1 Chamué 23:13 - Tupanaarü Ore

¹³ Rü yexguma ga Dabí rü ñu̱xũchi norü duü̃xü̃gü ga 600 ga norü mu rü ĩane ga Queiráwa ínachoxü̃, rü inaxĩ tama nüxü̃ nacua̱xgüãcü nax ngextá tá naxĩxü̃. Rü yexguma Chaú nüxü̃ cuáchigagu ga Dabí rü marü nax yañaxü̃ ga ĩane ga Queiráwa, rü ínayachaxãchi nax nawe nangexü̃.

1 Chamué 23:13 Referans Kwoze

1 Chamué 25:13

Rü yexguma nüma ga Dabí rü norü duü̃xü̃güxü̃ namu rü ñanagürü: —¡Guxãma penade i pexne! —ñanagürü. Rü yexguma nüma ga Dabí rü ñu̱xũchi 400 ga norü duü̃xü̃gü rü nananucu ga norü taragü rü inaxĩãchi. Rü yema togü ga 200 ga duü̃xü̃gü rü yema ínapegüxü̃gutama narücho, rü nüxna nadaugü ga norü yemaxü̃gü.

1 Chamué 22:2

Rü yexgumarüxü̃ ta naxü̃tawa naxĩ ga yema duü̃xü̃gü ga ãẽ̱xgacü ngetanüãcü puracüexẽẽxü̃ rü yema duü̃xü̃gü ga nangetanügüxü̃ rü yema duü̃xü̃gü ga tama ãẽ̱xgacümaxã taãẽgüxü̃. Rü nüma ga Dabí rü yema duü̃xü̃güeru nixĩ. Rü yema duü̃xü̃gü ga Dabíwe rüxĩxü̃ rü 400 ga yatügüwa nangu.

2 Chamué 15:20

Cuma rü ĩnetama nua cungu ¿Rü ñuxãcü chi i cuxna naxca̱x chacaxü̃ nax towe curüxũxü̃ca̱x ega woo i choma rü tama nüxü̃ chacua̱xgu nax ngextá chaxũxü̃? Rü ngẽmaca̱x narümemae nax cutaeguxü̃ rü ícuyagagüxü̃ i ngẽma cutanüxü̃. ¡Rü Tupana cuxü̃ rüngü̃xẽxẽ̱x rü guxü̃guma cuxü̃tawa nangẽxma! —ñanagürü.

2 Chamué 15:18

Rü naxü̃tawa nayexmagü ga guxü̃ma ga norü churaragüerugü. Rü yoxni ga yema Queretéugü rü Peretéugü ga ãẽ̱xgacüarü dauruü̃gü ixĩgüxü̃ rü yema 600 ga Yetéugü ga ĩane ga Gáxwa nawe rüxĩxü̃, rü ãẽ̱xgacüpe̱xewa nachopetü.

Yox 5:12

Nüma rü ngẽma womüxẽẽxü̃ cua̱xgüxüchixü̃arü ĩnügu nayanachixexẽxẽ. Rü ngẽmaãcü inayanaxoxẽxẽ i ngẽma nagu naxĩnüexü̃ i ngẽma womüxẽẽxü̃ cua̱xgüxüchixü̃.

Wiyaegü 34:5

Rü yíxema Cori ya Tupanaxü̃ rüdaunüxe nax tüxü̃ nangü̃xẽẽxü̃ca̱x rü guxü̃gutáma tataãẽgü, rü tagutáma ãne tingegü.