1 Chamué 22:5 - Tupanaarü Ore

⁵ Rü wüxi ga ngunexü̃gu ga Tupanaarü orearü uruxü̃ ga Gáx rü Dabíxü̃ naxuxcu̱xẽ rü ñanagürü: —¡Taxṹ i ngẽma ãxmaxü̃gu curüxã́ũxü̃! ¡Rü Yudáarü naanewa naxũ! —ñanagürü. Rü yemaca̱x ga nüma ga Dabí rü nixũ rü naixnecü ga Érewa nangu.

1 Chamué 22:5 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 29:25

Rü nüma ga Echequía rü guma Tupanapata ga taxü̃negu nanamugü ga Lebítanüxü̃ ga platíyugümaxã rü árpagümaxã rü árpaxacügümaxã paxetagüxü̃. Rü yemaacü nixĩ ga Dabímaxã rü Tupanaarü orearü uruü̃gü ga Gáxmaxã rü Natáü̃maxã nüxü̃ yaxuxü̃ ga Cori ya Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:29

Rü guxü̃ma ga yema Dabí üxü̃ ga yexguma ãẽ̱xgacü yixĩxgu rü yema popera ga Tupanaarü orearü uruxü̃ ga Chamué ümatüxü̃gu naxümatü. Rü yexgumarüxü̃ ta ga yema Dabí üxü̃ rü naxümatü nagu ga yema popera ga Tupanaarü orearü uruxü̃ ga Natáü̃ ümatüxü̃, rü nagu ga yema popera ga Tupanaarü orearü uruxü̃ ga Gáx ümatüxü̃ ga Dabíchiga.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:9

Rü yexguma ga Cori ya Tupana rü Dabíarü ucu̱xẽruxü̃ ga Gáxü̃ namu, yerü guma nixĩ ga Dabímaxã Tupanaarü orexü̃ ixucü. Rü nüma ga Tupana rü Gáxü̃ ñanagürü:

2 Chamué 24:11

Yexguma moxü̃ãcü pa̱xmama naba̱i̱xãchigu ga Dabí, rü nümax ga Cori ya Tupana rü norü orearü uruxü̃ ga Gáx ga Dabíarü ngü̃xẽẽruxü̃ ixĩcümaxã nidexa rü ñanagürü nüxü̃:

1 Chamué 22:4

Rü yemaca̱x ga Dabí rü nanatüxü̃ rü naeü̃ Moáarü ãẽ̱xgacüxü̃tawa tüxü̃ nagagü. Rü yéma tayexmagü ga yexguma Dabí yema ãxmaxü̃gu yacu̱xyane.

2 Chamué 23:14

Rü nüma ga Dabí rü norü poxü̃chicaxü̃wa nayexma. Rü yema ngunexü̃gügu ga Firitéugüarü churaragü rü Beréü̃wa nayexmagü.

Wiyaegü 63:1

Pa Chorü Tupanax, cuma nixĩ i aixcüma chorü Tupana quixĩxü̃. Rü guxü̃ma i chorü ngúchaü̃maxã cuxca̱x chadau erü poraãcüxüchi chanaxwa̱xe i chauxü̃ta cungexmaxü̃. Rü guxü̃ma i chorü maxü̃nemaxã chanaxwa̱xe nax chauxü̃ta cungexmaxü̃, ñoma paanexü̃ rü dexá naxwa̱xexü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:16

Rü nüma ga Dabí rü yema ãxmaxü̃wa nayexma ga yexguma wüxitücumü ga Firitéugüarü churaragü Beréü̃wa yexmagügu.