nüxü̃ charüporamae i ngẽma Madiáü̃tanüxü̃. Rü guxü̃ma i ngẽma togü i curü duü̃xü̃gü rü marü name i napataca̱x nawoegu —ñanagürü.

Yochué 8:7

Rü ngẽxguma i pema rü tá peyayi i ngẽma ípicu̱xgüxü̃wa rü yima ĩanegu tá pichocu, erü Cori ya tórü Tupana rü pexme̱xgu tá nananguxẽxẽ ya yima ĩane.

Norü taxre ga popera ga ãẽ̱xgacügüchiga 3:18

Rü ñaa nixĩ i wüxi i íxramarexü̃ i Cori ya Tupana pexü̃ wéxü̃ nax ngẽmawa nüxü̃ pecuáxü̃ca̱x nax nüxü̃́ natauxchaxü̃ nax ta̱xacü naxüxü̃. Rü naétü rü tá pexme̱xgu nanayixẽxẽ i ngẽma Moátanüxü̃ nax penada̱i̱xü̃ca̱x.

2 Chamué 5:19

Rü yemaca̱x nüma ga Dabí rü Tupanana naca rü ñanagürü: —¿Namexü̃ nax chanadaixü̃ i Firitéugü? ¿Rü nüxü̃ chi choxü̃ curüporamaexẽxẽxü̃? —ñanagürü. Rü nüma ga Cori ya Tupana rü Dabíxü̃ nangãxü̃ rü ñanagürü: —¡Ẽcü nadai! Rü choma rü tá nüxü̃ cuxü̃ charüporamaexẽxẽ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 6:39

Natürü ga Yedeóü̃ rü Tupanaxü̃ ñanagürüama: —¡Taxũtá i chomaxã cunuxü̃ nax wena cuxü̃ chaca̱a̱xü̃xü̃! Natürü i ñu̱xma chanaxwa̱xe i to i cua̱xruxü̃. Rü ngẽma chanaxwa̱xexü̃ nixĩ nax cunapaxẽxẽxü̃ i ngẽma carnérucha̱xmüxü̃, natürü i nacüwawa rü cherenamaxã tá cunawaianexẽxẽ —ñanagürü.

1 Chamué 10:22

Rü yemaca̱x wenaxarü Cori ya Tupanana nacagüe ga nüxü̃ nax nacua̱xgüxü̃ca̱x rü aixcüma nayexma ga Chaú. Rü nüma ga Cori ya Tupana rü nüxü̃ nixu ga yéma nax nayexmaxü̃, rü Iraéanecüã̱xgüarü yemaxü̃tanügu nax yacúxü̃.

1 Chamué 23:3

Natürü ga Dabíarü duü̃xü̃gü rü Dabíxü̃ ñanagürügü: —Nua Yudáanewa nax ingẽxmagüxü̃ rü nüxü̃ tamuü̃e i ngẽma Firitéugü. Rü ngẽxguma chi ĩane i Queiráwa ixĩxgu rü yexera nüxü̃ tamuü̃e i ngẽma Firitéugüarü churaragü —ñanagürügü.

1 Chamué 23:5

Rü Dabí rü norü duü̃xü̃gümaxã inaxũãchi nax ĩane ga Queiráwa naxũxü̃. Rü yexma Firitéugümaxã nügü nadai. Rü nüxü̃ narüporamae rü guxü̃xü̃ma nadai. Rü nügüaxü̃́ nayagagü ga Firitéugüarü naxü̃na ga wocagü. Rü yemaacü Dabí Firitéugüme̱xẽwa ínanapoxü̃ ga yema duü̃xü̃gü ga ĩane ga Queirácüã̱xgü.

1 Chamué 30:8

Rü yexguma nüma ga Dabí rü Cori ya Tupanana naca rü ñanagürü: —¿Namexü̃ nax nawe changexü̃ i ngẽma ngĩ́ta̱xagüxü̃? ¿Rü nüxü̃ tá chayangauxü̃? —ñanagürü. Rü yexguma nüma ga Cori ya Tupana rü Dabíxü̃ nangãxü̃ rü ñanagürü: —¡Nawe nangẽ rü tá nüxü̃ cuyangau, rü tá tüxü̃ cupuxü̃ ya yíxema tüxü̃ yagagüxe! —ñanagürü.

2 Chamué 2:1

Rü yemawena rü nüma ga Dabí rü Cori ya Tupanana naca rü ñanagürü: —¿Yudáaneca̱x tá chataeguxü̃? —ñanagürü. Rü nüma ga Cori ya Tupana nanangãxü̃ rü ñanagürü: —Ngü̃, name nixĩ i ngéma cuxũ —ñanagürü. Rü yexguma ga Dabí rü ínaca rü ñanagürü: —¿Ngextá tá chaxũxü̃? —ñanagürü. Rü nüma ga Cori ya Tupana nanangãxü̃ rü ñanagürü: —Ĩane ya Ebróü̃wa —ñanagürü.

Ãẽ̱xgacügü ga guxchaxü̃güarü mexẽxẽruü̃gü 7:9

Rü yema ga chütaxü̃gu rü nüma ga Cori ya Tupana rü Yedeóü̃xü̃ namu rü ñanagürü: —¡Ẽcü curü churaragümaxã Madiáü̃tanüxü̃ca̱x ípeyaxüãchi! Rü choma rü tá pexü̃ charüngü̃xẽxẽxü̃ nax nüxü̃ perüporamaegüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:10

Rü nüma ga Dabí rü Cori ya Tupanamaxã nidexa, rü nüxna naca rü ñanagürü: —¿Tá chanadaixü̃ i Firitéugü? ¿Rü nüxü̃ tá choxü̃ curüporamaexẽxẽxü̃? —ñanagürü. Rü Cori ya Tupana nangãxü̃ rü nüxü̃ ñanagürü: —¡Ẽcü nadai! Rü tá nüxü̃ cuxü̃ charüporamaexẽxẽ —ñanagürü.