1 Chamué 23:16 - Tupanaarü Ore

¹⁶ Rü wüxi ga ngunexü̃gu, rü nüma ga Yonatáü̃ ga Chaú nane rü Órewa naxũ ga Dabí íyexmaxü̃wa. Rü nayataãẽxẽxẽ rü pora nüxna nayaxã nax yexera Tupanaaxü̃́ yaxõõxü̃ca̱x.

1 Chamué 23:16 Referans Kwoze

Norü taxre ga popera ga Timutéuca̱x naxümatüxü̃ ga Pauru 2:1

Rü ñu̱xma, Pa Chaune, Pa Timutéux, ¡rü cugü naporaxẽxẽ namaxã i ngẽma pora ya Ngechuchu ya Cristu tüxna ãxü̃!

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Ore i mexü̃ ga Luca ümatüxü̃ 22:32

Natürü choma rü Chaunatüxü̃ cuxca̱x chaca̱a̱xü̃ nax tama nüxü̃ curüxoxü̃ca̱x nax cuyaxõxü̃. Rü ngẽmaca̱x i cumax, Pa Pedru, rü ngẽxguma cha̱u̱xca̱x cutaegu̱xgu, rü chanaxwa̱xe i nüxü̃ curüngü̃xẽxẽ i cumücügü nax tama nüxü̃ naxoexü̃ca̱x nax yaxõgüãxü̃ —ñanagürü.

1 Chamué 30:6

Rü nüma ga Dabí rü naxoegaãẽ yerü ga yema norü duü̃xü̃gü rü nagu narüxĩnüe nax Dabíxü̃ nutamaxã ínamuxũchigüxü̃ yerü poraãcüma naxacügüca̱x nanue. Natürü nüma ga Dabí rü Cori ya Tupanana narüyoe rü nayaxõ nax Tupana tá nüxü̃ rüngü̃xẽẽxü̃.

Ore i mexü̃ ga Luca ümatüxü̃ 22:43

Rü yexguma nayumüxẽgu rü wüxi ga daxũcüã̱x ga Tupanaarü orearü ngeruxü̃ rü naxca̱x nango̱x, rü nanaporaxẽxẽ.

Neemía 2:18

Rü yexguma namaxã nüxü̃ chixuxgu nax ñuxãcü Tupana poraãcü choxü̃ rüngü̃xẽẽxü̃ rü yema ore ga ãẽ̱xgacü ga Artayére chomaxã nüxü̃ ixuxü̃, rü nüma ga duü̃xü̃gü rü choxü̃ nangãxü̃gü rü ñanagürügü: —¡Ngĩxã itanaxügü nax namexẽxẽxü̃ ya daa ĩanearü poxeguxü̃! —ñanagürügü. Rü inanaxügüe ga nax napuracüexü̃.

Ucu̱xẽgüchiga 27:9

Ngẽma pumara i yixichixü̃ rü tüxü̃ nataãẽxẽxẽ. Rü ngẽxgumarüxü̃ nixĩ i ngẽma ucu̱xẽ i tamücü tüxna ãxü̃ rü taãxẽ tüxna naxã.

Ucu̱xẽgüchiga 27:17

Ngẽma fieru rü to i fieruxü̃ nate̱xẽxẽ. Rü ngẽxgumarüxü̃ ta i taxre i duü̃xü̃gü rü nügü naxucu̱xẽgü nax mexü̃gu naxĩnüexü̃ca̱x.

Wenaxarü naxümatü ga Tupanaarü mugü 3:28

¡Rü naxuxcu̱xẽ i Yochué, rü nüxü̃́ nangúchaü̃xẽxẽ rü naporaxẽxẽ! Erü nüma tá nixĩ i duü̃xü̃gümaxã naxũxpe̱xeãxü̃, rü namaxã tá yapugüãxü̃ i ngẽma naane i ñu̱xma tá nüxü̃ cudauxü̃”, ñanagürü choxü̃.

Yox 16:5

Natürü i choma rü chi pemaxã nüxü̃ chixu i ore i namaxã pexü̃ chataãẽxẽẽxü̃ nax ngẽmaãcü pora pexna chaxãxü̃ca̱x.

Echequié 13:22

Pema rü penaxü i ngẽma tama chanaxwa̱xexü̃ rü perü doramaxã penamuü̃xẽxẽ i ngẽma duü̃xü̃gü i mecümaxü̃. Rü yexera chixexü̃ pexü yerü nüxü̃ perüngü̃xẽxẽ ga yema chixexü̃gu maxẽxü̃ nax tama nüxna yaxĩgachixü̃ca̱x i norü chixexü̃ nax ngẽmaãcü taxucürüwama nüxna chanaxãxü̃ca̱x i maxü̃.

1 Chamué 23:15

Natürü nüma ga Dabí rü Chaúca̱x namuü̃, yerü naxca̱x nadau ga nax yamáãxü̃ca̱x. Rü yemaca̱x ga Dabí rü naixnecü ga Óregu narüxã̱ũ̱x ga chianexü̃ ga Chíxwa.